Vahe 26
Ko e fakahā naʻe fai kia Siosefa Sāmita ko e Palōfitá, ʻŌliva Kautele, mo Sione Uitemā, ʻi Hāmoni, ʻi Penisilivēnia, ʻi Siulai 1830 (vakai ki he ʻuluʻi fakamatala ki he vahe 24).
1, ʻOku fakahinohinoʻi ʻa kinautolu ke nau ako ki he ngaahi folofolá pea malanga; 2, Ko e fakapapauʻi mai ʻo e fono ʻo e loto-tahá.
1 Vakai, ʻoku ou pehē kiate kimoutolu ke mou fakafemoʻuekinaʻi ʻa homou taimí ʻi he ako ʻa e ngaahi folofolá, pea ʻi he malangá, pea ʻi he tokoniʻi ʻo e siasi ʻi Kolesivilí, pea ki hono fai hoʻomou ngaahi ngāue ʻi he fonuá, ʻo hangē ko e meʻa ʻoku ʻaongá, kae ʻoua ke hili ange ʻa hoʻomou ʻalu ki he hihifó ke fai ʻa e konifelenisi ka hoko maí; pea ʻe toki fakahā atu ʻa e meʻa ke mou faí.
2 Pea ʻe fai ʻa e meʻa kotoa pē ʻi he siasí ʻi he felototahaʻaki, ʻi he lotu lahi mo e tui, he te mou maʻu ʻa e ngaahi meʻa kotoa pē ʻi he tui. ʻĒmeni.