Yang Woman
Ol Klas mo Ol Saen

Bihaev, 12 mo 13 yia

Bihaev i wan saen blong fasin blong wokem samting long pis, koperesen, mo saen blong wok blong ol eli paeonea blong Jos. Mo tu, bihaev hem i fas nem we oli bin save ol yang woman long hem. Ol bihaev tedei oli lan blong wok tugeta long koperesen mo pis taem oli stap mekem fet blong olgeta long Jisas Kraes i kam strong mo oli rere blong stanap from trutok mo fasin blong stap stret mo gud. Taem naoia i taem blong girap mo saenaot (luk longD&C 115:5).

Maea Med, 14 mo 15 yia

Nem ia Maea Med i gobak long histri mo i tokbaot Mutual Improvement Association (Miutuol Impruvmen Asosiesen), we oli tekem wan ros olsem saen blong olgeta, we i saen blong lav, fet, mo samting we i klin evriwan. Ol Maea Med blong tedei oli stap lanem abaot lav, fet mo fasin blong stap klin evriwan taem oli mekem testemoni blong olgeta i kam moa strong mo oli akseptem mo oli mekem samting folem ol valiu blong Ol Yang Woman.

Lorel, 16 mo 17 yia

Blong plante handred yia, lorel raon flaoa i bin wan hat blong king we oli wivim wetem ol lif blong lorel tri. Oli givim long wan we i finisim wan bigfala wok long laef blong hem olsem wan saen blong ona mo pruf we hem i finisim wan samting. Tedei, ol lorel oli stap finisim taem blong olgeta blong stap rere blong mekem mo kipim ol tabu kavenan mo kasem ol odinens blong tempol.