17. Egzòd al nan Lwès la

Kòmansman degèpisman Nauvoo, Illinois a te planifye pou mwa Mas–Avril, men, poutèt menas popilas la, Prezidan Brigham Young te dirije egzòd Sen yo pou travèse Rivyè Mississippi a kòmanse nan dat 4 Fevriye 1846. Prezidan Young te rete dèyè pou administre dotasyon Sen yo epi l pa t kite Nauvoo jouk nan mitan Fevriye.

Evènman Siyifikatif yo: Anvan lamò l, Pwofèt Joseph Smith te pwofetize, “Kèk nan pami nou pral pati pou ale asiste nan travay tablisman ak konstwi vil epi pou wè Sen yo vin tounen yon gran pèp nan mitan Mòn an Wòch yo.” Prèske 12.000 Sen te pati kite Nauvoo soti Fevriye rive nan Septanm 1846. Apre Sen yo te kite Winter Quarters ak lòt lokalite, yo te òganize pou tounen konpayi diz moun, senkant moun, ak san moun, sou zòd kaptèn yon konpayi (D&A 136:3). An Septanm 1846, yon popilas ki te gen anviwon 800 gason ame avèk kanno te anvayi Nauvoo. Apre plizyè jou batay, rès Sen yo te oblije rann tèt yo pou yo te kapab sove epi pou yo te gen chans travèse rivyè a epi pou yo te rete sou rivaj rivyè a. Prezidan Brigham Young te voye ekip sekouris avèk ekipman pou kondi “Sen pòv” sa yo.