10. Mga ang-ang paingon sa Templo

Ang lugar sa templo gibahin ngadto sa mga hawanan, ug ang gawas nga mga hawanan nahimutang diha sa kinaubsang dapit. Ang mga mosimba mosulod sa nagkalainlain nga mga ganghaan, lakip niadtong nagdala paingon sa itaas gikan niini nga mga ang-ang ngadto sa gawas nga mga hawanan ug dayon ngadto sa sulod nga mga hawanan. Liboan ka mga katawhan ang nakasaka niining mga ang-ang sa nanglabay nga panahon, lakip ang Anak sa Dios. Sa diha nga ang kasundalohan ni Titus miguba sa templo niadtong A.D. 70, ang mga ang-ang natabunan sa mga nadugmok. Naukayan kini sa panahon sa pagkalot sa kabahin sa karaan nga dakbayan sa Jerusalem.

Mahinungdanon nga Hitabo: Si Ezequiel nakakita diha sa usa ka panan-awon sa sukod ug porma sa umaabut nga templo (Ezeq. 40). (Tan-awa sa Ang Giya ngadto sa mga Kasulatan, “Templo, Balay sa Ginoo.”)