Te Buka a Moroni

1 I teienei, ’ia oti tā’u, ’o Moroni, ha’apotora’a i te ’ā’amu o te mau ta’ata o Iareda, ’ua mana’o ihora vau ’eiaha paha vau e pāpa’i fa’ahou atu ā i te parau, ’āre’a rā ’aita ā vau i pohe atu ra ; ’e ’aita ho’i au i haere atu e fa’a’ite atu iā’u i te mau ’āti Lamana, ’o te taparahi mai rātou iā’u.

2 Inaha ho’i, e mea ri’ari’a rahi tā rātou mau ’arora’a i rotopū ia rātou iho ; ’e nō tō rātou ’ino’ino rahi ’ua taparahi rātou i te mau ’āti Nephi ato’a ’o tē ’ore e huna i te Mesia.

3 ’E e’ita roa vau, ’o Moroni, e huna i te Mesia ; nō reira, ’ua hāhaere noa vau i terā vāhi ’e i terā vāhi, nō te pāruru i tō’u iho ora.

4 Nō reira, e pāpa’i ā ho’i au i te tahi atu ā mau mea, tei ’ore i ’ōpuahia e au ra ; ’e ’ua mana’o ho’i au ē, e ’ore roa paha vau e pāpa’i fa’ahou ā i te parau ; e pāpa’i rā vau i te tahi fa’ahou mau mea iti noa, penei a’e ’o te faufa’ahia tō’u ra mau taea’e, te mau ’āti Lamana, i te tahi mau mahana i mua nei, mai te au i te hina’aro o te Fatu.