1 Dóó kʼad, shikʼisóó ayóí ánihííníshʼníinii, jó, ánihidishní doo niheʼiinaʼ łahgo áńdaahdléehgo éí danihighanę́ęgo bee ádaalyaa yę́ę tʼéiyá naazjaaʼ dooleeł.

2 Aooʼ, doo niheʼiinaʼ łahgo áńdaahdléehgo, niheʼesdzáán awééʼ yiʼdaʼiiłtʼoʼígíí ayóó átʼéego yiniinaa daachaaígíí hólǫ́ǫ dooleeł; háálá dadínóochą́ąʼgo tʼáadoo yisdáhóótʼiʼ da silį́įʼgo, aooʼ, dóó yíiyá dooleeł awééʼ yił daaltsánígíí áadi, háálá dandaazgo dóó chʼééh dajiltłʼéeh dooleeł; éí bąą, bikʼi chʼízhdoojah dóó tʼáá ákǫ́ǫ́ dadínóonééł.

3 Aooʼ, díí Nephi bidineʼé dajooyéhígíí hóyéeʼgo ádajitʼée dooleeł tʼáá hazhóʼó hweʼiinaʼ łahgo áńdajiidlaago tʼéiyá, díí tʼáá ałtso bee ééhózinii dóó ayóó ádahoodzaaígíí bichʼįʼ ííshją́ą́ ádaalyaago dayiiłtsą́ągo; jó háálá, Bóhólníihii aláahdi baa ntsékees ńtʼę́ę́ʼ, aooʼ, Nephi bidineʼé ayóó áyóʼní, dóó ałdóʼ tiʼhooʼnííh yichʼįʼ kwííłʼį́į́ ńtʼę́ę́ʼ; aooʼ, bąąhági átʼéii yaa naakai yę́ędą́ą́ʼ tiʼhooʼnííh yichʼįʼ kwííłʼį́į́ ńtʼę́ę́ʼ háálá ayóó áyóʼnínígíí biniinaa.

4 Jó ndi shidineʼé, Laman bidineʼé áłahjįʼ bąąhági átʼéii yaa naakaigo biniinaa yijoołáá ńtʼę́ę́ʼ, dóó díí dabizhéʼé bibee oʼoolʼįįł doo yáʼádaatʼéhígíí biniinaa. Jó ndi, Nephi bidineʼé ndabinitinígíí binahjįʼ yisdáʼiildéhígíí bił béédahózin; dóó díí biniinaa Bóhólníihii nízaadgóó dahináago áyiilaa.

5 Dóó nihił béédahózin dooleeł nisin ałnííʼ biláahgo éí diyinkʼehgo ndaakai, dóó hazhóʼó Diyin God yikʼeh naaldeeh, dóó yee hahasdzíʼígíí dóó bibeehazʼáanii dóó yaa ntsékeesígíí Moses bibeehazʼáanii áyiilaa yę́ę yikʼehgo naaldeeh.

6 Aooʼ, ánihidishní, ałnííʼ biláahgo éí kótʼéego dahiná, dóó yéigo doo chʼééh dadikááhgóó deidilníísh áko nihidineʼé tʼáá ałtso tʼáá aaníinii bił bééhózin danízingo; áko tʼáá ákwíí jį́ daʼoosdląądígíí bihidiikááh.

7 Jó áádóó, nihił béédahózin, háálá danółʼį́, áko ląʼída tʼáá aaníinii bił béédahózingo, dóó dabizhéʼé bąąhági ádaatʼéii dóó tsʼídá aláahdi dajoodláhígíí ádeiłʼínę́ę bił béédahodoozįįł, dóó Diyin God bizaad woohdlą́ąjįʼ ndabidiitʼéésh, aooʼ, Diyin God yá dahalneʼii dadílzinii náasdi ádahodooníiłii, ńdaháasdzo, Bóhólníihii dayoodlą́ągo ádabiilaaí, dóó binahjįʼ beʼiinaʼ łahgo áńdayiidlaaii, éí oodląʼ dóó iiná łahgo áńdaalneʼii éí ntsáhákees ajéí biyiʼígíí łahgo áńdeidleʼ bijéí łahgo ádayiilaa—

8 Éí bąą, ląʼída kótʼáo náhaaskaiígíí, éí nihił béédahózingo dabidziil dóó doo nahjįʼ kódaalneʼ átʼéego daʼoodlą́, dóó binahjįʼ doo naalteʼ danilį́į da.

9 Dóó nihił béédahózingo bee daʼahijoogáanii yikʼi dahoogeed, dóó nínéídidoodléłígíí yéédaaldzid ákódeiidzaago daʼdiilziih danízingo; aooʼ, bééhózínígo daʼdoosihígíí yéédaaldzid—jó áko anaʼí bikʼi chʼídoojah dóó ndabidoołtsiłgo éí yá nahazʼą́, dóó doo bibééshhał yichʼįʼ dah deididootį́įł da, díí éí Christ dayoodlánígíí biniinaa.

10 Dóó kʼad, daʼoodlą́ągo éí beʼoodląʼígíí doo bił ndaalkidígíí biniinaa, háálá, diyinkʼehgo bił éédahozįįhgo doo nahjįʼ kóodaaneʼ átʼéhígíí biniinaa, jó, Bóhólníihii bikʼijidoodliił dóó nízaadgóó dahináago íidoolííł, azhą́ bąąhági átʼéii yaa naaskai ndi—

11 Aooʼ, azhą́ doo daʼoodlą́ą́góó naaldeeh silį́įʼ ndi Bóhólníihii nízaadgóó dahináago íidoolííł, ńléí danihizhéʼé baa hodoolzhish dadííniid yę́ęjįʼ ahoolzhiizhgo índa, dóó ałdóʼ Diyin yá halneʼii Zenos yaa hoolneʼę́ę, dóó ląʼída Diyin God yá dahalneʼii yaa dahóóneʼę́ę, éí bił haiijééʼ, Laman bidineʼé, tʼáá aaníinii bił ííshją́ą́ áńdoolnííł.

12 Aooʼ, ánihidishní, akéeʼdi yoołkáłígíí biyiʼ Bóhólníihii yáʼátʼéehii yee nihwiisʼánę́ę, bił haiijééʼ, Laman bidineʼé bichʼįʼ kódoolnííł, dóó azhą́ łą́ągo atíbidiʼdoolnííł ndi, dóó nahasdzáán bikááʼgóó łaʼ ayóigo ndinóolkał ndi, dóó ndibiʼdizhéeh doo ndi, dóó ndazdootsił dóó ałtso taidookah, dóó tʼáadoo yisdáhóótʼiʼ da silį́įʼ ndi, Bóhólníihii éí baa joobaʼ dooleeł.

13 Dóó díí éí náás ádahodooníiłgo baa haneʼígíí bikʼehgo, éí tʼáá aaníinii bééhózinígíí bichʼįʼ kóńdoolnííł, éí éí bá Nináʼnídláhígíí bił béńdahodoodzįįł, dóó ayóó átʼéii tʼáá aaníí dibé baa áhályáanii, dóó bidibé yitah danilį́į doo.

14 Éí bąą ánihidishní, bí bá yáʼátʼéeh dooleeł nihí éí tʼáá hazhóʼó niheʼiinaʼ łahgo áńdaahdléehgo tʼéiyá.

15 Jó háálá, diyinkʼehgo naʼanish ayóó átʼéii nihichʼįʼ kwíilyaaígíí éídóʼ bichʼįʼ kólyaago, aooʼ, dabizhéʼé bibee oʼoolʼįįł biniinaa doo daʼoosdląądígíí, nihił béédahózingo doo éí doo daʼoodlą́ą da náádadoodleeł da ńtʼę́ę́ʼ.

16 Éí bąą, Bóhólníihii ání: Doo éí ałtso ádeeshdįįł da, ndi shí íínísinígíí bijį́įdi bikʼehgo índa shichʼįʼ nínáhidookah, ní Bóhólníihii.

17 Jó dóó kʼad, Nephi bidineʼé yaa ntsékeesgo, Bóhólníihii ání: Doo beʼiinaʼ łahgo ánéídléehgo, dóó doo shikʼeh dahółʼį́į́góó, ałtso ndeestsił, ní Bóhólníihii, doo daʼoodlánígíí biniinaa azhą́ bitahgi ląʼída ayóó átʼáo bitahgóó nishishnish ndi; dóó Bóhólníihii hiná bééhózinígíí bikʼehgo díí bidaʼdoolnííł, ní Bóhólníihii.