18. ພຣະວິຫານເຊົາເລັກ
ພຣະວິຫານເຊົາເລັກ, ເບິ່ງຈາກທາງຕາເວັນອອກສ່ຽງເໜືອ. ສອງສາມມື້ຫລັງຈາກກຸ່ມບຸກເບີກໄພ່ພົນຍຸກສຸດທ້າຍ ໄດ້ເຂົ້າມາສູ່ຮ່ອມພູເຊົາເລັກ, ປະທານບຣິກຳ ຢັງ ໄດ້ວາງໄມ້ຄ້ອນເທົ້າຂອງເພິ່ນ ລົງໃສ່ທີ່ດິນ ຕອນໜຶ່ງ ແລະ ໄດ້ປະກາດວ່າ, “ພວກເຮົາຈະສ້າງພຣະວິຫານຂອງພຣະເຈົ້າຢູ່ບ່ອນນີ້.” ພິທີຂຸດດິນ ໄດ້ຖືກຈັດຂຶ້ນໃນວັນທີ 14 ເດືອນກຸມພາ, 1853. ໃນວັນທີ 6 ເດືອນເມສາ, 1853, ຫີນເສົາເອກໄດ້ຖືກວາງລົງ. ພຣະວິຫານໄດ້ສຳເລັດ ແລະ ໄດ້ຮັບການອຸທິດ 40 ປີ ຕໍ່ມາ ໃນວັນທີ 6 ເດືອນເມສາ, 1893. ຝ່າຍປະທານສູງສຸດ ແລະ ກຸ່ມອັກຄະສາວົກສິບສອງ ໄດ້ມາຊຸມນຸມກັນຢູ່ໃນພຣະວິຫານນີ້ທຸກອາທິດ ເພື່ອພິຈາລະນາ ແລະ ສະແຫວງຫາການຊີ້ນຳຈາກພຣະຜູ້ເປັນເຈົ້າ ໃນການບໍລິຫານງານ ແລະ ໃນການສ້າງສາອານາຈັກຂອງພຣະເຈົ້າ.
ເຫດການທີ່ສຳຄັນ: ພຣະຜູ້ເປັນເຈົ້າໄດ້ມອບວິນຍານແຫ່ງການເປີດເຜີຍຢ່າງຫລວງຫລາຍໃຫ້ແກ່ປະທານ ແລະ ເຈົ້າໜ້າທີ່ຊັ້ນຜູ້ໃຫຍ່ຄົນອື່ນໆຢູ່ໃນນີ້, ລວມທັງຂໍ້ປະກາດຢ່າງເປັນທາງການ 2. ເມື່ອບໍ່ດົນມານີ້, ຝ່າຍປະທານສູງສຸດ ແລະ ສະພາອັກຄະສາວົກສິບສອງ ໄດ້ອະນຸມັດຢ່າງເປັນເອກະສັນ ແລະ ໄດ້ຈັດພິມໃບ “ຄອບຄົວ: ການປະກາດຕໍ່ໂລກ.” ພິທີການຂອງພຣະວິຫານທີ່ໄດ້ຖືກປະຕິບັດສຳລັບທັງຄົນເປັນ ແລະ ຄົນຕາຍ ໄດ້ເປັນພອນໃຫ້ແກ່ຫລາຍລ້ານຄົນ.