An
Libro Ni Mormon

Sanglit, ine an ginpahalipot nga sinurat han tawo ni Nephi, ngan sugad man han mga Lamanite Iginsurat para han mga Lamanite, nga amo an nahisalin han mga katulinan ni Israel; sugad man liwat han mga Judiyo ngan mga Gentil — Iginsurat pinaagi hin sugo, ngan espiritu han panagna ngan han pagpadayag — Ginsurat ngan ginselyohan, ngan gintago subay han Ginoo, para ine dire maguba — Agud gumawas pinaagi han hatag nga gahum han Diyos subay han pagkahubad hito — Masusi nga ginhipos han kamot ni Moroni, ngan gintago subay han Ginoo, para gumawas ha igo nga takna pinaagi han mga Gentil — An pagkahubad hine in pinaagi han gasa han Diyos.

Usa nga ginpahalipot nga pangasoy nga kinuha dida han Libro ni Ether liwat, nga sinurat nga nahitabo ha mga tawo ni Jared, nga nagpatlag ha takna nga paglipongon han Ginoo an yinaknan han mga tawo, samtang nga hira in naghihimo hin tore para makaabot ngadto ha langit — Agud ipakita ngadto han salin nga katulinan ni Israel kun ano an maupay nga mga hitabo nga ginbuhat han Ginoo ngadto han ira mga amay; ngan mahibaro hira han mga kauyonan han Ginoo, nga hira in dire ginsasalikway ha kadayonan — Ngan sugad liwat ngadto han pagkakumbensir han mga Judiyo ngan mga Gentil nga hi Jesus amo hi Cristo, an Waray Katapusan nga Diyos, nga nagpakilala han iya kalugaringon ngadto han ngatanan nga mga nasud — Ngan yana, kun mayada man mga pagsayop, ito in sayop han mga tawo; salit, tungod hine ayaw pagtamay han mga butang han Diyos para dire kamo magkaada hin dukit dida han lingkuranan han paghukom ni Cristo.