1 Im kiiō ālikin men kein ilo kajiln̄uul iiō in tōl an riekajet ro ioon armej in Nipai, ālikin Moronai eaar bōk im kōnono jān lōta eo an Hilamōn, eaar m̧ōņōņō otem m̧ōņōņō kōnke tam̧m̧win, aaet, tōprak eo eļap Hilamōn eaar tōpare, ilo bōk bwidej ko raar jako.

2 Aaet, im eaar kabun̄bun̄ļo̧ke n̄an aolep armej ro an, ilo aolepān peļaakin āneo ilo m̧ōttan eo eaar pād, bwe ren maron̄ m̧ōņōņō barāinwōt.

3 Im ālikin men kein eaar m̧ōkaj im jilkinļo̧k juon lōta n̄an Peoran, im kōņaan bwe en kōm̧m̧an bwe em̧m̧aan ro ren koba ippān doon n̄an kōkajoorļo̧k Hilamōn, ak jarin tariņae ko an Hilamōn, jon̄an eo bwe en maron̄ kōn ejjeļo̧k en̄taan dāpij m̧ōttan eo ilo āneo eo eaar kar kabwilōn̄lōn̄ an kōm̧m̧an tōprak ilo bar bōke.

4 Im ālikin men kein ke em̧ōj an Moronai kar jilkinļo̧k lōta in n̄an āneen Zaraemla, eaar bar jino n̄an kōpooj juon karōk bwe en maron̄ bōk bwe in aolep bwidej ko im jikin kwelo̧k ko riLeman ro raar būki jān er.

5 Im ālikin men kein ke Moronai eaar āindein kōm̧m̧ani m̧aanjāppopo ko n̄an kōm̧m̧alijar ņae riLeman ro n̄an pata, lo, armej in Nipaia, ro raar koba tok ippān doon jān jikin kwelo̧k in Moronai im jikin kwelo̧k in Liai im jikin kwelo̧k in Moriantōn, kar nitbwili er jān riLeman ro.

6 Aaet, barāinwōt ro raar kipel er n̄an ko jān āneen Mantai, im jān jikin ko ipeļaakin ijo, raar itok im kobaļo̧k ippān riLeman ro ilo m̧ōttan jab in ilo āneo.

7 Im āindein kōnke raar lōn̄ otem lōn̄, aaet, im bōk kajoor jān raan n̄an raan, jān naan in jiron̄ ko an Ammoron raar wōnm̧aanļo̧k ņae armej in Nipaia, im raar jino in m̧an er ilo juon im eo eļap otem ļap.

8 Im jarin tariņae ko aer raar kanooj ļap bwe bwe in armej ro ilo Nipaia rekar aikuj ko im̧aer; im raar itok em̧ool im koba ippān jarin tariņae eo an Moronai.

9 Im kiiō āinwōt Moronai eaar ļōmņak bwe enaaj wōr em̧m̧aan kar jilkinļo̧k n̄an jikin kwelo̧k in Nipaia, n̄an jipan̄ eo an armej ro n̄an dāpij jikin kwelo̧k eo, im kōnke eaar jeļā bwe eaar pidodoļo̧k n̄an dāpij jikin kwelo̧k eo jān wōtlo̧k ilo pein riLeman ro jen bar bōke jān er, eaar ļōmņak bwe renaaj kar pidodo aer dāpij jikin kwelo̧k eo.

10 Kōn menin eaar dāpij aolep jarin tariņae eo an n̄an dāpiji jikin kein ko eaar bar būki.

11 Im kiiō, ke Moronai eaar lo bwe jikin kwelo̧k in Nipaia eaar jako eaar būrom̧ōj otem būrom̧ōj, im kar jino in pere, kōnke jero̧wiwi eo an armej ro, eļan̄n̄e renaaj kar jab wōtlo̧k ilo pein ro jeir im jatier.

12 Kiiō en̄in kar wāween eo ippān aolep kapen utiej ro an. Raar pere im barāinwōt ļo̧kjānaer kōnke jero̧wiwi eo an armej ro, im men in kōnke tōprak ko an riLeman ro ioer.

13 Im ālikin men kein Moronai eaar illu ippān kien eo, kōnke jaitok-limo eo kōn anemkwōj eo an laļ eo aer.