8. Jerusalen
Yoo chi ilok sa’ xb’een Jerusalen sa’ xjayal lix nim li saq’e. Sa’ xyi li jalam-uuch wan jun santil na’ajej reheb’ laj Musulman, t’ort’o xb’een ut chanchan oor xb’onol, a’an li T’oram re li Saqoonaq yeeb’il re. Eb’ laj Judio ke’loq’onin najter sa’ li santil ochoch li kiwan chaq aran. Li xaqxookil tz’ak li wan chixk’atq li T’oram re li Saqoonaq naxsuti rix li najter tenamit Jerusalen. Chiru li tz’ak sa’ li nim wan li ru taq’a Sedron. Sa’ li nim chi us, toj chirix ajwi’ li jalam-uuch, wan li Tzuul Olivos. Sa’ xnim li saq’e, chirix li T’oram re li Saqoonaq, wan tana’ xna’aj Golgota, malaj Calvario (Xb’aqel Xjolom Kamenaq).
K’a’ru kik’ulman: Jerusalen a’an ajwi’ Salem yeeb’il chaq re najter (Sal. 76:2). Laj Abraham kixtoj li lajetqil chiru laj Melkisedek (Gen. 14:18–20). Laj Abraham kichal chixmayejankil laj Isaak (Gen. 22:2–14). Li rey aj David kireechani Jerusalen sa’ ruq’eb’ chaq laj Jebusita (2 Sam. 5:4–9). Li rey aj Salomon kixyiib’ jun santil ochoch (1 Rey. 6–7). Laj Lehi ki’el chaq re taaxik sa’ jun yeechi’inb’il ch’och’ (1 Ne. 1:4; 2). Li Kolonel kik’anjelak, kixtoj rix li qamaak, ut kiwakli chi yo’yo (Mat. 21–28). Jo’ chanru lix profeetil aatin li Kolonel, kisachman Jerusalen ka’ch’in chirix lix kamik (JS—M 1:3–20). Jerusalen taawanq chi pleetinb’il sa’ roso’jikeb’ li kutan (Esek. 38–39; Joel 2–3; Apok. 11; 16). Li Kolonel tixk’ut rib’ arin sa’ li xkab’ xk’ulunik (Sak. 12–14; Tz. ut S. 45:48–53). (Chi’ilmanq K’UTUL RAQAL: Jerusalen; Salem.)