2. ພູຄູໂມຣາ ແລະ ເຂດພາໄມຣາ-ແມນເຈດສະເຕີ
ໂດຍທີ່ເບິ່ງເປັນທາງເໜືອ, ຮູບພາບແຜ່ນນີ້ ສະແດງໃຫ້ພູຄູໂມຣາ ໃນເມືອງແມນເຈດສະເຕີ, ລັດນິວຢອກ. ໃນຮູບພາບນີ້ ຄ້ອຍພູປະກົດຢູ່ແຈທາງລຸ່ມເບື້ອງຂວາມື ແລະ ຢາຍຂຶ້ນໄປທາງເທິງ ຈົນເຖິງເຄິ່ງທາງ. ຫລັກອະນຸສອນສີຂາວທີ່ເຫັນໄດ້ ຕັ້ງຢູ່ທາງເໜືອຂອງຄ້ອຍພູ ເພື່ອເປັນກຽດໃຫ້ແກ່ທູດໂມໂຣໄນ ແລະ ການອອກມາຂອງພຣະຄຳພີມໍມອນ. ພູຄູໂມຣາຕັ້ງຢູ່ປະມານ 5 ກິໂລແມັດ ໃຕ້ຈາກປ່າສັກສິດ. ໃກ້ສົ້ນເທິງຂອງຮູບ ແມ່ນໝູ່ບ້ານພາໄມຣາ, ໄກ 6½ ກິໂລແມັດ. ບ້ານສວນຂອງຄອບຄົວສະມິດ ແລະ ປ່າສັກສິດ ແມ່ນຢູ່ສົ້ນເທິງເບື້ອງຊ້າຍຂອງຮູບພາບ.
ເຫດການທີ່ສຳຄັນ: ຄອບຄົວຂອງສາດສະດາໂຈເຊັບ ສະມິດ ໄດ້ອາໄສຢູ່ໃນເຂດນີ້ ໃນໄລຍະທີ່ໄດ້ເຫັນພາບທີ່ມາໃຫ້ເຫັນຄັ້ງທຳອິດ (ຈສ—ປ 1:3). ໃນ ຄ.ສ. 421, ໂມໂຣໄນໄດ້ຝັງແຜ່ນຈາລຶກຄຳໄວ້ໃນພູຄູໂມຣາ ຊຶ່ງບັນຈຸປະຫວັດສາດທີ່ສັກສິດຂອງຜູ້ຄົນຂອງເພິ່ນ (ຄມ 1:1–11; ມມ 6:6; ມຣນ 10:1–2). ໂມໂຣໄນຄົນດຽວກັນນີ້ ໄດ້ບອກໂຈເຊັບ ສະມິດ ບ່ອນທີ່ຈະພົບເຫັນແຜ່ນຈາລຶກ ຢູ່ໃນພູ. ໂມໂຣໄນໄດ້ມອບແຜ່ນຈາລຶກໃຫ້ເພິ່ນ ໃນປີ 1827 (ຄພ 27:5; 128:20; ຈສ—ປ 1:33–35, 51–54, 59).