1 Dhe tani, vini re, vëllezërit e mi, sikurse ju thashë që unë do të profetizoja, vini re, kjo është profecia ime—që gjërat që tha profeti Zenos në lidhje me shtëpinë e Izraelit, në të cilat ai e krahasoi me një pemë ulliri të butë, me siguri duhet të ndodhin.

2 Dhe dita që ai do të shtrijë dorën e tij përsëri për të përtërirë popullin e tij për të dytën herë, është dita, po, madje hera e fundit, që shërbëtorët e Zotit do të shkojnë në fuqinë e tij, për të ushqyer dhe krasitur vreshtin e tij; dhe pas asaj fundi vjen shpejt.

3 Dhe, sa të bekuar janë ata që kanë punuar me zell në vreshtin e tij; dhe sa të mallkuar janë ata që do të flaken në vendin e tyre! Dhe bota do të digjet me zjarr.

4 Dhe sa i mëshirshëm është Perëndia ynë me ne, pasi ai e mban mend shtëpinë e Izraelit, si rrënjët ashtu edhe degët; dhe ai shtrin duart e tij në drejtim të tyre gjatë gjithë ditës; dhe ata janë një popull kokëfortë dhe kundërshtues; por të gjithë ata që nuk do të ngurtësojnë zemrat e tyre, do të shpëtohen në mbretërinë e Perëndisë.

5 Kështu që, vëllezërit e mi të dashur, unë ju lutem në fjalët e qartësisë, që ju të pendoheni dhe të vini me synim të plotë të zemrës dhe të qëndroni besnik te Perëndia, sikurse ai qëndron besnikë te ju. Dhe ndërsa krahu i tij i mëshirës është shtrirë drejt jush në dritën e ditës, mos i ngurtësoni zemrat tuaja.

6 Po, sot, në qoftë se ju do të dëgjoni zërin e tij, mos i ngurtësoni zemrat tuaja; pasi, pse doni të vdisni ju?

7 Pasi vini re, pasi ju të jeni ushqyer nga fjala e mirë e Perëndisë gjatë gjithë ditës, a do të sillni ju frut të lig, që ju të priteni dhe të flakeni në zjarr?

8 Vini re, a do t’i hidhni poshtë këto fjalë? A do t’i hidhni poshtë fjalët e profetëve dhe a do t’i hidhni poshtë të gjitha fjalët që janë folur në lidhje me Krishtin, pasi kaq shumë kanë folur në lidhje me të; dhe a do ta mohoni fjalën e mirë të Krishtit dhe fuqinë e Perëndisë dhe dhuratën e Frymës së Shenjtë, dhe të shuani Shpirtin e Shenjtë, dhe të bëni një përqeshje të planit të madh të shëlbimit që është përgatitur për ju?

9 A nuk e dini se, në qoftë se ju do t’i bëni këto gjëra, që fuqia e shëlbimit dhe e ringjalljes, e cila është në Krisht, do t’ju sjellë të qëndroni me turp dhe me fajësi të tmerrshme para shufrës së Perëndisë?

10 Dhe sipas fuqisë së drejtësisë, pasi drejtësia nuk mund të mohohet, ju duhet të shkoni në atë liqen zjarri dhe squfuri, flakët e të cilit janë të pashueshme dhe tymi i të cilave ngrihet lart gjithmonë e përgjithmonë, liqen ky prej zjarri dhe squfuri që është mundim i pafund.

11 O atëherë, vëllezërit e mi të dashur, pendohuni dhe hyni në portën e ngushtuar dhe vazhdoni në rrugën që është e ngushtë, derisa ju të merrni jetën e përjetshme.

12 O, jini të urtë; çfarë mund të them më?

13 Më në fund, unë po ju them lamtumirë, derisa unë t’ju takoj para shufrës së këndshme të Perëndisë, shufër e cila godet të ligjtë me tmerr dhe frikë të tmerrshme. Amen.