Tufa’a 2
Te tahi tufa’a nō roto mai i te ’ā’amu nō Iosepha Semita e fa’ati’a ra nō ni’a i te mau parau a te melahi Moroni ra ia Iosepha Semita, te peropheta, ’a pārahi ai ’oia i roto i te fare o tōna metua tāne i Manchester, i New York, i te ahiahi nō te 21 nō Setepa 1823. ’O Moroni te hope’a o te mau pāpa’i ’ā’amu rau roa ’ino tei fa’aineine i te pāpa’a parau e ’itehia nei e tō te ao nei ’ei Buka a Moromona. (’A fa’aau i te Malaki 4:5–6 ; ’oia ato’a i te mau tufa’a 27:9 ; 110:13–16 ; ’e 128:18.)
1, ’Ua fa’aho’i mai Eliaha te peropheta i te autahu’ara’a ; 2–3, ’Ua tu’uhia te mau fafaura’a a te mau metua tāne i roto i te ’ā’au o te mau tamari’i.
1 Inaha, e fa’aho’i atu vau i te Autahu’ara’a ia ’oe, nā roto i te rima o Eliaha te peropheta, hou te taera’a mai o te mahana rahi ’e te ri’ari’a o te Fatu ra.
2 E nāna e tu’u i roto i te ’ā’au o te mau tamari’i te mau fafaura’a i fafauhia i te mau metua, ’e e fāriu te ’ā’au o te mau tamari’i i tō rātou ra mau metua.
3 ’Āhiri ’aita te reira e tupu, e riro te fenua tā’āto’a nei ’ei mea faufa’a ’ore i tōna taera’a mai.