۱ اور اب میرے خادِم پارلے پی پراٹ کے بارے میں، دیکھ، مَیں اُس سے کہتا ہُوں کہ مُجھے اپنی حیات کی قسم میری رضا ہے کہ وہ میری اِنجِیل کا پرچار کرے اور مُجھ سے سیکھے، اور دِل کا حلیم اور فروتن ہو۔

۲ اور کہ مَیں نے اُسے مُقرّر کِیا ہے کہ وہ میرے خادِموں، اولیور کاؤڈری اور پیٹر وِٹمر جُونیئر کے ساتھ، بیابان میں لامنوں کے درمیان میں جائے گا۔

۳ اور زائبا پیٹرسن بھی اُن کے ساتھ جائے گا؛ اور مَیں خُود اُن کے ساتھ جاؤں گا اور اُن کے درمیان میں ہُوں گا؛ اور مَیں باپ کے پاس اُن کا وکیل ہُوں، اور کوئی شَے اُنھیں مغلُوب نہ کرے گی۔

۴ اور وہ جو لِکھا گیا ہے اُس پر دھیان دیں گے، اور کسی دُوسرے مُکاشفے کا دعویٰ نہ کریں گے؛ اور وہ ہمیشہ دُعا کریں گے تاکہ مَیں اُن کے فہم کے لیے اِسے افشا کرُوں۔

۵ اور وہ اِن باتوں پر دھیان دیں گے اور اُنھیں حقیر نہ جانیں گے، اور مَیں اُنھیں برکت دُوں گا۔ آمین۔