1 Im ālikin men kein ilo iiō eo kein kajon̄ouljuon in iien tōl an riekajet ro ioon armej in Nipai, ilo raan eo kein kaļalem in allōn̄ eo kein karuo, ālikin an kar wōr aenōm̧m̧an ilo āneen Zaraemla, ālikin an kar ejjeļo̧k tariņae ko ak aitwerōk ko ium̧win jet iiō, em̧ool m̧ae raan eo kein kaļalem in allōn̄ eo kein karuo in iiō eo kein kajon̄ouljuon, eaar wōr juon kūr in tariņae kar ron̄jake ilo aolepān āneo.

2 Bwe lo, jarin tariņae ko an riLeman ro raar wanlōn̄tak ilo itujuweo āne jem̧aden eo ie, ļo̧k n̄an tōrerein ko an āneo, em̧oolļo̧k n̄an jikin kwelo̧k Ammōnaia, im kar jino m̧an armej ro im ko̧kkure jikin kwelo̧k eo.

3 Im kiiō ālikin men kein, m̧okta jān an riNipai ro kar maron̄ kajutak juon jarin tariņae ebwe n̄an lukwarkwareļo̧k er jān āneo, raar ko̧kkure armej ro raar pād ilo jikin kwelo̧k Ammōnaia, im barāinwōt jet ijokoļo̧k ilo tōrerein ko an Noa, im kar bōk ro jet rikalbuuj ilo āne jem̧aden.

4 Kiiō ālikin men kein riNipai ro raar kōņaan n̄an bōk ro kar bōkļo̧k er rikalbuuj ilo āne jem̧aden.

5 Kōn menin, e eo kar jitōn̄ kapen eutiejtata ioon jarin tariņae ko an riNipai ro, (im etan eaar Zoram, im eaar wōr ruo nejin em̧m̧aan, Liai im Aha)—kiiō Zoram im ļōm̧aro nejin, kōnke raar jeļā bwe Alma eaar pris eutiej ioon kabun̄ eo, im kōnke raar ron̄ bwe eaar wōr jitōbōn kanaan, kōn menin raar ilo̧k n̄an e im kōņaan jeļā jān e n̄an jeļā ia Irooj eaar kōņaan bwe ren ilo̧k ie ilo āne jem̧aden ilo pukpukot ro jeir im jatier, ro kar bōk er rikalbuuj jān riLeman ro.

6 Im ālikin men kein Alma eaar kajjitōk ippān Irooj kōn men eo. Im Alma eaar ro̧o̧l im ba n̄an er: Lo, riLeman ro renaaj kijoone reba Sidon ilo āne jem̧aden eo iturōk, ettoļo̧k im utiejļo̧k jān tōrerein ko an āneen Mantai. Im lo ijo kom̧ naaj iioon er, ioon turear in reba Sidon, im ijo Irooj enaaj lewōj n̄an kom̧ ro jeiūm̧i im jātimi ro kar bōk er rikalbuuj jān riLeman ro.

7 Im ālikin men kein Zoram im ļōm̧aro nejin raar kijoone reba Sidon, ippān jarin tariņae ko aer, im ilo̧k ļo̧k n̄an tōrerein ko an Mantai ļo̧k ilo āne jem̧aden eo iturōk, eo eaar ioon turear in reba Sidon.

8 Im raar itok ioon jarin tariņae ko an riLeman ro, im riLeman ro raar ejjeplōklōk im ko iāne jem̧aden eo; im raar bōk ro jeir im jatier raar rikalbuuj jān riLeman ro, im ejjeļo̧k juon iaer eaar jako iaan ro kar bok er rikalbuuj. Im kar bōktok er n̄an bōk bwidej ko aer makmake.

9 Im āindein eaar jem̧ļo̧k iiō eo kein kajon̄ouljuon iiō in riekajet ro, riLeman ro kar lukwarkwar e er jān āneo, im armej in Ammōnaia kar ko̧kkure er; aaet, aolep armej otemjej in riAmmōnaia kar ko̧kkure e, im barāinwōt jikin kwelo̧k eo aer eļap, eo raar ba Anij e jamin maron̄ ko̧kkure, kōnke ļap eo an.

10 A lo, ilo juon raan eaar jeepepļo̧k; im ānbwinnin ro remej raar tipdikdik jān kidu ko im kidu awiia ko in āne jem̧aden.

11 Mekarta, ālikin elōn̄ raan ko ānbwin ko aer raar ejoujik ioon mejān laļ, im raar libobo kōn libobo e meni. Im kiiō ekanooj kar ļap nem eo jon̄an armej ro raar jab ilo̧k im bōk Ammōnaia ium̧win elōn̄ iiō ko. Im eaar etan jeepepļo̧k in riNior; bwe raar jān jerbal eo an Nior, ro kar m̧ane er; im jikin ko aer eaar ejjeļo̧k armej ie wōt.

12 Im riLeman ro raar jab bar itok n̄an tariņae ņae riNipai ro m̧ae iiō eo kein kajon̄oulemān in iien tōl an riekajet ro ioon armej in Nipai. Im āindein ium̧win emān iiō armej in Nipai eaar wōr aer aenōm̧m̧an ilo aolepān āneo.

13 Im Alma im Amulek raar wōnm̧aanļo̧k n̄an kwaļo̧k naan kōn ukeļo̧k n̄an armej ro ilo tampeļ ko aer, im ilo im̧ōn ekwōjarjar ko aer, im barāinwōt ilo im̧ōn kwelo̧k ko aer, ko raar ekkal ālikin wāween ko an riJu.

14 Im jon̄an wōt eo eaar kōņaan ron̄jake naan ko aer, n̄an er raar kajeeded naan in Anij, ilo ejjeļo̧k kalijekļo̧k armej, iien otemjej.

15 Im āindein Alma im Amulek raar wōnm̧aanļo̧k, im barāinwōt elōn̄ļo̧k ro kar kāālet er n̄an jerbal eo, n̄an kwaļo̧k naan kōn naan eo iaolepān āneo. Im jutak eo an kabun̄ eo eaar ajeeded iaolepān āneo, im ilo aolep ijoko ipeļaakin, ilubwiljin aolep armej in riNipai ro.

16 Im eaar ejjeļo̧k kalijekļo̧k ilubwiljier; Irooj eaar lutōkleplep jetōb eo an ioon aolepān mejān āneo n̄an kōpooj ļōmņak ko an ro nejin armej, ak n̄an kōpooj burueer n̄an bōk naan eo eo naaj kar katakin ilubwiljier ilo iien itok eo An—

17 Bwe en maron̄ jab kijn̄en̄e ņae naan eo, bwe ren maron̄ in jab tōmak; im ilo̧k n̄an jorrāān, a bwe ren maron̄ bōk naan eo kōn lan̄lōn̄, im āinwōt ra eo kar grafti ļo̧k ilo vine eo em̧ool, bwe ren maron̄ deļo̧n̄ļo̧k ilo kakkije eo an Irooj aer Anij.

18 Kiiō pris ro raar ilo̧k ilubwiljin armej ro raar kwaļo̧k naan ņae aolep riab ko, m̧oņ ko, im ankoņak ko, im m̧oņ ko, im juunm̧aad ko, im akwāālel ko, im kakūtōtō, im kajjirere ko, im ko̧o̧t, im rakim, im urur, im lejān, im aolep kijon̄ otemjeļo̧k, im kūr bwe ren jab aikuj wōr—

19 Dāpdep wōt n̄an men ko reaikuj itok ejjab to; aaet, dāpdep wōt n̄an itok eo an eo Nejin Anij, An en̄taan im mej, im barāinwōt jerkakpeje eo an jān ro remej.

20 Im elōn̄ armej raar kajjitōk kōn jikin eo ijo Nejin Anij Enaaj itok ie; im kar katakin er bwe Enaaj waļo̧k n̄an er ālikin jerkakpeje eo An; im armej rein raar ron̄ kōn eļap lan̄lōn̄ im m̧ōņōņō.

21 Im kiiō ālikin kabun̄ eo an jutak iaolepān āneo—ālikin eaar anjo̧ ioon devil, im naan eo an Anij kar kajeeded ilo alikkar eo an iaolepān āneo, im Irooj ej lutōkleplep kōjeraam̧m̧an ko An ioon armej ro—Āindein eaar jem̧ļo̧k iiō eo kein kajon̄oulemān in iien tōl an riekajet ro ioon armej in Nipai.