1 ’E i teienei, ’aita vau, ’o Nephi, e pāpa’i i te tuatāpapara’a tupuna o tō’u mau metua i roto i teie tufa’a nō tā’u pāpa’a parau ; ’aita ato’a vau e hōro’a atu i te reira i te tahi noa atu taime i ni’a i teie mau ’api ’o tā’u e pāpa’i nei ; nō te mea ’ua hōro’ahia atu te reira i roto i te pāpa’a parau i pāpa’ihia e tō’u ra metua tāne ; nō reira, ’aita vau e pāpa’i i te reira i roto i teie nei buka.

2 ’Ua nava’i ho’i iā’u’ia parau ē, e hua’ai mātou nō Iosepha.

3 ’E e’ita ho’i i te mea faufa’a rahi roa iā’u ’ia pāpa’i i te tā’āto’ara’a o te ’ā’amu nō te mau mea ato’a nō ni’a i tō’u ra metua tāne, e ’ore ho’i te reira e ti’a ’ia pāpa’ihia i ni’a i teie nei mau ’api, ’e ’ua hina’aro ho’i au i te vāhi ’ia ti’a iā’u ’ia pāpa’i i te mau mea a te Atua.

4 ’E te ’īra’a ho’i o tō’u nei hina’aro, ’ia tītau atu ïa vau i te mau ta’ata ’ia haere mai i te Atua nō Aberahama, ’e te Atua nō Isaaka, ’e te Atua nō Iakoba, ’e ’ia fa’aorahia rātou.

5 Nō reira, ’aita vau e pāpa’i i te mau mea ’ia auhia e tō te ao nei ; te mau mea rā e auhia e te Atua ’e i te mau ta’ata e ’ere i tō teie nei ao.

6 Nō reira, e hōro’a atu vau i te hō’ē fa’auera’a i tō’u hua’ai, ’eiaha rātou e fa’a’ī i teie nei mau ’api i te mau mea e ’ere i te mea faufa’a rahi i te mau tamari’i a te ta’ata nei.