Vahe 92
Ko e fakahā naʻe fai mai kia Siosefa Sāmita ko e Palōfitá, ʻi Ketilani, ʻi ʻOhaiō, ʻi he ʻaho 15 Māʻasi 1833. ʻOku fakahinohinoʻi ʻe he fakahaá ʻa Feletiliki G. Uiliamisi, ʻa ia naʻe toki fili ko ha tokoni kia Siosefa Sāmita, ʻi hono ngaahi fatongia ʻi he Kautaha Uouangatahá (vakai ki he ʻuluʻi fakamatala ki he vahe 78 mo e 82).
1–2, ʻOku fai mai ʻe he ʻEikí ha fekau ʻo kau ki hono fakakau ha taha ki he kautaha uouongatahá.
1 Ko e moʻoni, ʻoku folofola peheni ʻe he ʻEikí, ʻoku ou foaki ki he kautaha uouongatahá ʻa ia kuo fokotuʻu ʻo hoa mo e fekau naʻe muʻaki fai atú, ʻa e fakahā mo e fekau ʻo kau ki heʻeku tamaioʻeiki ko Feletiliki G. Uiliamisí, koeʻuhí ke mou tali ia ki he kautahá. Ko e meʻa ʻoku ou lea ʻaki ki he toko tahá ʻoku ou lea ʻaki ia ki he kakai kotoa pē.
2 Pea ko e tahá, ʻoku ou pehē kiate koe, ʻa ʻeku tamaioʻeiki ko Feletiliki G. Uiliamisí, ke ke hoko ko e tokotaha faʻa ngāue ʻi he kautahá ni; pea kapau te ke faivelenga ʻi he tauhi ʻa e ngaahi muʻaki fekau kotoa pē, te ke monūʻia ʻo taʻengata. ʻĒmeni.