9. ພຣະວິຫານເຄີດແລນ
ພຣະວິຫານເຄີດແລນ ແມ່ນຕັ້ງຢູ່ໃນເມືອງເຄີດແລນ, ລັດໂອໄຮໂອ.
ເຫດການທີ່ສຳຄັນ: ພຣະວິຫານເຄີດແລນ ເປັນພຣະວິຫານແຫ່ງທຳອິດ ໃນຍຸກສະໄໝນີ້ (ຄພ 88:119; 95). ໃນພຣະວິຫານແຫ່ງນີ້, ໂຈເຊັບ ສະມິດ ໄດ້ເຫັນພາບນິມິດກ່ຽວກັບອານາຈັກຊັ້ນສູງ (ຄພ 137). ມັນໄດ້ຖືກອຸທິດ ໃນວັນທີ 27 ເດືອນມີນາ, 1836 (ຄພ 109). ໃນວັນທີ 3 ເດືອນເມສາ, 1836, ພຣະຜູ້ຊ່ວຍໃຫ້ລອດໄດ້ມາປະກົດຕົວ ແລະ ໄດ້ຮັບເອົາພຣະວິຫານເປັນສະຖານທີ່ ທີ່ພຣະອົງຈະເປີດເຜີຍພຣະຄຳຂອງພຣະອົງ ແກ່ຜູ້ຄົນຂອງພຣະອົງ (ຄພ 110:1–10). ຫລັງຈາກການປະກົດຕົວນີ້, ໂມເຊ, ອີລາຍ, ແລະ ເອລີຢາ ໄດ້ມາຢ້ຽມຢາມໂຈເຊັບ ສະມິດ ແລະ ອໍລີເວີ ຄາວເດີຣີ, ຊຶ່ງເພິ່ນທຸກຄົນກໍໄດ້ມອບຂໍກະແຈໃດໜຶ່ງໂດຍສະເພາະ ແລະ ຂໍ້ມູນທີ່ສຳຄັນໃຫ້ (ຄພ 110:11–16). ພຣະວິຫານແຫ່ງນີ້ ໄດ້ຮັບໃຊ້ໄພ່ພົນຂອງພຣະເຈົ້າເປັນເວລາສອງປີ ກ່ອນເຂົາເຈົ້າໄດ້ໜີໄປຈາກເມືອງເຄີດແລນ ເນື່ອງດ້ວຍການຂົ່ມເຫັງ.