۱ درحقیقت، خُداوند تُم سے اپاکرفا کے بارے میں یُوں فرماتا ہے—اُس میں بُہت سی باتیں شامِل ہیں جو سچّی ہیں، اور اُس کا زیادہ تر ترجمہ دُرست کِیا گیا ہے؛

۲ اِس میں بُہت سی باتیں شامِل ہیں جو سچّی نہیں ہیں، جو آدمیوں کے ہاتھوں ڈالی گئی تحریفیں ہیں۔

۳ درحقیقت، مَیں تُم سے کہتا ہُوں، کہ یہ ضروری نہیں ہے کہ اپاکرفا کا ترجمہ کِیا جائے۔

۴ پَس جو کوئی اُسے پڑھتا ہے، وہ سمجھے، کیوں کہ رُوح سچّائی ظاہر کرتا ہے؛

۵ اور جو کوئی رُوح سے مُنوّر کِیا گیا ہے اُس سے فائدہ حاصل کرے گا؛

۶ اور جو کوئی رُوح سے قَبُول نہیں کرتا، فائدہ حاصل نہیں کر سکتا۔ پَس اِس کی ضرورت نہیں کہ اُس کا ترجمہ کِیا جائے۔ آمین۔