Sección 44
Rrevelasiõ oñemeʼẽvaʼekue José Smith upe Proféta ha Sidney Rigdon-pe, Kirtland, Ohio-pe, febrero paha 1831-pe. Okumpli hag̃ua umi koʼápe ojejeruréva, Tupao ojapo peteĩ conferencia, junio ñepyrũ oútavape.
1–3, Elder-kuéra oñembyatyvaʼerã conferencia-pe; 4–6, Haʼekuéra oñemohendavaʼerã tetã leikuérape heʼiháicha ha oñangareko imboriahúvare.
1 Péina ápe, che rembiguaikuéra, péicha heʼi Ñandejára peẽme, iporã chéve che tupaogua elder-kuéra toñehenói oriente, poniente, norte ha sur-gui, kuatiañeʼẽ rupive térã ambue hendáicha.
2 Ha ojehúta, ijeroviarekóramo hikuái, ha omombaʼapo jerovia cherehe, Che añohẽta che Espíritu hiʼarikuéra oñembyaty vove ára.
3 Ha ojehúta haʼekuéra ohóta umi tenda ijerereguápe, ha omboʼéta arrepentimiento umi upépe oikóvape.
4 Ha heta oñekonvertíta, ha péicha rupi pendepuʼakáta peñemohenda hag̃ua umi yvypóra léipe heʼiháicha;
5 Ani hag̃ua ipuʼaka pende rehe umi penderayhuʼỹva; ha peñemoʼã hag̃ua opa mbaʼépe; ikatu hag̃ua peñongatu umi che léi; ha tojeipeʼa opa mbaʼe pe oporohayhuʼỹva oñehaʼãva reheve ohundi che tavayguakuéra.
6 Péina ápe, Che haʼe peẽme, tekotevẽha peho pehecha umi imboriahúva ha oikotevẽvape, ha pemeʼẽ chupekuéra pytyvõ, oñeñangareko hag̃ua hesekuéra, ojejapo peve opa mbaʼe che léi pehupytyvaʼekuépe heʼiháicha. Amén.