An Libro Ni Enos

1 Kamatuoran, ine nahitabo nga ako, hi Enos, nga nakakakilala han akon amay nga hiya in makatadungan nga tigurang nga lalaki — kay gintututdoan niya ako ha iya yinaknan, ngan sugad man ha pag-ataman ngan sagdon han Ginoo — ngan bulahan an ngaran han akon Diyos tungod hine —

2 Ngan igsusumat ko ha iyo an akon paniguro nga akon nabuhat ha atubangan han Diyos, san-o ko makarawat an kapasayloan han akon mga sala.

3 Kamatuoran, ako in humirayo agud manganop hin ihalas nga mga hayop ha kagugub-an; ngan an mga tugon nga masukot ko mahibatian nga ginsisiring han akon amay hiunong han kinabuhi nga waray katapusan, ngan an kalipay han mga baraan, ngan nalubong hin hilarum ha akon pagabat.

4 Ngan an akon kalag in may makusog nga hingyap; ngan ako in linmuhod ha atubangan han akon Maghirimo, ngan ako in nanginyupo ha iya ha makusog nga pangadi nga pakimaluoy para ha akon kalugaringon kalag; nga ha bug-os nga oras ako in nakimaluoy ha iya; oo, ngan han pag-abot han gab-i ginpakusog ko pa an akon tingog hin duro nga adto in nakaabot ha kalangitan.

5 Ngan didto in umabot in usa nga tingog ha akon, ngan nagsisiring: Enos, an imo mga sala in ginpasaylo na, ngan ikaw in bebendisyonan.

6 Ngan ako, hi Enos, maaram nga an Diyos in dire magbubuwa; tungod hito an akon sala in nawara.

7 Ngan ako nasiring: Ginoo, paonan-o ito nahitabo?

8 Ngan nagsiring hiya ha akon: Tungod han imo pagtuo kan Cristo, nga bisan san-o waray mo pa mabati o makita. Ngan damo nga mga katuigan an malabay ugsa niya ipapakita an iya kalugaringon ha unod; sanglit, lakat na, an imo pagtuo in nakapalimpyo ha imo.

9 Salit yana, ine nahitabo nga han akon mabati ine nga mga tugon ako in nagtikang pag-abat hin usa nga paghingyap para han kaupayan han akon mga kabugtoan, an mga Nephite; kay sanglit, iginbubu ko an akon bug-os nga kalag ha Diyos para ha ira.

10 Ngan samtang nga ako sugad nga naniguro ha espiritu, dagmit, an tingog han Ginoo in inabot na liwat ha akon, panhuna-huna nga nagsiring: Ako in mapaabat ha iyo mga kabugtoan subay ha ira kamadoroto ha pagsunod han akon mga kasugoanan. Iginhatag ko ha ira ine nga katunaan, ngan ine in usa nga baraan nga tuna; nga ine in dire ko isusumpa labot ha hinungdan ha karaotan; tungod hine, ako in mapaabat ha imo kabugtoan subay han akon iginsiring; ngan an ira mga pagtalapas in ibubutang ko nga may kasubo ha ira mga ulo.

11 Ngan matapos nga ako, hi Enos, in nakabati hine nga mga tugon, an akon pagtuo in nagtikang pagdigon ha Ginoo; ngan ako naniguro pangadi hin maiha para han akon kabugtoan, nga mga Lamanite.

12 Ngan ine nahitabo nga kahuman ko mangadi ngan magpaguol ha bug-os nga kamadoroto, an Ginoo nagsiring ha akon: Ihahatag ko ha imo subay han imo hingyap, tungod han imo pagtuo.

13 Ngan yana tinuod, amo ine an akon hingyap nga gin-uungara ha iya — nga kun ine in mahihimo, ngan an akon mga tawo, an mga Nephite, in nahuhulog ha pagpakasala, ngan ha ano man nga paagi in mapupuo, ngan an mga Lamanite in dire mapupuo, ngan an Ginoo nga Diyos in naghipos han sinurat han akon mga tawo, an mga Nephite; bisan kun ine man in pinaagi ha gahum han iya baraan nga butkon, nga ine in madara ha mga umarabot nga panahon ha mga Lamanite, nga, bangin, la hira in madara ha katalwasan —

14 Kay ha pagkayana an amon paniguro nakarag la nga mahibalik hira ha tinuod nga pagtuo. Ngan hira in nagsumpa han ira kasinahon nga kun mahihimo, gugubaon nira an amon mga sinurat ngan kami, ngan sugad man an ngatanan nga pamatasan han amon mga kaapoy-apoyan.

15 Mahitungod hine, ako nga maaram nga nabantayan han Ginoo nga Diyos an amon mga sinurat, ako in nagpadayon panginyupo ngadto ha iya, kay nagsiring hiya ha akon: Ano man nga butang nga iyo aaroon nga may pagtuo, ngan natuod ka nga imo makakarawat ha ngaran ni Cristo, ine in makakarawat mo.

16 Ngan ako in nagkamayada pagtuo, ngan ako nanginyupo ngadto ha Diyos nga iya bantayan an mga sinurat; ngan hiya in nakig-uyon ha akon nga iya ine dadad-on ngadto ha mga Lamanite dida ha iya igo nga panahon.

17 Ngan ako, hi Enos, in maaram nga ine in subay ha kauyonan nga iya ginhimo; sanglit an akon kalag in nagpahuway.

18 Ngan nagsiring ha akon an Ginoo: An iyo mga amay in naghangyo ha akon hine nga nahuna-huna; ngan ine in matutuman ha ira subay han ira pagtuo; kay an ira pagtuo in pareho liwat ha imo.

19 Ngan yana ine nahitabo nga ako, hi Enos, in nasingadto ha mga tawo ni Nephi, nga nagtagna han mga butang nga maabot, ngan nagpamatuod han mga bisyon nga akon nabati ngan nakita.

20 Ngan ako in nagpamatuod nga an mga tawo ni Nephi in madoroto nga nagtalingoha agud mahibalik an mga Lamanite ha tinuod nga pagtuo ha Diyos. Kundi an amon ginbuhat in nawaray gamit; an ira kauriton in dire mabantad, ngan hira in nadara han ira maraot nga kinaiya, ngan hira in nagin ihalas, ngan mabangis, nga uhaw han dugo han tawo, puno hin pagampo han diyos-diyosan ngan kahugawan; nabubusog ha mga hayop nga iturobong; nangungukoy ha mga tolda, ngan naglilinalakaton ha kamingawan nga may usa nga haligot nga bigkis nga panit ha hawak ngan an ira mga ulo in ginkiskisan; ngan an ira abilidad in nakada ha pamana, ngan ha simitar, ngan ha patok. Damo ha ira an dire nakaon kun dire hilaw nga karne; ngan padayon hira nga nagtalingoha agud kami in pamatayon.

21 Ngan ine nahitabo nga an mga tawo ni Nephi in nag-uma ha tuna, nga nagpatubo han ngatanan nga klase hin lugas, ngan mga prutas, ngan mga panon hin hayop, ngan mga panon hin ngatanan nga klase hin baka, ngan mga kanding, ngan ihalas nga mga kanding, ngan sugad man hin damo nga mga kabayo.

22 Ngan nagkaada han sobra hin kadamo nga mga propeta dida ha amon. Ngan an mga tawo in matig-a an mga kaulo, makuri makasabot.

23 Ngan waray iba nga mga nahuna-huna labot la han sobra nga kamaisog, pagwali ngan pagtagna han mga kagubot, ngan mga balinkutay, ngan mga pagkaguba, ngan padayon nga ginpapahinumdum hira han kamatayon, ngan han takna han waray katapusan, ngan paghukom ngan han gahum han Diyos, ngan hadto nga ngatanan nga mga nahuna-huna — in padayon hira nga ginpupukaw agud magpabilin hira ha pagkahadlok han Ginoo. Ginsiring ko nga waray kulang hine nga mga butang, ngan duro hin kayano han mga tugon, nga nakakagpugong ha ira tikang ha madagmit nga kapirdihan han ngatanan. Ngan ha sugad hine nga paagi, ako in nagsurat hiunong ha ira.

24 Ngan nakita ko an mga kagubot han mga Nephite ngan mga Lamanite ha paglabay han akon mga henerasyon.

25 Ngan ine nahitabo nga ako in nagtikang pagkatigurang, ngan 179 katuig an naglabay tikang ha panahon nga an amon amay nga hi Lehi in lumakat ha Jerusalem.

26 Ngan nakita ko nga ako ha dire na maiha nga panahon in malusad ha akon lubnganan, nga nahimo pinaagi han gahum han Diyos nga ako in kinahanglan magwali ngan magtagna hine nga mga tawo, ngan igpahayag an mga tugon subay han kamatuoran nga aada kan Cristo. Ngan iginpahayag ko ine ha ngatanan han akon henerasyon, ngan nalipay ako hadto hin labaw pa ha bug-os nga kalibutan.

27 Nga ako in dire na maiha nga mapakadto ha lugar nga akon papahuwayan, nga ha diin makakaupod ko an akon Manurubos; kay maaram ako nga ha iya ako in makakapahuway. Ngan ako in nalilipay ha panahon nga an akon pagigin mortal in mababalhin ha pagigin imortal, ngan matukdaw ha iya atubangan; ngan ha sugad makikita ko an iya nawong nga may kalipay, ngan hiya masiring ha akon: Pakadi daop ha akon, ikaw nga bulahan mayada usa nga lugar nga igin-andam ha imo ha mga mansyon han akon Amay. Amen.