1 Anajwan chirix li k’a’aq re ru ketz’iib’a wi’ wik’in, naq keye, Us choq’ re li winq naq ink’a’ taach’e’oq ixq.

2 A’b’anan, laa’in ninye, re naq ink’a’ taa’uxq ko’b’eetak yumb’eetak, li junjunq chi winq chiwanq rixaqil ut li junjunq chi ixq chiwanq xb’eelom.

5 Mex’el chaq li jun rik’in li jun, ka’ajwi’ chi k’uub’anb’il sa’ wiib’al chiru jun k’amok, re teek’e eerib’ chi kuyuk sa’ ut chi tijok; ut teelaq’ab’ wi’chik eerib’, re naq ink’a’ texraale laj Satanas xb’aan xch’a’ajkil xkuyb’al eerib’.

26 Nink’oxla ut naq chaab’il a’in choq’ re li ch’a’ajkilal yoo chi uxmank anajwan, naq taakanaaq li winq chi jo’kan re naq nimaq wi’chik li chaab’ilal taaruuq chixb’aanunkil.

29 A’ut nin’aatinak eere laa’ex li b’oqb’ilex sa’ li k’anjel. Xb’aan naq a’in ninye, ex was wiitz’in, moko najt ta chik li kutan nakana, naq laa’ex taqlanb’ilaqex sa’ li k’anjel. Eb’ ajwi’ li wankeb’ rixaqil te’wanq jo’ maak’a’ raj; xb’aan naq laa’ex b’oqb’ilex ut sik’b’il eeru re xb’aanunkil lix k’anjel li Qaawa’.

30 Ut taawanq rik’ineb’ li neke’yaab’ak, jo’ raj ink’a’ ke’yaab’ak; ut eb’ li neke’saho’ xch’ool, jo’ raj ink’a’ ke’saho’ xch’ool, ut eb’ li neke’loq’ok, jo’ raj maak’a’ eechaninb’il xb’aaneb’;

31 Ut eb’ li neke’oksink re li ruchich’och’ a’in, jo’ raj ink’a’ ke’roksi; xb’aan naq li nak’utun wi’ li ruchich’och’ a’in taanume’q.

32 A’b’an nawaj raj, ex was wiitz’in, naq teenimob’resi ru lee b’oqb’al. Nawaj raj naq maak’a’aq k’a’ru taaxik wi’ eech’ool. Xb’aan naq li ani moko sumsu ta, naxik xch’ool chirix li k’a’aq re ru re li Qaawa’, chan ru naq taawulaq chiru li Qaawa’; jo’kan naq a’an naq’axok-u.

33 A’ut li ani sumsu, naxik xch’ool chirix li k’a’aq re ru re li ruchich’och’, chan ru naq taawulaq chiru li rixaqil; jo’kan naq jalan wi’ wan, xb’aan naq ramb’il a’an.

38 Jo’kan naq li ani naxk’e rib’ sa’ li sumlaak us naxb’aanu; a’b’an li ani ink’a’ naxk’e rib’ sa’ li sumlaak jwal us wi’chik naxb’aanu.