FIS, Ioane 4:1–4 (faatusatusa i le Ioane 4:1–2)
(Na faia e Iesu papatisoga.)
1 O lea ina ua faalogo le au faresaio ua faia ma papatisoina e Iesu soo e toatele atu i lo Ioane,
2 Na latou saili atili ai ma le filigā ni ala ina ia latou fasioti ai ia te ia; aua e toatele na talia Ioane o se perofeta, ae sa latou lē talitonu ia Iesu.
3 O lenei na silafia e le Alii lenei mea, e ui i na sa lei toatele ma papatisoina e ia lava e faapei o ona soo;
4 Aua na ia faatagaina i latou e avea o se faataitaiga o le faaaloalo o le tasi i le tasi.
FIS, Ioane 4:26 (faatusatusa i le Ioane 4:24)
(Ua folafola mai e le Atua lona Agaga i e talitonu faamaoni.)
26 Aua ua folafolaina atu e le Atua lona Agaga i e faapena. Ma o i latou o e tapuai atu ia te ia, e ao ona tapuai atu i le agaga ma le upumoni.