15. Jeriko
Li jalam-uuch a’in naxk’ut li pim wan Jeriko sa’ li kutan a’in. Sa’ najter kutan a’an jun tenamit tz’akinb’il rix sa’ li ru taq’a re li Nima’ Jordan, 252 metro rub’el xtaqenaqil li palaw. A’an jun li na’ajej wan wi’ naab’al li awimq, ut b’ar wi’ neke’k’ihan lix toonal li kala’ ut li chin. Chi ixb’ej nak’utun li na’ajej seraq’inb’il jo’ li tzuul ki’ux wi’ li aaleek (Mat. 4:1–11).
K’a’ru kik’ulman: Nach’ rik’in li na’ajej a’in, laj Josue ut eb’ li ralal xk’ajol laj Israel ke’xq’ax xb’een wa li Nima’ Jordan, ut ke’ok sa’ li yeechi’inb’il ch’och’ (Jos. 2:1–3; 3:14–16). Li Qaawa’ rik’in sachb’a-ch’oolej kixk’e chi t’ane’k li xaqxookil tz’ak chiruheb’ lix teepeb’ laj Israelita (Jos. 6; chi’ilmanq ajwi’ Heb. 11:30). Laj Josue kixk’e jun majewank sa’ xb’een li tenamit (Jos. 6:26), li kitz’aqlok ru (1 Rey. 16:34). Laj Eliseo kixk’irtesi li ha’ sa’ Jeriko (2 Rey. 2:18–22). Li Kolonel kinume’ arin naq kiwulak Jerusalen sa’ roso’jik, ut kixk’irtesi laj Bartimeo li mutz’, ut kikana rik’in laj Sakeo, aj titz’ol toj (Mar. 10:46–52; Luk. 18:35–43; 19:1–10). Li b’e chalen Jerusalen toj Jeriko kiyeeman resil sa’ li jaljookil ru aatin chirix li chaab’il aj Samaria (Luk. 10:30–37). (Chi’ilmanq K’UTUL RAQAL: Jeriko.)