1 Nifae

Tusitusiga Paia

Tusi a Mamona

Anotusi
Faatomuaga ma Molimau
1 Nifae
2 Nifae
Iakopo (TM)
Enosa
Iaroma
Ominae
Upu a Mamona
Mosaea
Alema
Helamana
3 Nifae
4 Nifae
Mamona
Eteru
Moronae

1 Nifae

Mataupu 1
Ua amata e Nifae le talafaamaumau o lona nuu—Ua vaai Liae i se afi faaniutu i se faaaliga vaaia ma ua faitau mai i se tusi o valoaga—Ua viia e ia le Atua, valoia le afio mai o le Mesia, ma valoia le faafanoga o Ierusalema—Ua sauaina o ia e tagata Iutaia. E tusa o le 600 T.L.M.
Mataupu 2
Ua ave e Liae lona aiga i le vao i tafatafa o le Sami Ulaula—Ua latou tuua a latou meatotino—Ua osi e Liae se taulaga i le Alii ma aoao ona atalii ia tausi i poloaiga—Ua muimui Lamana ma Lemuelu i lo laua tamā—Ua usiusitai Nifae ma tatalo i le faatuatua; ua fetalai mai le Alii ia te ia, ma ua filifilia o ia e pule i ona uso. E tusa o le 600 T.L.M.
Mataupu 3
Ua foi atu atalii o Liae i Ierusalema ina ia maua mai papatusi apamemea—Ua musu Lapana e tuu mai papatusi—Ua apoapoai ma faamalosi’au atu Nifae i ona uso—Ua fao e Lapana a latou meatotino ma taumafai e fasioti i latou—Ua fasi e Lamana ma Lemuelu Nifae ma Sama, ma ua a’oa’i i laua e se agelu. E tusa o le 600–592 T.L.M.
Mataupu 4
Ua fasioti Lapana e Nifae i le poloaiga a le Alii ma maua ai e ia papatusi apamemea i se togafiti—Ua filifili Sorama e faatasi atu ma le aiga o Liae i le vao. E tusa o le 600–592 T.L.M.
Mataupu 5
Ua muimui Sarai ia Liae—Ua fiafia i laua uma i le foi mai o o laua atalii—Ua laua osia ni taulaga—Ua i ai i papatusi apamemea tusitusiga a Mose ma le au perofeta—Ua faailoa mai i papatusi o Liae o se e tupuga mai ia Iosefa—Ua vavalo Liae e uiga i ana fanau ma le faasaoina o papatusi. E tusa o le 600–592 T.L.M.
Mataupu 6
Ua tusi e Nifae mea a le Atua—O le faamoemoe o Nifae o le faatauanau atu i tagata ia o mai i le Atua o Aperaamo ma faaolaina ai. E tusa o le 600–592 T.L.M.
Mataupu 7
Ua toe foi atu atalii o Liae i Ierusalema ma valaaulia Isamaeli ma lona auaiga ia latou auai faatasi ma i latou i la latou malaga—Ua fouvale Lamana ma isi—Ua apoapoai atu Nifae i ona uso ia faatuatua i le Alii—Ua latou saisai o ia i maea ma fuafua e faaumatia o ia—Ua tatalaina o ia i le mana o le faatuatua—Ua talosaga ona uso mo se faamagaloga—Ua osi e Liae ma lana aumalaga taulaga ma taulaga mu. E tusa o le 600–592 T.L.M.
Mataupu 8
Ua vaai Liae i se faaaliga o le laau o le ola—Ua ’ai o ia i lona fua ma ua manao ia faapea ona faia e lona aiga—Ua vaai o ia i se āi u’amea, se ala lauitiiti ma le vaapiapi, ma le puao o le pogisa ua siomia ai tagata—Ua aai Sarai, Nifae, ma Sama i le fua o le laau, ae ua mumusu Lamana ma Lemuelu. E tusa o le 600–592 T.L.M.
Mataupu 9
Ua fai e Nifae ni tuufaatasiga se lua o talafaamaumau—Ua ta’ua tuufaatasiga taitasi o papatusi a Nifae—O papatusi tetele ua i ai se talafaasolopito o mea faaletino; o papatusi laiti ua faapitoa mo mea paia. E tusa o le 600–592 T.L.M.
Mataupu 10
Ua vavalo Liae o le a ave faatagataotauaina tagata Iutaia e Papelonia—Ua ta’u mai e ia le afio mai o se Mesia, se Faaola, se Togiola, i totonu o tagata Iutaia—Ua ta’u mai foi e Liae le oo mai o lē o le a ia papatisoina le Tamai Mamoe a le Atua—Ua ta’u mai e Liae le maliu ma le toetu mai o le Mesia—Ua faatusaina e ia i se laau olive le faataapeapeina ma le faapotopotoina o Isaraelu—Ua tautala Nifae e uiga i le Alo o le Atua, le meaalofa o le Agaga Paia, ma le manaomia o le amiotonu. E tusa o le 600–592 T.L.M.
Mataupu 11
Ua vaai Nifae i le Agaga o le Alii ma ua faaali mai ia te ia le laau o le ola i se faaaliga vaaia—Ua vaai o ia i le tinā o le Alo o le Atua ma iloa ai e uiga i le faamaualalo o le Atua—Ua vaai o ia i le papatisoga, auaunaga, ma le faasatauroga o le Tamai Mamoe a le Atua—Ua vaai foi o ia i le valaauga ma auaunaga a Aposetolo e Toasefululua a le Tamai Mamoe. E tusa o le 600–592 T.L.M.
Mataupu 12
Ua vaai Nifae i le laueleele o le folafolaga i se faaaliga vaaia; o le amiotonu, amioletonu, ma le pa’u’ū o e e nonofo ai; o le afio mai o le Tamai Mamoe a le Atua ia te i latou; o le ala o le a faamasino ai Isaraelu e Soo e Toasefululua ma Aposetolo e Toasefululua; ma le tulaga inosia ma eleelea o e e faaitiitia i le lē talitonu. E tusa o le 600–592 T.L.M.
Mataupu 13
Ua vaaia e Nifae i se faaaliga vaaia le ekalesia a le tiapolo ua faatuina i Nuuese, le mauaina ma le ’aināina o Amerika, le leiloa o le tele o vaega manino ma pele o le Tusi Paia, le tulaga o le liliuese o nuuese, le toefuataiga o le talalelei, le oo mai o tusitusiga paia o aso e gata ai, ma le atiina ae o Siona. E tusa o le 600–592 T.L.M.
Mataupu 14
Ua faamatala mai e se agelu ia Nifae e uiga i faamanuiaga ma fetuu o le a pa’u’ū ifo i luga o Nuuese—Ua na o le lua lava ekalesia; o le Ekalesia a le Tamai Mamoe a le Atua ma le ekalesia a le tiapolo—O le Au Paia a le Atua i atunuu uma ua sauaina e le ekalesia tele ma le inosia—O le a tusi le aposetolo o Ioane e uiga i le iuga o le lalolagi. E tusa o le 600–592 T.L.M.
Mataupu 15
O le a maua e fanau a Liae le talalelei mai Nuuese i aso e gata ai—O le faapotopotoina o Isaraelu ua faatusa i se laau olive o le a toe sulu i totonu ona lala moni—Ua faamatala mai e Nifae le faaaliga vaaia o le laau o le ola ma tautala mai e uiga i le faamasinotonu o le Atua i le vavaeeseina o e amioleaga mai e amiotonu. E tusa o le 600–592 T.L.M.
Mataupu 16
E ave e e amioleaga le upumoni o se mea faigata—Ua faaipoipo atalii o Liae i afafine o Isamaeli—Ua taitai e le Liahona lo latou ala i le vao—Ua tusia i le Liahona savali mai le Alii mai lea taimi i lea taimi—Ua oti Isamaeli; ua muimui lona aiga ona o puapuaga. E tusa o le 600–592 T.L.M.
Mataupu 17
Ua poloaiina Nifae e fau se vaa—Ua tetee ona uso ia te ia—Ua ia apoapoa’ia i laua i le toe faamatala atu o le talafaasolopito o fealoaiga a le Atua ma Isaraelu—Ua faatumulia Nifae i le mana o le Atua—Ua faasa ona uso ona pa’i mai ia te ia, ina ne’i mamae i laua e pei o se vaoutuutu mago. E tusa o le 592–591 T.L.M.
Mataupu 18
Ua uma le vaa—Ua ta’u mai le fananau mai o Iakopo ma Iosefa—Ua folau atu le malaga i le laueleele na folafolaina—Ua auai atalii o Isamaeli ma a latou ava i fiafiaga ma fouvalega—Ua noatia Nifae, ma ua toe tafea i tua le vaa i le afā malosi—Ua tatala Nifae, ma ua taofia le afā i lana tatalo—Ua taunuu le nuu i le laueleele na folafolaina. E tusa o le 591–589 T.L.M.
Mataupu 19
Ua fai e Nifae ni papatusi mai minerale u’amea ma faamaumau le talafaasolopito o ona tagata—O le a afio mai le Atua o Isaraelu i le ono selau tausaga mai le taimi na tu’ua ai e Liae Ierusalema—Ua faamatala mai e Nifae e uiga i Ona mafatiaga ma Lona faasatauroga—O le a inosia ma faataapeapeina tagata Iutaia e oo i aso e gata ai, i le na taimi latou te toe foi mai ai i le Alii. E tusa o le 588–570 T.L.M.
Mataupu 20
Ua faaali mai e le Alii Ona faamoemoega ia Isaraelu—Ua filifilia Isaraelu mai le ogaumu o puapuaga ma ua poloaiina ia alu ese atu mai Papelonia—Faatusatusa i le Isaia 48. E tusa o le 588–570 T.L.M.
Mataupu 21
O le a avea le Mesia o se malamalama i Nuuese ma o le a faasaoloto e ia pagota—O le a faapotopotoina Isaraelu ma le mana i aso e gata ai—O le a avea tupu ma o latou tamā tausitama—Faatusatusa i le Isaia 49. E tusa o le 588–570 T.L.M.
Mataupu 22
O le a faataapeapeina Isaraelu i luga o le fogaeleele uma—O le a faafailele ma tausi Isaraelu e Nuuese i le talalelei i aso e gata ai—O le a faapotopotoina ma laveaiina Isaraelu, ma o e amioleaga o le a mu e pei o tagutugutu o saito—O le a faaumatia le malo o le tiapolo, ma o le a noatia Satani. E tusa o le 588–570 T.L.M.