ສອນ, ຜູ້ສອນ, ຄູສອນ

ເພື່ອໃຫ້ຄວາມຮູ້ແກ່ຄົນອື່ນ, ໂດຍສະເພາະກ່ຽວກັບຄວາມຈິງຂອງພຣະກິດຕິຄຸນ, ແລະ ນຳພາເຂົາໄປສູ່ຄວາມຊອບທຳ. ຜູ້ຄົນທີ່ສອນພຣະກິດຕິຄຸນ ຄວນໄດ້ຮັບການຊີ້ນຳໂດຍພຣະວິນຍານ. ພໍ່ແມ່ທຸກຄົນເປັນຜູ້ສອນ ພາຍໃນຄອບຄົວຂອງຕົນ. ໄພ່ພົນຂອງພຣະເຈົ້າຄວນສະແຫວງຫາ ແລະ ເຕັມໃຈທີ່ຈະຮັບເອົາ ຄຳແນະນຳຈາກພຣະຜູ້ເປັນເຈົ້າ ແລະ ຜູ້ນຳຂອງພຣະອົງ.

ຈົ່ງສອນມັນໃຫ້ແກ່ພວກລູກຫລານຂອງພວກເຈົ້າ, ພບຍ 4:8–9.
ຈົ່ງສິດສອນລູກຫລານຂອງພວກເຈົ້າໃຫ້ຮຽນຮູ້ເອົາ, ພບຍ 6:7 (ພບຍ 11:18–19).
ຈົ່ງສັ່ງສອນລູກໃຫ້ຮູ້ທາງດຳເນີນຊີວິດ, ສພສ 22:6.
ລູກໆຂອງພວກເຈົ້າຈະໄດ້ຖືກສິດສອນເລື່ອງພຣະຜູ້ເປັນເຈົ້າ, ອຊຢ 54:13 (3 ນຟ 22:13).

ຂ້າພະເຈົ້າໄດ້ຮັບການສິດສອນມາແດ່ແລ້ວ ໃນສິ່ງທີ່ຮຽນຮູ້ທັງໝົດຂອງບິດາຂອງຂ້າພະເຈົ້າ, 1 ນຟ 1:1 (ອນ 1:1).
ປະໂລຫິດ ແລະ ຜູ້ສອນ ຕ້ອງສອນຢ່າງພາກພຽນ ຖ້າບໍ່ດັ່ງນັ້ນ ຕ້ອງຮັບຜິດຊອບຮັບເອົາບາບຂອງຜູ້ຄົນໄວ້ເທິງຫົວຂອງພວກເຂົາເອງ, ຢຄ 1:18–19.
ຈົ່ງເຊື່ອຟັງຂ້າພະເຈົ້າ, ແລະ ເປີດຫູຂອງພວກທ່ານ, ມຊຢ 2:9.
ພວກທ່ານຈະສອນລູກໆຂອງພວກທ່ານໃຫ້ຮັກກັນ ແລະ ຮັບໃຊ້ຊຶ່ງກັນແລະກັນ, ມຊຢ 4:15.
ບໍ່ໃຫ້ໄວ້ວາງໃຈຜູ້ສັ່ງສອນຜູ້ໃດ ຖ້າຫາກເຂົາບໍ່ໄດ້ເປັນຂອງພຣະເຈົ້າ, ມຊຢ 23:14.
ພຣະຜູ້ເປັນເຈົ້າໄດ້ຖອກເທພຣະວິນຍານຂອງພຣະອົງລົງມາທົ່ວແຜ່ນດິນ ເພື່ອຕຽມໃຈຂອງພວກເຂົາ ເພື່ອຮັບພຣະຄຳ, ແອວ 16:16.
ເຂົາເຈົ້າກໍສິດສອນດ້ວຍອຳນາດ ແລະ ສິດອຳນາດຂອງພຣະເຈົ້າ, ແອວ 17:2–3.
ພວກເຂົາໄດ້ຮັບການສິດສອນຈາກແມ່ຂອງພວກເຂົາ, ແອວ 56:47 (ແອວ 57:21).

ຕາບໃດທີ່ເຂົາຍັງສະແຫວງຫາປັນຍາ ເຂົາຈະໄດ້ຮັບຄຳແນະນຳ, ຄພ 1:26.
ຈົ່ງສອນກັນແລະກັນຕາມໜ້າທີ່ຊຶ່ງເຮົາໄດ້ແຕ່ງຕັ້ງພວກເຈົ້າ, ຄພ 38:23.
ສອນຫລັກທຳພຣະກິດຕິຄຸນຂອງເຮົາ, ຊຶ່ງມີຢູ່ໃນພຣະຄຣິສຕະທຳຄຳພີ ແລະ ພຣະຄຳພີມໍມອນ, ຄພ 42:12.
ເຈົ້າຈະໄດ້ຮັບການສິດສອນຈາກເບື້ອງບົນ, ຄພ 43:15–16.
ພໍ່ແມ່ຕ້ອງສອນລູກໆຂອງພວກເຂົາ, ຄພ 68:25–28.
ຈົ່ງສອນຄຳສອນຂອງອານາຈັກໃຫ້ກັນແລະກັນ, ຄພ 88:77–78, 118.
ຈົ່ງກຳນົດໃຫ້ມີຜູ້ສອນໃນບັນດາພວກເຈົ້າ, ຄພ 88:122.
ເຈົ້າບໍ່ໄດ້ສອນຄວາມສະຫວ່າງ ແລະ ຄວາມຈິງໃຫ້ແກ່ລູກໆຂອງເຈົ້າ, ແລະ ນີ້ຄືສາເຫດຂອງຄວາມທຸກທໍລະມານຂອງເຈົ້າ, ຄພ 93:39–42.

ການສອນດ້ວຍພຣະວິນຍານ

ຖ້ອຍຄຳທີ່ພວກເຈົ້າຈະເວົ້ານັ້ນ ຈະບໍ່ມາຈາກພວກເຈົ້າເອງ, ແຕ່ແມ່ນພຣະວິນຍານທີ່ຈະກ່າວໃນພວກເຈົ້າ, ມທ 10:19–20.
ເມື່ອພຣະອົງອະທິບາຍພຣະຄຳພີໃຫ້ພວກເຮົາຟັງ ໃຈຂອງພວກເຮົາກໍຮ້ອນຮົນເໝືອນໄຟພາຍໃນພວກເຮົາບໍ່ແມ່ນຫລື, ລກ 24:32.
ພຣະກິດຕິຄຸນໄດ້ຖືກສັ່ງສອນໂດຍອຳນາດຂອງພຣະວິນຍານ, 1 ກຣທ 2:1–14.

ເຈົ້າຈະມີວິນຍານຂອງເຮົາ ໃນການໃຫ້ມະນຸດຍອມຮັບ, ຄພ 11:21.
ເຈົ້າຈະຖືກໄດ້ຍິນໃນທຸກສິ່ງ ທີ່ເຈົ້າສອນໂດຍພຣະຜູ້ປອບໂຍນ, ຄພ 28:1 (ຄພ 52:9).
ຖ້າຫາກພວກເຈົ້າບໍ່ໄດ້ຮັບພຣະວິນຍານ ພວກເຈົ້າຈະບໍ່ສອນ, ຄພ 42:14 (ຄພ 42:6).
ສອນລູກຫລານມະນຸດໂດຍອຳນາດຂອງວິນຍານຂອງເຮົາ, ຄພ 43:15.
ແອວເດີຕ້ອງສັ່ງສອນພຣະກິດຕິຄຸນໂດຍພຣະວິນຍານ, ຄພ 50:13–22.
ມັນຈະຖືກມອບໃຫ້ແກ່ພວກເຈົ້າໃນຊົ່ວໂມງນັ້ນເອງ ວ່າພວກເຈົ້າຈະກ່າວຫຍັງ, ຄພ 84:85 (ຄພ 100:5–8).