1 Ma i lena aso, o le a avea ai e fafine e toafitu le tane e toatasi, fai mai: O le a matou ’ai a matou lava meaai, ma ofu o matou lava ofu; ae tau lava ina tuu mai i matou e valaau i lou igoa e aveese ai lo matou luma.

2 I lena aso o le a matagofie ma mamalu ai le lālā a le Alii; o le a sili ma matagofie le fua o le laueleele ia te i latou o e ua faasaoina o Isaraelu.

3 Ma o le a oo mai foi, o i latou o e ua totoe i Siona ma e ua nonofo pea i Ierusalema o le a ta’ua ua paia, o tagata taitoatasi uma ia ua tusia i totonu o tagata o lo o ola i Ierusalema—

4 Pe a uma ona fufulu ese e le Alii le eleelea o afafine o Siona, ma faamamā le toto o Ierusalema mai lona lotolotoi i le agaga o le faamasinoga ma le agaga o le faamuina.

5 Ma o le a faia e le Alii i luga o nofoaga uma o le mauga o Siona, ma luga o ona faapotopotoga, se ao ma le asu i le ao ma le susulu o le afi mumū i le po; ona o le a i ai i luga o le mamalu uma o Siona se malu puipuiga.

6 Ma o le a i ai se fale apitaga mo se faapaologa i le ao mai le vevela, ma mo se nofoaga sulufa’i, ma se maluapapa mai i afā ma mai i uaga.