1 Ia oqo ena vuku ni veika ko volavola mai kina ki vei au, ka vakaoqo, E vinaka vua na tamata me kakua ni tara e dua na marama.

2 Ia, au sa kaya, me da lako tani mai na veidauci, me dui tu na watidra na tagane kecega, ka me dui tu na watidra na marama kecega.

5 Mo dou kakua sara ni veibiu, vakavo kevaka dou sa veivakadonui kina me baleta e dua na gauna, mo dou soli kemudou kina ki na lolo kei na masumasu, ka mo dou qai tiko vata tale, me kakua kina ni temaki kemudou ko Setani ena nomudou sega ni dau qarauna rawa na gagadre ni lomamudou.

26 Au nanuma kina ni vinaka oqo ena vuku ni veika dredre oqo, me tu ga na tamata me vakayacora vakalevu kina na veika vinaka.

29 Ia au vosa tiko vei kemuni ko ni sa kacivi ki na veiqaravi. Ni’u sa kaya na veika oqo, kemuni na wekaqu, na gauna sa vo sa lailai wale, mo dou na qai talai yani me veiqaravi. Io koi kemudou talega sa vakawati, ena vaka ni dou se bera; ni dou sa kacivi ka digitaki mo dou cakava na cakacaka ni Turaga.

30 Ka na vakakina vei ira era sa tagi, me vaka ga ni ra sega ni tagi; kei ira era sa reki, me vaka ga ni ra sega ni reki, kei ira era volia, ka vaka ga ni ra sega ni taukena;

31 Kei ira era vakayagataka na veika ni vuravura oqo, ka vaka ni ra sega ni vakayagataka tiko; ni sa takali yani na ivalavala ni vuravura oqo.

32 Ia au gadreva, kemuni na wekaqu, mo ni vakalevulevuya na veika ko ni sa kacivi kina. Au gadreva mo ni kakua ni leqataka. Ni ko koya sa sega ni vakawati, sa dau kauwaitaka na veika sa nona na Turaga, na sala me vakamarautaka kina na Turaga; o koya sa qaqa kina ko koya.

33 Ia ko koya sa vakawati, sa dau kauwaitaka na veika ni vuravura, na sala me vakamarautaka kina na watina; o koya sa koto kina na duidui, ni sa wase rua ko koya.

38 O koya ni sa vakawati e dua sa caka vinaka; ia ko koya sa sega ni vakawati sa caka vinaka cake.