4. Kades-barnea
A’in yoo chi ilok sa’ xnim ut sa’ rokeb’aal li saq’e chiru li nimla ru taq’a sa’ li chaqi ch’och’ (a’an jun li wadi yeeb’il ajwi’ re) b’ar wan wi’ Kades-barnea. Sa’ xk’ab’a’ li roq ha’ li nanume’ arin chiru xq’ehil li hab’, wan xnaab’alil li ha’ ut k’a’jo’ na’uuchin li na’ajej a’in sa’ li Yamyookil Ch’och’ Tzin.
K’a’ru kik’ulman: A’in tana’ li na’ajej kixtaqla wi’ laj Moises kab’laju chi winq re xk’eeb’al reetal sa’ muqmu li ch’och’ Kanahan (Num. 13:17–30). Kik’anjelak jo’ xna’aj lix teepaleb’ laj Israelita chiru 38 reheb’ li 40 chihab’ ke’wan wi’ chi b’eek sa’ li yamyookil ch’och’ (Deut. 2:14). Lix Miriam (Maria) kikam ut kimuqe’ arin (Num. 20:1). Arin ki’uxman li po’resink ch’oolej re laj Korah, li wech’ink-ix xb’aaneb’ li tenamit, ut kituxmek lix xuq’ laj Aaron (Num. 16–17). Nach’ rik’in a’in laj Moises kixsak’ jun li saqoonaq ut ki’el chaq li ha’ (Num. 20:7–11).