1 Daʼíísínółtsʼą́ą́ʼ, dóó danółʼį́, łaʼ bizhí yáʼąąshdééʼ adabiʼdoolʼaʼ, éí bá hodílzin dóó ayóó bidziil, nahasdzáán nidahoneesʼą́ą́góó dahdiiyá, aooʼ, bizhí nihokááʼ dineʼé yee yichʼįʼ yáłtiʼ doo—Diyin Bóhólníihii bihonítʼiʼ bá hashtʼe dahołééh, dóó beʼátiin kʼéházdongo ádaołééh.

2 Diyin God bee bóhólníihgo bił hazʼą́ągi bee ąą ńdítį́hí éí nihokááʼ dineʼé neijaah dooleełgo beiyíjaaʼ, áádóó Diyin binaʼnitin bee yisdáʼiildéehii nahasdzáán nidahoneesʼą́ą́góó yimas dooleeł, éí dził bąąhdóó tsé doo yílá bee haalneʼii éí náás dah didoomas, nahasdzáán ałtso yikʼinaazmáazgo índa.

3 Aooʼ, azhí yéego diitsʼaʼgo—Diyin Bóhólníihii bihonítʼiʼ bá hashtʼedahołééh, Dibé Yázhí Wólyéii iʼííʼą́ągo yidooyį́łígíí bá hashtʼedaohłééh, áko Diné Iiyehii bibaʼ hashtʼeʼ ádaʼdoołyaa doo.

4 Diyin Bóhólníihii bichʼįʼ sodadoołzin, bizhí dílzinii bichʼįʼ ádadoohní, binaanish ayóó átʼéii ííłʼíinii dineʼé bitahgóó baa dahołneʼ.

5 Diyin Bóhólníihii bichʼįʼ sodadoołzin, áko bisodizin nahasdzáán bikááʼgóó kódoolnííł, áko yikááʼ kéédahatʼíinii baa dahidoolyééł, áádóó bichʼįʼ deiyíłkaahii bichʼįʼ hashtʼeʼ ádadoołnééh, Diné Silį́įʼii yáʼąąshdééʼ adadoogááł, biʼayóó átʼéii bee bitsʼádiʼnílíidgo yee hadítʼée doo, éí nahasdzáán bikááʼ Diyin God bee bóhólníihgo bił hazʼánígíí yaa doogááł.

6 Ákohgo, bíniʼ Diyin God bee bóhólníihgo bił hazʼánígíí náás yigááł doo, áko yáʼąąshii bee óhólníihgo hazʼánígíí éí nahasdzáán yikááʼ hodooleeł, áko ni, O Diyin God, yáʼąąsh dóó nahasdzáán bikáaʼgi ayóó átʼáo naa haʼniih doo, áádóó neʼanaʼí éí niʼ kódadoolnííł; háálá tʼáá ałtsogóó naahaʼniih doo, neʼadziilii dóó neʼayóó atʼéii, hoolʼáágóó dóó ahoyéelʼáágóó hólǫ́ǫ doo. Amen.