2. Bukid sa Sinai (Horeb) ug ang Kamingawan sa Sinai

Ang naila nga mga bukid mao ang mga kinatumyan sa Jebel Musa (Bukid ni Moises). Adunay pipila ka posible nga mga dapit sa Bukid sa Sinai. Usa sa mga labaw nga gituohan nga mga dapit mao ang Jebel Musa.

Mahinungdanon nga mga Hitabo: Ang Dios mipakita kang Moises ug mihatag kaniya sa Napulo ka mga Sugo (Ex. 19–20). Sila si Moises, Aaron, duha sa anak nga mga lalaki ni Aaron, ug 70 ka mga anciano nakakita ug nakigsulti uban sa Dios (Ex. 24:9–12). Ang Dios mihatag kang Moises og mga panudlo alang sa pagtukod sa tabernakulo (Ex. 25–28; 30–31). Ang mga Israelita misimba sa bulawan nga baka diin ilang nadani si Aaron sa paghimo (Ex. 32:1–8). Si Elijah milayas gikan sa Walog sa Jesreel ngadto niini nga yuta diin si Rayna Jezabel nagpuyo (1 Hari 19:1–18). Dinhi usab niini si Elijah nakigsulti sa Dios (1 Hari 19:8–19).