5. ມີເຊີຣີ, ອິລິນອຍ, ແລະ ເຂດໄອໂອວາ ຂອງສະຫະລັດອາເມຣິກາ

ອິນດີເພັນເດັນສ໌ ເປັນສູນກາງໃຫຍ່ຂອງຊີໂອນ (ເບິ່ງ ຄພ 57:3). ສະຖານທີ່ສ້າງພຣະວິຫານໄດ້ຖືກອຸທິດໃນວັນທີ 3 ເດືອນສິງຫາ, 1831. ໄພ່ພົນຂອງພຣະເຈົ້າໄດ້ຖືກຂັບໄລ່ອອກຈາກເຂດແຈ໊ກສັນ ໃນປີ 1833.
ແມ່ນ້ຳຟິດຊິງ ໂຈເຊັບ ສະມິດ ແລະ ຄ້າຍຊີໂອນ ໄດ້ເດີນທາງຈາກເມືອງເຄີດແລນ, ລັດໂອໄຮໂອ, ໄປຫາລັດມີເຊີຣີ ໃນປີ 1834 ເພື່ອຊ່ວຍໄພ່ພົນຍຸກສຸດທ້າຍກັບໄປອາໄສຢູ່ໃນທີ່ດິນຂອງຕົນ ຢູ່ໃນເຂດແຈ໊ກສັນ. ຄພ 105 ໄດ້ຖືກເປີດເຜີຍຢູ່ແຄມແມ່ນ້ຳສາຍນີ້.
ຟາແວັດ ເມືອງນີ້ ແມ່ນບ່ອນຕັ້ງຖິ່ນຖານແຫ່ງໃຫຍ່ສຸດຂອງຊາວມໍມອນ ໃນລັດມີເຊີຣີ. ສະຖານທີ່ ສຳລັບການສ້າງພຣະວິຫານ ໄດ້ຖືກອຸທິດ ຢູ່ເມືອງນີ້ (ເບິ່ງ ຄພ 115). ຢູ່ເມືອງນີ້ ໃນວັນທີ 8 ເດືອນກໍລະກົດ, 1838, ກຸ່ມອັກຄະສາວົກສິບສອງ ໄດ້ຮັບການເອີ້ນຈາກພຣະຜູ້ເປັນເຈົ້າ ໃຫ້ໄປຮັບໃຊ້ເຜີຍແຜ່ຢູ່ໃນໝູ່ເກາະເຂດອັງກິດ (ເບິ່ງ ຄພ 118).
ອາດາມ-ອອນໄດ-ອາມັນ ພຣະຜູ້ເປັນເຈົ້າໄດ້ບອກສະຖານທີ່ແຫ່ງນີ້ ທີ່ຕັ້ງຢູ່ທາງເໜືອຂອງລັດມີເຊີຣີ ວ່າເປັນບ່ອນເຕົ້າໂຮມແຫ່ງໃຫຍ່ ເມື່ອພຣະເຢຊູຄຣິດສະເດັດມາຫາອາດາມ ແລະ ເຊື້ອສາຍທີ່ຊອບທຳຂອງເພິ່ນ (ເບິ່ງ ຄພ 78:15; 107:53–57; 116).
ຄຸກລີເບີຕີ ໂຈເຊັບ ສະມິດ ແລະ ຄົນອື່ນໆ ໄດ້ຖືກຄຸມຂັງຢ່າງບໍ່ຍຸດຕິທຳຢູ່ຄຸກນີ້ ຈາກເດືອນທັນວາ ປີ 1838 ເຖິງເດືອນເມສາ ປີ 1839. ໃນທ່າມກາງເວລາທີ່ຫຍຸ້ງຍາກທີ່ສຸດສຳລັບສາດສະໜາຈັກ, ໂຈເຊັບໄດ້ເອີ້ນຫາພຣະຜູ້ເປັນເຈົ້າ ເພື່ອຂໍການຊົງນຳ ແລະ ກໍໄດ້ຮັບ ຄພ 121–123.
ນາວູ ຕັ້ງຢູ່ໃກ້ແມ່ນ້ຳມິດຊີຊິບປີ, ເຂດນີ້ ເປັນສະຖານທີ່ເຕົ້າໂຮມໄພ່ພົນຂອງພຣະເຈົ້າ ຈາກປີ 1839 ເຖິງປີ 1846. ຢູ່ບ່ອນນີ້ ພຣະວິຫານໄດ້ຖືກສ້າງຂຶ້ນ, ແລະ ພິທີການດັ່ງເຊັ່ນ ການບັບຕິສະມາແທນຄົນຕາຍ, ການຮັບຂອງປະທານສັກສິດ, ແລະ ການຜະນຶກສາມີພັນລະຍາເຂົ້າກັນ ໄດ້ເລີ່ມຕົ້ນ. ຢູ່ບ່ອນນີ້ ສະມາຄົມສະຕີສົງເຄາະ ໄດ້ຖືກຈັດຕັ້ງຂຶ້ນ ໃນປີ 1842. ການເປີດເຜີຍທີ່ໄດ້ຮັບ ແມ່ນຮ່ວມດ້ວຍ ຄພ 124–129.
ຄາດເທດ ຢູ່ບ່ອນນີ້ ສາດສະດາໂຈເຊັບ ສະມິດ ແລະ ໄຮຣຳ ອ້າຍຂອງເພິ່ນ ໄດ້ຖືກຂ້າຍ້ອນຄວາມເຊື່ອ ໃນວັນທີ 27 ເດືອນມິຖຸນາ, 1844 (ເບິ່ງ ຄພ 135).
ວິນເຕີຄວດເຕີສ໌ ສະຖານທີ່ພັກເຊົາຊົ່ວຄາວແຫ່ງໃຫຍ່ທີ່ສຸດສຳລັບໄພ່ພົນຂອງພຣະເຈົ້າ (1846–1848) ໃນເສັ້ນທາງໄປສູ່ຮ່ອມພູເຊົາເລັກ. ຄ້າຍອິດສະຣາເອນໄດ້ຖືກຈັດຕັ້ງຂຶ້ນ ສຳລັບການເດີນທາງໄປຫາພາກຕາເວັນຕົກ (ເບິ່ງ ຄພ 136).
ຄັນໂຊ ບລັບສ໌ (ເຄນສະວຽວ) ຝ່າຍປະທານສູງສຸດ ໄດ້ຮັບການສະໜັບສະໜູນຢູ່ບ່ອນນີ້ ໃນວັນທີ 27 ເດືອນທັນວາ, 1847, ໂດຍມີ ບຣິກຳ ຢັງ ເປັນປະທານ.