1 Mbaʼeichaitépa hiʼélder ha ipresbítero-kuéra omeʼẽ Cristo roʼo ha huguy tupaópe; ha omeʼẽ hikuái Cristo rembiapoukapykuérape heʼiháicha; upévare roikuaa péicha añeteguaha; ha upe élder térã presbítero omeʼẽ—

2 Ha oñesũ hikuái tupao ndive, ha oñemboʼe hikuái Túvape Cristo rérape, heʼívo:

3 O Tupã, Túva Ijapyraʼỹva, rojerure ndéve nde Raʼy Jesucristo rérape, rehovasa ha remomarangatu hag̃ua ko mbujape opa hoʼúva chugui ángape g̃uarã; hoʼu hag̃ua hikuái imanduʼávo nde Raʼy retére, ha otestifika hag̃ua nerenondépe, O Tupã, Túva Ijapyraʼỹva, oñemoĩporãha hikuái omoĩ hag̃ua hiʼári nde Raʼy réra, ha imanduʼa hag̃ua hese tapiaite, ha iñeʼẽrendu hag̃ua hembiapoukapykuérare haʼe omeʼẽvaʼekue chupekuéra, oguereko hag̃ua hikuái tapiaite Ijespíritu hendive. Amén.