Ita

Buk blong Momon

Ol Samting we Oli Stap Insaed
Fas Toktok mo Ol Witnes
Fas Nifae
Seken Nifae
Jekob
Inos
Jerom
Omnae
Ol Toktok blong Momon
Mosaea
Alma
Hileman
Tri Nifae
Fo Nifae
Momon
Ita
Moronae

Ita

Japta 1
Moronae i raetemsot ol toktok we Ita hem i bin raetem—Oli soemaot famli laen blong Ita—Lanwis blong Ol Man blong Jared i no bin jenis long Taoa blong Babel—Lod i promes blong lidim olgeta i go long wan graon we i gud tumas mo mekem olgeta i kam wan gudfala nesen.
Japta 2
Ol laen blong Jared oli rere from wokbaot blong olgeta blong go long wan promes graon—Hem i wan graon we i gud tumas we long hem ol man oli mas wok blong Kraes o bae oli brumaot olgeta—Lod i toktok long brata blong Jared blong tri aoa—Ol laen blong Jared oli bildim ol sip—Lod i askem brata blong Jared blong givim wan plan, long hao nao bae oli putum laet long ol sip ia.
Japta 3
Brata blong Jared i luk fingga blong Lod taem we hem i tajem ol sikstin ston—Kraes i soem spirit bodi blong Hem long brata blong Jared—Olgeta we oli gat wan save we i stret evriwan, oli no save stap aotsaed long vel—Lod i givim ol samting blong talem mining blong lanwis blong mekem histri blong ol laen blong Jared i kam long laet.
Japta 4
Lod i givim oda long Moronae blong silim ol samting we brata blong Jared i bin raetem—Bae oli no kamaot kasem taem we ol man oli gat fet semmak olsem hemia blong brata blong Jared—Kraes i givim oda long ol man blong bilivim ol toktok blong Hem mo olgeta toktok blong ol disaepol blong Hem—Lod i givim oda long ol man blong oli sakem sin, bilivim gospel, mo letem Hem i sevem olgeta.
Japta 5
Ol trifala witnes mo wok hemwan bae i stanap olsem wan testemoni we Buk blong Momon i tru.
Japta 6
Win i pusum ol sip blong ol laen blong Jared, i go long promes graon—Ol pipol oli presem Lod from gudfala fasin blong Hem—Oli jusum Oraeha blong kam king ova long olgeta—Jared mo brata blong hem, tufala i ded.
Japta 7
Oraeha i rul long stret mo gud fasin—Long medel blong ol fasin blong wantem kasem paoa blong rul mo ol trabol, oli putumap ol kingdom we oli stap faet blong Sul mo Kohor—Ol profet oli tok agensem fasin nogud mo fasin blong ol pipol blong wosipim aedol; ol pipol ia oli sakem sin afta.
Japta 8
I gat trabol mo rao ova long kingdom—Akis i mekem wan sikret grup we oli stap mekem wan strong promes blong kilim king i ded—Ol sikret grup oli blong devel mo oli mekem ol kantri oli foldaon—Ol niu Jentael oli kasem woning agensem sikret grup we bae oli lukaotem blong sakemaot fridom blong evri graon, nesen, mo kantri.
Japta 9
Kingdom i pas long wan i go long narawan tru long raet blong papa i go long boe, sikret plan, mo fasin blong kilim man i ded—Ima i bin luk Pikinini blong Stret mo Gud Fasin—Plante profet oli taltalemaot fasin blong sakem sin—Wan hadtaem blong kasem kaekae mo ol posen snek i prapa spolem gud ol pipol.
Japta 10
Wan king i tekem ples blong narawan—Sam long ol king oli gat stret mo gud fasin; ol narafala oli nogud—Taem we stret mo gud fasin i stap strong olwe, Lod i blesem mo i mekem ol pipol oli kam antap gud.
Japta 11
Ol wo, ol fasin blong pulaot, mo fasin nogud i rulum laef blong laen blong Jared—Ol profet oli talemaot finis se fasin blong prapa spolem gud fulwan blong ol laen blong Jared bae i kam sapos oli no sakem sin—Ol pipol oli sakemaot ol toktok blong ol profet.
Japta 12
Profet Ita i askem strong long ol pipol blong biliv long God—Moronae i talemaot bakegen ol merikel mo ol sapraes we i bin hapen tru long fet—Fet i bin mekem se brata blong Jared i save luk Kraes—Lod i givim wiknes long ol man blong mekem se oli putum tingting blong olgeta i stap daon—Brata blong Jared i bin muvum bigfala Hil Serin tru long fet—Man i mas gat fet, hop, mo bigfala lav blong Lod i save sevem hem—Moronae i bin luk Jisas stret long fes blong hem.
Japta 13
Ita i tokbaot wan Niu Jerusalem we bae laen blong Josef i bildimap long Amerika—Hem i profesae, oli sakemaot hem, hem i raetem histri blong laen blong Jared, mo i talemaot finis we bae oli prapa spolem gud ol laen blong Jared—Wo i strong long ful graon.
Japta 14
Rabis fasin blong ol pipol i mekem strong nogud tok i kam long graon—Koriantuma i go long wo agensem Giliad, afta Lib, mo afta Sis—Blad mo fasin blong kilim man i ded i kavremap graon.
Japta 15
Plante milian blong ol laen blong Jared oli kilimded olgeta long faet—Sis mo Koriantuma i tekem evri pipol i kam tugeta long faet blong ded—Spirit blong Lod i stop blong wok wetem olgeta—Oli prapa spolem fulwan kantri blong laen blong Jared—Koriantuma nomo i stap.

Printim

I tekem tu ol haelaet mo anda laen

Saenin blong yusum

I tekem ol futnot tu