1 Áádóó naanish tsʼídá ayóó átʼéego dóó ayóó ánoolningo kʼadę́ę́ʼnihokááʼ dineʼé baʼáłchíní bichʼįʼ kólnééh.

2 Áko shooh, shí éí Diyin God nishłį́; shizaad yéego bikʼeh dahonółʼį́, éí hiiná dóó ayóó bidziil, béésh hał ałtsʼą́ą́ʼgo deinínígíí biláahgo hááheeshchxiiʼ, éí tʼáá áłah ahadaditʼą́ índa awol nidi ałtsʼáyiinííł; éí bąą shizaad yéego bikʼeh dahonółʼį́.

3 Áko shooh, daʼakʼehgi daʼneestʼą́ągo łigai éí dooldah; éí bąą, tʼáá háíshį́į́ daʼiilzhééh danízinígíí, bíniʼdii bee iigéshí yéego yee iishééh, dóó ndaʼiishééhgo iʼdooʼááł, áko biʼiisizíinii Diyin God bił hazʼą́ądi hoolʼáágóó yisdáʼiildééh ílíinii yá hashtʼehósin doo.

4 Aooʼ, tʼáá háíshį́į́ tłʼoh bee yilzhéhé yee daʼiishééhgo dóó ahaneiyiiłjoołgo, Diyin God tʼáá éí yikʼidiilniiʼ.

5 Éí bąą, shíínóhkeedgo éí nihaa doolyééł, dááʼdílkał nanóhłtsʼingo nihichʼįʼ ąą ádoolnííł.

6 Kʼad, díí bínaʼadíníłkidígíí biniinaa, shooh, Shí ándishní, shibee hazʼáanii bikʼeh honíłʼį́, dóó Zion bá ánítʼį́įgo hadííłwoł dóó níłdzilgo ádíílííł.

7 Bee ádaʼjitʼínígíí tʼáadoo bíkáʼánítʼíní ákondi bee hódzáanii tʼéiyá, áádóó áko shooh, Diyin God binaʼnitin tʼahdoo béédahoozįįhígíí nihichʼįʼ ąąʼ ádadoolnííł, áádóó áko hoolʼáágóó nihikʼihojídlį́į doo. Áko shooh, tʼáá háíshį́į́ hoolʼáágóó iiná bee hólónígíi éí atʼį́ bee hólǫ́ǫ doo.

8 Tʼááʼaaníí, tʼááʼaaníigo, Shí ánihidishní, haʼátʼííshį́į́ shitsʼą́ą́dóó nóhsinígíí éí bikʼehgo áʼdoolnííł; dóó íínohsingo, nihinahjįʼ díí kʼad oochíiłígíí biyiʼ ląʼígo yáʼátʼéehgo óʼółʼį́į doo.

9 Ákondi díí kʼad oochíiłii biyiʼ ádaa náʼoohkąąh tʼéiyá bee nanítin; shibee hazʼáanii bikʼeh honíłʼį́, dóó shinaanish atah hadííłwoł, shibee hazʼáanii bikʼehgo, dóó áko nikʼihozhdoodliił.

10 Áko shooh aʼílyéi neiyílyá, dóó niʼaʼílyéi neeyílyáhígíí biniinaa nikʼihojisdliʼ. Éí dílzin dóó yáʼąąshdééʼ neiyílyáago béénílniih—

11 Áádóó naʼídíłkidgo, tʼahdoo béédahoozįįhígíí ayóó ádaatʼéego dóó ayóó ádanoolningo nichʼįʼ ąąʼ ádadoolnííł; éí bąą neiyílyáhígíí choiníłʼį́, áko tʼah doo béédahoozįįhígíí nił bééhodoozįįł, áko ląʼí da tʼáá aaníinii bił béédahodoozįįł, aooʼ, doo ákótʼáo deiyíkáhígíí yaa ákódadínóozįįłgo nanítin.

12 Neʼoodląʼ deiyoodlánígíí tʼéiyá neiyílyáhígíí bee bił hodíílnih nááná łaʼ éí ndagaʼ. Dadílzinígíí tʼáadoo aʼohgo baa ntsíníkeesí.

13 Yáʼátʼéehgo hiinínáago, aooʼ, dóó tʼáá ákótʼáo nihoniíyáajįʼ iiná iinlaago, Diyin God bił hazʼą́ądi yahanídíídááł; éí tsʼídá tʼáá ałtso Diyin God bi aʼiilyéii bilááhdi átʼé; háálá yisdáʼiildééh aaʼilyéi éí doo łaʼ bilááh átʼéego aaʼiilyéi da.

14 Tʼááʼaaníí, tʼááʼaaníigo, Shí ánidishní, háálá ídeinilaaígíí biniinaa nikʼihojisdliʼ; háálá baa nashídííníłkid, dóó áko shooh, tʼáá nínáʼádíłkiʼ bikʼeh shiʼIiʼ Sizį́ Diyinii nináanítįįh ńtʼę́ę́ʼ. Díí doo ákótʼéego éí, kʼad hoolzhishgi doo kweʼé honílǫ́ǫ da doo ńtʼę́ę́ʼ.

15 Áko shooh, nił bééhózin baa nashidíníłkidígíí níniʼ bidiʼníłdláád; áádóó áko Iiʼ Sizį́ Diyinii tʼáá aaníinii nił chʼídiʼníłdládígíí éí nił bééhódoozįįłgo díí bee nił hweeshneʼ.

16 Aooʼ, bee nił hwééshneʼ, áko nił bééhózin doo nááná łaʼ nintsékeesígíí dóó nijéí yinízinígíí bił bééhózin da Diyin God tʼéiyá.

17 Díí bee nił hweeshneʼígíí bee tʼááʼaaníi átʼéego nił bééhodoozįįł—áko saad doodago naanish baa naʼiizóóhígíí éí tʼáá aaníí ádaatʼé.

18 Éí bąą tʼáá áłahjįʼ bidinilkaal; shá naalʼaʼí Joseph bił sínízį́, naʼólíigo, shizaad binahjįʼ tʼáá haʼátʼíí shį́į́ achʼįʼ nahwiiʼná yiiʼ naagháago.

19 Niʼiisííhgo nanítin, dóó ałdóʼ bí nichʼahashkéégo naninitin doo. Haʼíínílní; honíyą́; hazhóʼígo íʼíłʼį́; nił chohooʼį́, iinídląʼ, haʼíínílní, dóó diyingo ayóóʼóʼóní nee hólǫ́ǫ doo.

20 Áko shooh, Oliver ánítį́, dóó háálá nínízinígíí bee nichʼįʼ haasdzííʼ; éí bąą díí saad nijéí biyiʼ ninílé. Diyin God bibee hazʼáanii yéego bikʼeh honíłʼį́ dóó tʼáá áłahjįʼ bidinilkaal, dóó shi ayóóʼóʼóníinii bee nizéédeeshchił.

21 Áko shooh, Shí éí Jesus Christ áshtʼį́, Diyin God biYeʼ. Tʼáá shíhígíí baa níyáhę́ę áshtį́, dóó tʼáá shíhígíí doo dashiniizį́į́ʼ da. Shí éí adinídíinii nishłį́ chahałheeł biyiʼdi shitsʼádiʼnídíín, áádóó éí chahałheeł doo yikʼiʼdiitʼįįh da.

22 Tʼááʼaaníí, tʼááʼaaníigo, Shí ándishní, tʼáá nááná łaʼ bee shił nááhodonih nínízingo, tłʼéégoʼ nijéí bee shichʼįʼ náʼiisinkanyę́ę béénílniih, áko díí tʼáá aaníí ádaatʼéego nił bééhodozįįł.

23 Daʼ tʼáadooísh díí áhodooníłígíí níniʼ kʼé bił naaztʼiʼígíí bee nichʼįʼ haasdzííʼ da? Diyin God bitsʼą́ą́dóó ooʼíinii hweeyílyáago haʼátʼíísh éí tsʼídá biláahdi átʼée doo?

24 Áádóó áko, shooh, nił ííshjání ályaa; háálá diné doo bił bééhózinii ła bee nił hweeshneʼgo áko eiísh doo ił ííshją́ą́ ályaa átʼée da?

25 Áádóó, áko shooh, aaʼilyéi naah ninishłé, shitsʼą́ą́dóó nínízingo, ataʼ hólneʼ doo, shá naalʼaʼí Joseph nahalingo.

26 Tʼááʼaaníí, tʼááʼaaníigo, Shí ándishní, haneʼ łaʼ shinaʼnitin bee yisdáʼiildéehii ląʼí biyiʼ ńdáháásdzohgo hólǫ́, éí dineʼé doo yáʼádashónígíí biniinaa tʼą́ą́ʼ kólzin ńtʼę́ę́ʼ;

27 Áádóó áko shí ándishní, áko yáʼádaatʼéehii nínízingo—yáʼąąshdi daʼílíinii ádá nihínííł nínízingo—doo yáʼáshóonii baa naʼaldeehígíí biniinaa shizaad łahdóó ńdadeilʼį́ʼę́ę, éí naahniilyáhígíí bee, béédahodoozįįłgo ákáʼadíílwoł.

28 Áádóó áko, shooh, ni, dóó shá naalʼaʼí Joseph nihąąhninishłé, díí aaʼílyéii bee ąą ńdaditį́hí, éí díí naanish béédahodoozįįłgo bee ąąʼádoolnííł; áádóó naaki doodago tááʼ daʼiiłtsą́ągo yee hadaasdzíʼígíí bee ndahidootʼááł.

29 Tʼááʼaaníí, tʼááʼaaníigo, Shí ándishní, shizaad, dóó díí shinahatʼá bee yisdáʼiildéehii dóó naanish doo deiniizį́į́góó, nikʼihojisdliʼ, háálá shí ádashiilaaígíí doo bilááhgo ádandoolííł da.

30 Áádóó ázhą́ ádashiilaaígiʼ átʼáo ádaniilaa ndi, nikʼihojisdliʼ, háálá ayóó áhootʼéedi shił honiłǫ́ǫ doo.

31 Ákondi shizaad doo nahjįʼ kódeiyiilaagóó, éí tʼáá aaníinii bee haʼoodzíʼígíí bee nidootʼááł, éí bikʼidahozhdoodliił, áádóó náánish bítsʼą́ą́dóó neistʼą́ dahazlį́į́ʼgo áko índa nihił hózhǫ́ǫ doo.

32 Tʼááʼaaníí, tʼááʼaaníigo, Shí ándishní, shikééʼ naazíinii ábidííniidígiʼ átʼáo, háálá naaki éí doodaiiʼ tááʼ da shízhiʼ yee ahíikaigo, tʼááłáʼí da yindahaʼáago, áko shooh, ákweʼé bitah honishłǫ́ǫ doo—éígi átʼáo Shí nihitah honíshłǫ́ǫ́ doo.

33 Yáʼátʼéehgo éʼéłʼį́įgo tʼáadoo bínáníldzidí, shiyeʼké, háálá haʼátʼííshį́į́ kʼidooláago, tʼáá éí ałdóʼ áłah ádoolííł; éí bąą, yáʼátʼéehii kʼidoołáago yáʼátʼéehii nihaa hidoolyééł.

34 Éí bąą, tʼáadoo nídaałdzidí, ałchʼį́į́dígo dahwohkahii, yáʼátʼéehgo ádaʼoołʼį́; bineʼdii nahasdzáán dóó chʼį́įdiitah nihikʼijįʼ ahííkááh, háálá shitsé éí bikááʼgi daʼsoohtłʼingo, éí doo nihikʼeh dadidoodleeł da.

35 Áko shooh, Shí doo nánahodeeshʼááł da; nílááh yínááł dóó tʼáadoo bąąhági ánáánítʼíní; díí naanish ádíílííł nidííniidyę́ę hazhóʼí ádíílííł.

36 Tʼáá áłahjįʼ baa nisóhkeesígíí bee shaʼíínóhłį́; tʼáadoo nihił naakí nilíní, tʼáadoo naołdzidí.

37 Shooshkʼiizhgóneʼ baa oolgeedgo atílyaayę́ę, dóó ałdóʼ shílátsíín dóó shikeeʼgóneʼ bił adaʼaskaalyę́ę nóhłʼį́; baa áhółʼchįįh, shibee hazʼáanii bikʼeh honołʼį́, áádóó yáʼąąshdi aláahgo bee óhólníihgo bił hazʼáani nihaa doolyééł. Amen.