1 Te huru ravera’a a te mau peresibutero ’e te mau tahu’a ’ia ha’amaita’i i te ’i’o ’e te toto o te Mesia nā tō te ’ēkālesia ; ’e ’ua ha’amaita’i rātou i te reira mai te au i te mau fa’auera’a a te Mesia ; nō reira ’ua ’ite mātou ē ’o te huru mau ïa ; ’e ’ua ha’amaita’i te peresibutero ’e te tahu’a i te reira—

2 ’E ’ua tu’u rātou i tō rātou turi i raro ’e tō te ’ēkālesia ato’a ho’i, ’e ’ua pure atu ra i te Metua nā roto i te i’oa o te Mesia i te nā-’ō-ra’a atu ē :

3 E te Atua, te Metua mure ’ore, tē ani atu nei mātou ia ’oe nā roto i te i’oa o tō Tamaiti, ’o Iesu Mesia, e ha’amaita’i mai ’e e ha’amo’a mai i teie nei pāne nā te mau vārua o te feiā ato’a ’o tē rave mai nei, ’ia ’amu rātou i te reira ma te ha’amana’o i te tino o tō Tamaiti, ’e ’ia fa’a’ite rātou ia ’oe, e te Atua, te Metua mure ’ore, e ti’a ia rātou i te rave i te i’oa o tō Tamaiti i ni’a iho ia rātou, ’e i te ha’amana’o ā iāna ē a muri noa atu, ma te ha’apa’o maita’i i tāna mau fa’aue tāna i hōro’a mai ia rātou ra ; ’ia vai noa tōna Vārua i roto ia rātou ē a muri noa atu. ’Āmene.