Alma

Jeje Ko Rekwojarjar

Bok in Mormon

Men Ko Kobban
Kadkadin im Rikam̧ool ro
1 Nipai
2 Nipai
Jekab
Inōs
Jarom
Omnai
Naan ko an Mormon
Mosaia
Alma
Hilamōn
3 Nipai
4 Nipai
Mormon
Ether
Moronai

Alma

Jebta 1
Nior ej katakin kōn katak ko rebōd, kajutak juon kabun̄, jino priestcraft, im m̧ane Gideon—Nior kar m̧ane kōn nana ko an—Priestcraft ko im matōrtōr rej ajeeded ilubwiljin armej ro—Pris ro rej lale er make, armej ro rej lale rijeram̧ōl, im Kabun̄ eo ej eddekļo̧k. Iturinļo̧k 91–88 M.K.
Jebta 2
Amlijai ej kappukot bwe en kiin̄ im kar dike jān ainikien armej ro—Ro rikaļooran rej kōm̧m̧an bwe en kiin̄—RiAmlijai ro raar tariņae ippān riNipai ro im kar jab anjo̧—RiLeman ro raar kobaļo̧k ippān riAmlijai ro, im kar jab anjo̧—Alma ej m̧ane Amlijai. Iturinļo̧k 87 M.K.
Jebta 3
RiAmlijai ro raar kakōļļeik er ekkar n̄an naan in kanaan—RiLeman ro raar lia kōn aer jum̧ae—Armej rej bōk tok kaje ko ioer make—riNipai ro raar anjo̧ jān bar juon jarin tariņae an riLeman. Iturinļo̧k 87–86 M.K.
Jebta 4
Alma ej peptaiji to̧ujin riukeļo̧k—Nana ej deļo̧n̄ ilo Kabun̄ eo, im wōnm̧aanļo̧k an Kabun̄ eo ej apan̄—Nipaia kar jitōn̄e riekajet eutiejtata—Alma, āinwōt pris eo eutiej, ej wūjlepeļo̧k e n̄an jerbal in. Iturinļo̧k 86–83 M.K.
Jebta 5
N̄an bōk lo̧mo̧o̧r, armej reaikuj ukeļo̧k im kōjparok kien ko, bar ļotak, karreoik nuknuk ko aer kōn bōtōktōkin Kraist, kōttāik er im utūki jān er juwa im juunm̧aad, im kōm̧m̧ani jerbal ko rejim̧we—Seperd eo em̧m̧an ej kūr armej ro An—Ro rej kōm̧m̧ani jerbal ko renana rej ro nejin devil—Alma ej kam̧ool kōn m̧ool eo kōn katak eo An im ej jiron̄ armej n̄an ukeļo̧k—Āt ko etan ro rem̧m̧an rej jeje ilo bok in mour. Iturinļo̧k 83 M.K.
Jebta 6
Kabun̄ eo ilo Zaraemla kar karreoiki im kajejjet ilo laajrak eo an—Alma ej etal n̄an Gideon n̄an kwaļo̧k naan. Iturinļo̧k 83 M.K.
Jebta 7
Kraist naaj ļotak jān Meri—E naaj mejaļ to ko an mej im ineek jero̧wiwi ko an armej ro An—Ro rej ukeļo̧k, peptaij, im kōjparok kien ko naaj bōk mour indeeo—Rittoonon rej jamin jolōte aelōn̄ in Anij—Ettā bōro, tōmak, kōjatdikdik, im iakwe-em̧ool rej men ko aikuji. Iturinļo̧k 83 M.K.
Jebta 8
Alma ej kwaļo̧k naan im peptaij ilo Melek—Kar jab bōk e ilo Ammōnaia—Juon enjeļ ej jiron̄ e n̄an ro̧o̧l im kūr ukeļo̧k n̄an armej ro—Amulek eaar bōk e, im erro eaar kwaļo̧k naan ilo Ammōnaia. Iturinļo̧k 82 M.K.
Jebta 9
Alma ej jiron̄ armej ro ilo Ammōnaia n̄an ukeļo̧k—Irooj Enaaj tūriam̧o n̄an riLeman ro ilo raan ko āliktata—Eļan̄n̄e riNipai ro rej eļļo̧k jān meram eo, riLeman ro naaj ko̧kkure ir—Eo Nejin Anij enaaj itok ejjab āt to—E naaj lo̧mo̧o̧ren ro rej ukeļo̧k, peptaij, im wōr aer lōke ilo Etan. Iturinļo̧k 82 M.K.
Jebta 10
Liai ej jebar jān Menassa—Amulek ej bar kōnono kōn naan in jiron̄ an enjeļ eo bwe en kōjparok Alma—Jar ko an riwānōk ej unjān kar oņaake armej ro—Rikien im riekajet ro rejero̧wiwi rej ejaake pedped in ko̧kkure eo an armej ro. Iturinļo̧k 82 M.K.
Jebta 11
Wāween kōm̧akūtkūt jāān an riNipai ro kōmmeļeļeiki—Amulek ej akwāāl ippān Ziezrom—Kraist E jamin lo̧mo̧o̧ren armej ilo jero̧wiwi ko aer—Ro wōt rej jolōte aelōn̄ in lan̄ rej mour—Aolep armej naaj jerkak ilo mour indeeo—Ejjeļo̧k mej ālikin jerkakpeje. Iturinļo̧k 82 M.K.
Jebta 12
Alma ej kōnono n̄an Ziezrom—Men ko rettino an Anij maron̄ liļo̧k wōt n̄an ro rej lōke E—Armej ekajete er kōn ļōmņak ko, tōmak ko, im naan ko, im jerbal ko aer—Ro renana renaaj en̄taan juon mej ilo jetōb—Mour in ilo kanniōk ej iien mālejjon̄—Karōk in lo̧mo̧o̧r ej bōktok Jerkakpeje im, kōn tōmak, juon jeorļo̧k in jero̧wiwi ko—Riukeļo̧k ewōr an jim̧we n̄an bōk tūriam̧o kōn eo Nejin Eaar Keotake. Iturinļo̧k 82 M.K.
Jebta 13
Em̧m̧aan ro kūr er āinwōt pris utiej ro kōn tōmak ko aer reļļap im jerbal ko aer rem̧m̧an—Reaikuj katakin kien ko—Kōn jim̧we rej kokwōjarjar im deļo̧n̄ ilo kakkije eo an Irooj—Melkizedek eaar juon iaan rein—Enjeļ ro rej kajeeded naan in lan̄lōn̄ ilo aolepān āneo—Renaaj kwaļo̧k lukkuun itok eo an Kraist. Iturinļo̧k 83 M.K.
Jebta 14
Alma im Amulek kar kalbuuj im deļo̧n̄e ir—Ritōmak ro im jeje ko aer rekwōjarjar kar kile er kōn kijeek—Ro m̧an er kōn tōmak ko aer Irooj eaar bōk er ilo aiboojoj eo An—Kiin kalbuuj eo rej tipdikdik im wōtlo̧k—Alma im Amulek rej ro̧o̧lļo̧k, im rikaen̄taan ro aer m̧ane er. Iturinļo̧k 82–81 M.K.
Jebta 15
Alma im Amulek rej itok n̄an Sidom im kajutak juon im̧ōn kabun̄-jar—Alma ej kōmour Ziezrom, eo ej kobatok ilo Kabun̄ eo—Elōn̄ kar peptaiji, im Kabun̄ eo ej eddekļo̧k—Alma im Amulek rej ilo̧k n̄an Zaraemla. Iturinļo̧k 81 M.K.
Jebta 16
RiLeman ro rej ko̧kkure armej in Ammōnaia—Zoram ej tōl riNipai ro n̄an anjo̧ ioon riLeman ro—Alma im Amulek im elōn̄ ro jet rej kwaļo̧k naan eo—Rej katakin bwe ālikin An jerkakpeje Kraist enaaj waļo̧k n̄an riNipai ro. Iturinļo̧k 81–77 M.K.
Jebta 17
Ļōm̧aro nejin Mosaia ewōr ippāer jitōbōn kanaan im jitōbōn revelesōn—Rej ilo̧k ilo iaļ ko aer kajjojo n̄an kajeeded naan eo n̄an riLeman ro—Ammōn ej ilo̧k n̄an āneen Ishmael im erom eo rikarejeran Kiin̄ Lamonai—Ammōn ej lo̧mo̧o̧ren mennin mour ko rellōn̄ im m̧an rikōjdat ro an kiin̄ eo ilo dān eo in Sebus. Eoon 1–3, Iturinļo̧k 77 M.K.; eoon 4, Iturinļo̧k 91–77 M.K.; im eoon 5–39, Iturinļo̧k 91 M.K.
Jebta 18
Kiin̄ Lamonai ej ļōmņak bwe Ammōn ej Jetōb Eļap—Ammōn ej katakin kiin̄ eo kōn Kōm̧anm̧an an laļ, kōn m̧akūtkūt ko an Anij ippān armej, im kōn lo̧mo̧o̧r eo ej itok kōn Kraist—Lamonai ej tōmak im wōtlo̧k n̄an laļ āinwōt n̄e e mej. Iturinļo̧k 90 M.K.
Jebta 19
Lamonai ej bōk meram in mour indeeo im lo Ripinmuur—Rim̧weo im̧ōn rej pād ilo mejatoto in mōdānļo̧k, im elōn̄ rej ellolo enjeļ—Ammōn kar oņaake ilo kabwilōn̄lōn̄—Ej peptaiji elōn̄ im kajutak juon im̧ōn jar ilubwiljier. Iturinļo̧k 90 M.K.
Jebta 20
Irooj ej jilkinļo̧k Ammōn n̄an Middonai n̄an kōtļo̧k ļōm̧aro jein im jatin rekalbuuj—Ammōn im Lamonai rejro iioone jemān Lamonai, eo ej kiin̄ ioon aolepān āneo—Ammōn ej karreel būruōn kiin̄ eo erūtto n̄an errā ilo rōļo̧k eo an ro jein im jatin. Iturinļo̧k 90 M.K.
Jebta 21
Aron ej katakin Amalekai ro kōn Kraist im Pinmuur eo An—Aron im ļōm̧aro jein im jatin rej kalbuuj ilo Middonai—Ālikin rōļo̧k eo aer, rej katakin ilo jikin kwelo̧k ko im ukōte elōn̄—Lamonai ej kōtļo̧k anemkwōj in kabun̄ n̄an armej in āneen Ishmael. Iturinļo̧k 90–77 M.K.
Jebta 22
Aron ej katakin jemān Lamonai kōn Kōm̧anm̧an Eo, Wōtlo̧k eo an Adam, im karōk in lo̧mo̧o̧r kōn Kraist—Kiin̄ eo im aolepān m̧weo im̧ōn rej oktak—Ajej eo an āneo ikōtaan riNipai im riLeman ro kar kōmmeļeļeiki. Iturinļo̧k 90–77 M.K.
Jebta 23
Anemkwōj in kabun̄ kar kabun̄bun̄ļo̧k kake—RiLeman ro ilo āne ko jikin kwelo̧k ko jiljilimjuon rej oktak—Rej ņa etaer Antai- Nipai-Liai im rej rōļo̧k jān lia eo—RiAmalekai im riAmulon ro rejjab bōk m̧ool eo. Iturinļo̧k 90–77 M.K.
Jebta 24
RiLeman ro raar itok ņae armej ro an Anij—RiAntai-Nipai-Liai ro rej lan̄lōn̄ ilo Kraist im enjeļ raar loļo̧k ir—Raar kāālet n̄an ioon mej ijello̧kun likōpejn̄ake n̄an er make—Elōn̄ļo̧k riLeman rej oktak. Iturinļo̧k 90–77 M.K.
Jebta 25
Lāj eo an riLeman ro ej ajeeded—Ine eo an pris ro an Noa ej jako āinwōt Abinadai eaar kanaan—Elōn̄ riLeman ro raar oktaktok im koba ippān armej in Antai-Nipai-Liai—Rej tōmak ilo Kraist im kōjparok kien Moses. Iturinļo̧k 90–77 M.K.
Jebta 26
Ammōn ej lan̄lōn̄ ilo Irooj—Ro rej niknik rej bōk kōkajoorļo̧k jān Irooj im leļo̧k n̄an er jeļāļo̧kjeņ—Jān tōmak armej remaron̄ bōktok elōn̄ armej n̄an ukeļo̧k—Kajoor otemjeļo̧k repād ippān Anij im E jeļā men otemjeļo̧k. Iturinļo̧k 90–77 M.K.
Jebta 27
Irooj ej jiron̄ Ammōn n̄an tōl armej in Antai-Nipai-Liai n̄an jokane—Ke ej iioon Alma, m̧ōņōņō eo an Ammōn eaar kam̧ōjņo̧ik kajoor eo an—RiNipai ro rej leļo̧k n̄an Antai-Nipai-Liai ro āneen Jersōn—Kar ņa etaer armej in Ammōn. Iturinļo̧k 90–77 M.K.
Jebta 28
RiLeman kar dem̧ake er ilo juon pata eļap—Jon̄oul ko in to̧ujin ko raar mej—Ro renana rej iiokļo̧k juon wāween ejjeļo̧k jem̧ļo̧kin jerata ie; ro riwānōk rej bōk juon m̧ōņōņō ejjeļo̧k jem̧ļo̧kin. Iturinļo̧k 77–76 M.K.
Jebta 29
Alma ekōņaan kūr n̄an ukeļo̧k kōn kajoor in enjeļ—Irooj ej letok rikaki ro n̄an laļ ko otemjeļo̧k—Alma ej likōmjāje ilo jerbal eo an Irooj im ilo tōprak ko an Ammōn im ļōm̧aro jein im jatin. Iturinļo̧k 76 M.K.
Jebta 30
Korior, rijum̧ae Kraist, ej kōnanaik Kraist, Pinmuur eo, im jitōbōn kanaan—Ej katakin bwe ejjeļo̧k Anij, ejjeļo̧k wōtlo̧k an armej, ejjeļo̧k kaje n̄an jero̧wiwi, im ejjeļo̧k Kraist—Alma ej kam̧ool bwe Kraist Enaaj itok im bwe men otemjej ej kwaļo̧k ke ewōr Anij—Korior ej kajjitōk juon kakōļļe im kar im̧ōke bwe en jab kōnono—Devil eaar waļo̧k n̄an Korior āinwōt juon enjeļ im katakin e ta n̄an ba—Korior kar jujuri ioon laļ im ej mej. Iturinļo̧k 76–74 M.K.
Jebta 31
Alma ej tōl juon mijen n̄an bar kōro̧o̧ltok riZoram ro raar wōtlo̧k—RiZoram ro rej kariabe Kraist, tōmak ilo ļōmņak ebōd kōn kāālet, im kabun̄-jar kōn jar ko rededeļo̧k—Mijenede ro rej obrak kōn Jetōb Kwōjarjar—En̄taan ko aer kar oran̄iļo̧k ilo lan̄lōn̄ an Kraist. Iturinļo̧k 74 M.K.
Jebta 32
Alma ej katakin ro rejeram̧ōl ro en̄taan ko aer raar kōttāik er—Tōmak ej juon kōjatdikdik ilo men eo jab loe ak em̧ool—Alma ej kam̧ool bwe enjeļ ro rej katakin im kōjeraam̧m̧an m̧aan, kōrā, im ajri ro—Alma ej keidi naan eo n̄an juon ine—Eaikuj kalbwini im naajdiki—Innām ej eddek n̄an juon wōjke jān eo leen mour indeeo m̧adm̧ōde. Iturinļo̧k 74 M.K.
Jebta 33
Zinōs eaar katakin bwe armej reaikuj jar im kabun̄-jar ilo jikin otemjeļo̧k, im bwe ekajet ko rej oktakļo̧k kōnke ļeo nejin—Zenōk eaar katakin bwe tūriam̧o ej likūt ioon armej kōnke ļeo nejin—Moses eaar kotak ilo āne jem̧aden juon wāween kakōļļeen Nejin Anij. Iturinļo̧k 74 M.K.
Jebta 34
Amulek ej kam̧ool bwe naan eo ej ilo Kraist n̄an mour—Eļan̄n̄e juon pinmuur ejjab kōm̧m̧an, aolep armej aikuj jako—Aolepān kien Moses ej jitōn̄ļo̧k katok an Nejin Anij—Karōk in lo̧mo̧o̧r indeeo ej pedped ioon tōmak im ukeļo̧k—Jar kōn kōjeraam̧m̧an ko ilo kanniōk im jetōb—Mour in ej iien n̄an armej n̄an m̧aanjāppopo n̄an iioon Anij—Jerbale am̧ lo̧mo̧o̧r kōn mijak im̧aan Anij. Iturinļo̧k 74 M.K.
Jebta 35
Kwaļo̧k naan eo ej ko̧kkure jerbal in m̧oņ an riZoram ro—Rej kadiwōjļo̧k ro rioktaktok, innām ālikin raar kobaļo̧k ippān armej in Ammōn ilo Jersōn—Alma ej būrom̧ōj kōnke jero̧wiwi an armej ro. Iturinļo̧k 74 M.K.
Jebta 36
Alma ej kam̧ool n̄an Hilamōn kōn oktak eo an ālikin an lo juon enjeļ—E eaar en̄taan kōn metak ko an juon jetōb eatajinemjen; eaar kūr ioon etan Jisōs, innām eaar ļotak ilo Anij—M̧ōņōņō eo em̧m̧an eaar kobrak an—E eaar lo kitōltōl in enjeļ ro rej wūjtak Anij—Elōn̄ rioktak ro raar nemak im lo āinwōt eaar nemak im lo. Iturinļo̧k 74 M.K.
Jebta 37
Pileij brass ko im jeje ko rekwōjarjar jet rej kar kōjparoki n̄an bōktok armej n̄an lo̧mo̧o̧r—riJered ro kar ko̧kkure er kōn jero̧wiwi eo aer—Kanejnej im bujen ko aer rettino reaikuj kar dāpiji jān armej ro—Pepe ippān Irooj ilo aolep kōm̧m̧an ko am̧—Āinwōt Liaona eo eaar tōl riNipai ro, āindein naan eo an Kraist ej tōl armej n̄an mour indeeo. Iturinļo̧k 74 M.K.
Jebta 38
Siblon kar matōrtōre kōn jim̧we—Lo̧mo̧o̧r ej ilo Kraist, eo ej mour im meram an laļ—Kajeikiki aolep ikdeelel ko am̧. Iturinļo̧k 74 M.K.
Jebta 39
Lejān ej jero̧wiwi ekajjōjō—Jero̧wiwi ko an Koriantōn raar dāpij riZoram ro jān bōk naan eo—An Kraist lo̧mo̧o̧ren ej bar ijjino n̄an ro raar le im̧aan. Iturinļo̧k 74 M.K.
Jebta 40
Kraist ej kōm̧m̧an bwe en itok jerkakpeje an aolep armej—Rimej ro rejim̧we rej ilo̧k n̄an paredais im ro renana n̄an kapin marok n̄an kōttar raan in aer jerkakpeje—Aolep men otemjeļo̧k naaj bar jepļaak n̄an jekjek im ļamļam eo an weeppān ilo Jerkakpeje eo. Iturinļo̧k 74 M.K.
Jebta 41
Ilo Jerkakpeje eo armej rej jerkak tok n̄an juon mejatoto in m̧ōņōņō indeeo ak būrom̧ōj indeeo—Jero̧wiwi ejjan̄in kar m̧ōņōņō—Armej ro an kanniōk ejjeļo̧k Anij ilo er ilaļin—Kajjojo armej ej bar bōk ilo Jepļaaktok eo kiltōn ko im m̧antin ko kar bōk ilo mour in. Iturinļo̧k 74 M.K.
Jebta 42
Mour in ej iien mālejjon̄ n̄an kōm̧m̧an bwe armej ren ukeļo̧k im jerbal n̄an Anij—Wōtlo̧k eo eaar bōktok mej ilo kanniōk im mej ilo jetōb ioon armej otemjeļo̧k—Lo̧mo̧o̧r ej itok kōn ukeļo̧k—Anij Make ej pinmuur kōn jero̧wiwi ko an laļ—Tūriam̧okake ej n̄an ro rej ukeļo̧k—Aolep ro jet renaaj jelm̧ae ekajet an Anij—Tūriam̧okake ej itok kōn Pinmuur eo—Ro wōt rem̧ool ilo ukeļo̧k rej mour. Iturinļo̧k 74 M.K.
Jebta 43
Alma im ļōm̧aro nejin rej kwaļo̧k naan eo—RiZoram ro im riNipai ro raar jepelļo̧k jet rej erom riLeman—RiLeman ro rej itok ņae riNipai ro ilo tariņae—Moronai ej kōpālpel riNipai ro kōn kein kōttōrak ko wōt—Irooj ej kwaļo̧k n̄an Alma juon kōttōbalbal an riLeman ro—RiNipai ro rej tariņae kōn m̧ōko im̧weer, anemkwōj ko aer, nokwe ko aer, im tōmak eo aer—Jar in tariņae ko an Moronai im Liai rej jepooļe riLeman ro. Iturinļo̧k 74 M.K.
Jebta 44
Moronai ej jiron̄ riLeman ro n̄an kōm̧m̧ane juon bujen aenōm̧m̧an ak eļan̄n̄e jab renaaj jako—Zeraemna ej jab bōk ļōmņak in, im pata eo ej bar ijjino—Jarin tariņae ko an Moronai rej anjo̧ ioon riLeman ro. Iturinļo̧k 74–73 M.K.
Jebta 45
Hilamōn etōmak naan ko an Alma—Alma ej kanaane ko̧kkure eo an riNipai ro—E ej kōjeraam̧m̧an im ko̧o̧le āneo—Alma maron̄ kar bōk lōn̄ļo̧k jān jetōb, em̧ool āinwōt Moses—Ikwāālel ej eddekļo̧k ilo Kabun̄ eo. Iturinļo̧k 73 M.K.
Jebta 46
Amalikaia ej kōttōbalbal bwe en kiin̄—Moronai ej jerak taitōl in anemkwōj eo—Ej kōketak armej ro n̄an jojomar kōn—Ritōmak ro rem̧ool ņa etaer riKristian—M̧ōttan eo an Josep naaj kōjparoke—Amalikaia im riakwāālel ro rej ko n̄an āneen Nipai—Ro raar jamin rejetake jibadbad in anemkwōj eo rej leļo̧k er n̄an mej. Iturinļo̧k 73–72 M.K.
Jebta 47
Amalikaia ej kōjerbal m̧oņ, uror, im ankōmājur n̄an erom kiin̄ an riLeman ro—RiNipai jepel bōro ro rej nanaļo̧k im lājļo̧k jān riLeman ro. Iturinļo̧k 72 M.K.
Jebta 48
Amalikaia ej bōk būruōn riLeman ro ņae riNipai—Moronai ej kōpooj armej ro an n̄an jojomar ņae em̧m̧akūt eo an riKristian ro—E ej m̧ōņōņō ilo anemkwōj im rōļo̧k im ej juon armej in Anij ekajoor. Iturinļo̧k 72 M.K.
Jebta 49
RiLeman ro rej m̧urm̧ur rejjab maron̄ bōk jikin kwelo̧k ko reppen Ammōnaia im Noa—Amalikaia ej kanejnej Anij im kallim̧ur n̄an idaak bōtōktōkin Moronai—Hilamōn im ļōm̧aro jein im jatin rej kōkajoorļo̧k wōt Kabun̄ eo. Iturinļo̧k 72 M.K.
Jebta 50
Moronai ej kapenļo̧k bwidej ko an riNipai ro—Rej kalōk elōn̄ jikin kwelo̧k ko rekāāl—Pata ko im ko̧kkure ko rebun̄it riNipai ro ilo raan ko in aer jero̧wiwi im mennin kajjōjō—Moriantōn in ribōrojepel ro an rej jorrāān jān Tiankōm—Nipaia emej, im ļeo nejin Peoran pād ilo jea in riekajet eo. Iturinļo̧k 72–67 M.K.
Jebta 51
Rijepiaan kiin̄ ro raar kappukot n̄an ukōt kien eo im lelōn̄tak juon kiin̄—Peoran im rianemkwōj rej rejetak jān ainikien armej ro—Moronai ej karreel rijepiaan kiin̄ ro n̄an jojomar kōn laļ eo aer ak liaakeļo̧k n̄an mij—Amalikaia im riLeman ro rej bōk elōn̄ jikin kwelo̧k ko kar kapenļo̧k—Tiankōm ej jum̧ae m̧urm̧ur eo an riLeman im m̧an Amalikaia ilo im̧ōn kōppād eo an. Iturinļo̧k 67–66 M.K.
Jebta 52
Ammoron ej bōk jikin Amalikaia āinwōt kiin̄ an riLeman ro—Moronai, Tiankōm, im Liai rej tōl riNipai ilo juon tariņae raar anjo̧ ie ņae riLeman ro—Jikin kwelo̧k in Mulek kar bar bōk e, im Jekab riZoram eo kar m̧ane. Iturinļo̧k 66–64 M.K.
Jebta 53
Rikalbuuj in riLeman ro kar kōjerbal er n̄an kapenļo̧k jikin kwelo̧k Bun̄-pāļo̧k—Jepel bōro ko ilubwiljin riNipai ro ej leļo̧k anjo̧ ko an riLeman ro—Hilamōn ej tōl ruo to̧ujin likao em̧m̧an ded nejin armej in Ammōn. Iturinļo̧k 64–63 M.K.
Jebta 54
Ammoron im Moronai rej kōnono kōn kōro̧o̧l rikalbuuj ro—Moronai eaar akweļap bwe riLeman ro ren jenlikļo̧k im kabbōjrak kōm̧m̧alijar ko aer reuror—Ammoron ej akweļap bwe riNipai ro ren likūt kein tariņae ko aer im ren an riLeman. Iturinļo̧k 63 M.K.
Jebta 55
Moronai ej m̧akoko in kōro̧o̧l rikalbuuj ro–Ribaar in riLeman ro kar m̧oņe er n̄an kadek, im rikalbuuj in riNipai rej rōļo̧k—Jikin kwelo̧k in Gid kar bōke kōn ejjeļo̧k kōto̧o̧rļo̧k bōtōktōk. Iturinļo̧k 63–62 M.K.
Jebta 56
Hilamōn ej jilkinļo̧k juon lōta n̄an Moronai, eo ej kōnono kōn jekjek in tariņae eo ippān riLeman—Antipōs im Moronai rej bōk juon anjo̧ ioon riLeman ro—Likao em̧m̧an ded ro ruo to̧ujin an Hilamōn rej pata kōn kajoor ekabwilōn̄lōn̄, im ejjeļo̧k iaer ej mej. Eoon 1, iturinļo̧k 62 M.K.; eoon kein 2–19, iturinļo̧k 66 M.K.; im eoon kein 20–57, iturinļo̧k 65–64 M.K.
Jebta 57
Hilamōn ej kōnono kōn kar wōtlo̧k eo an Antipara im tokālik jojomar eo kōn Kumenai—Likao em̧m̧an ded in riAmmōn ro an rej tariņae ilo peran; aolep raar ikkinejnej, ak ejjeļo̧k eaar mej—Gid ej kōjjeļā kōn m̧anm̧an im ko an rikalbuuj in riLeman ro. Iturinļo̧k 63 M.K.
Jebta 58
Hilamōn, Gid, im Teomner rej bōk jikin kwelo̧k in Mantai jān juon kōttōbalbal—RiLeman ro rej jenlikļo̧k—Ļōm̧aro nejin armej in Ammōn rej mour ke rej jutak pen ilo jojomar e anemkwōj im tōmak eo aer. Iturinļo̧k 63–62 M.K.
Jebta 59
Moronai ej kajjitōk ippān Peoran n̄an kōkajoorļo̧k jarin tariņae ko an Hilamōn—RiLeman ro rej bōk jikin kwelo̧k in Nipaia—Moronai ej illu ippān kien eo. Iturinļo̧k 62 M.K.
Jebta 60
Moronai ej abņōņō n̄an Peoran kōn an kein eo jerwaane jarin tariņae ko—Irooj ej kōtļo̧k ro rewānōk bwe ren m̧an ir—RiNipai ro rej aikuj kōjerbal aolep aer kajoor im jabdewōt wāween ko n̄an kōtļo̧k er make jān rikōjdat ro aer—Moronai ej kaammijak n̄an jum̧ae kien eo eļan̄n̄e jipan̄ ej jab ilo̧k n̄an jarin tariņae ko an. Iturinļo̧k 62 M.K.
Jebta 61
Peoran ej ba n̄an Moronai kōn kōpata im jum̧ae eo ņae kien eo—Rijepiaan kiin̄ ro rej bōk Zaraemla im rej pād ilo bōrokuk ippān riLeman ro—Peoran ej kajjitōk kōn jipan̄ jān ritariņae ro ņae rijum̧ae ro. Iturinļo̧k 62 M.K.
Jebta 62
Moronai ej ilo̧k n̄an jipan̄e Peoran ilo āneen Gideon—Rijepiaan kiin̄ ro rej m̧akoko in jojomar kōn laļ eo aer kar liaakeļo̧k er n̄an mej—Peoran im Moronai rej bar bōk Nipaia—Elōn̄ riLeman rej kobaļo̧k ippān armej in Ammōn—Tiankōm ej m̧ane Ammoron im ekar bar m̧ane—RiLeman ro kar lukwarkwareļo̧k er jān āneo, im aenōm̧m̧an eaar waļo̧k—Hilamōn ej ro̧o̧l n̄an jerbal in im kalōkļo̧k Kabun̄ eo. Iturinļo̧k 62–57 M.K.
Jebta 63
Siblon im tok ālik Hilamōn rej bōk ļo̧o̧k ko rekwōjarjar—Elōn̄ riNipai ro rej ito-itak n̄an āneo ituiōn̄—Hagoth ej jekjek wa ko, ko rej jerakļo̧k ilo lo̧jet eo irilik—Moronaia ej anjo̧ jān riLeman ro ilo pata. Iturinļo̧k 56–52 M.K.