Tasal 80
K’utb’esinb’il na’leb’ k’eeb’il rik’in xtz’uumal re laj Jose Smith li Profeet choq’ re laj Stephen Burnett, sa’ Hiram, Ohio, 7 Marzo 1832.
1–5, Laj Stephen Burnett ut laj Eden Smith b’oqb’ileb’ chi jultikank aatin sa’ yalaq b’ar chi na’ajej te’raj.
1 Chi yaal, jo’ka’in naxye li Qaawa’ aawe, at inmoos Stephen Burnett: Ayu, ayu sa’ li ruchich’och’ ut jultika li evangelio chiru li junjunq chi yo’ob’tesihom li nachal b’ar na’ab’iman wi’ xyaab’ aakux.
2 Ut a’ yaal jo’ nakawaj jun aawochb’een, tink’e aawe inmoos aj Eden Smith.
3 Jo’kan ut, ayuqex ut jultikahomaq lin evangelio, ma sa’ xnim li saq’e malaj sa’ xtz’e, ma sa’ releb’aal li saq’e malaj sa’ rokeb’aal, maak’a’ na’ajman wi’, xb’aan naq ink’a’ naru nekexsach.
4 Jo’kan ut, ch’olob’omaq li k’a’aq re ru li eerab’ihom, ut nekepaab’ chi yaal, ut nekenaw naq yaal.
5 K’ehomaq reetal, a’in rajom xch’ool a’an li kib’oqok eere, laj Tojol eerix, a’an ajwi’ li Jesukristo. Amen.