¶ 1 KE mou muimui kiate au, o hage foki ko eku  muimui ia Kalaisi.

2 Bea koeni, oku ou fakamalo kiate kimoutolu, e kaiga, i hoo mou manatu‘i au i he mea kotoabe, o fai ae gaahi fekau, o hage ko eku atu ia kiate kimoutolu.

3 Ka ko hoku loto ke mou ilo, koe ulu oe tagata kotoabe a Kalaisi; bea koe ulu oe fefine ae tagata; bea koe ulu o Kalaisi ae Otua.

4 Koe tagata kotoabe oku fai lotu be kikite, kuo bulou hono ulu, oku fai taetāu ia mo hono ulu.

5 Ka koe fefine kotoabe oku lotu be kikite, oku taebulou hono ulu, oku ne fai taetāu mo hono ulu: he oku tatau ia mo ene tekefua.

6 He kabau oku ikai bulou ae fefine, bea tekefua ia: bea kabau koe mea fakama ki he fefine ke kojikoji be tekefua, bea bulou ia.

7 He koe mooni oku ikai gali moe tagata ke bulou hono ulu, he ko hono tatau ia moe nāunāu oe Otua: ka koe nāunāu oe tagata ae fefine.

8 He oku ikai mei he fefine ae tagata; ka koe fefine mei he tagata.

9 Bea nae ikai fakatubu ae tagata ma ae fefine; ka koe fefine ma ae tagata.

10 Koia oku totonu ai ke ai e he fefine ae bulou i hono ulu, koeuhi koe kau agelo.

11 Ka koeni, oku ikai ai ae tagata kae i he fefine, bea oku ikai ai ae fefine kae i he tagata, i he Eiki.

12 Bea hage oku mei he tagata ae fefine, oku behe oku mei he fefine ae tagata; ka oku mei he Otua ae gaahi mea kotoabe.

13 Mou fifili iate kimoutolu: oku matamata lelei ke lotu ae fefine ki he Otua taebulou?

14 Ikai oku valoki loto akimoutolu, kabau oku louulu ae tagata, koe mea fakama ia kiate ia?

15 Bea kabau oku louulu ae fefine, koe teuga ia kiate ia; he kuo foaki kiate ia ae louulu koe bulou.

16 Bea kabau oku fie fakakikihi ai ha taha, bea oku ikai jii haa tau mea behe, be i he gaahi jiaji oe Otua.

17 Ka i he mea ko eni oku ou fakaha atu, oku ikai teu fakamalo ai  akimoutolu, koeuhi oku mou fakataha kae ikai ke ajili ai ae lelei, ka koe kovi.

18 He koe uluaki mea, oka mou ka fakataha koe jiaji, oku ou fanogo oku ai ae gaahi mavahevahe iate kimoutolu; bea oku ou meimei tui ki ai.

19 He kuo bau ke ai ae gaahi faahiga iate kimoutolu, koeuhi ke iloga ai akinautolu iate kimoutolu oku lelei.

20 Koia oka mou ka fakataha i he botu be taha, oku ikai koe kai ia oe oho mohe ae Eiki.

21 Koeuhi oka kai, oku taki taha tomua too mai ene kai aana: bea fiekaia ae toko taha, bea kona ae toko taha.

22 Koeha ia? he oku ikai ha mou gaahi fale ke kai mo inu ai? be ko hoo mou manuki ia ki he jiaji oe Otua, mo fakama akinautolu oku majiva? Teu behe atu kiate kimoutolu koeha? teu fakamalo i he mea ni? oku ikai teu fakamalo ai.

23 He kuou ma‘u mei he Eiki aia naaku atu foki kiate kimoutolu, koeuhi nae too ae ma e he Eiki ko Jisu i he bo koia nae lavaki‘i ai ia:

24 Bea hili ene atu ae fakafetai, ne ne bakibaki‘i ia, o ne behe, Too, o kai: ko hoku jino eni, aia kuo momo koeuhi ko kimoutolu: fai eni koe fakamanatu kiate au.

25 Bea behe foki  ene too ae ibu, hili ene kai ae oho mohe, o ne behe, Koe ibu eni oe fuakava foou i hoku toto: mou fai eni, koe fakamanatu kiate au, i hoo mou faa inu ia.

26 He oka mou ka kai ae ma ni, mo inu i he ibu ni, oku mou fakaha ai ae bekia ae Eiki kae oua ke ha‘u ia.

27 Bea ko ia ia e kai ae ma ni, mo inu i he ibu oe Eiki, mo taefakaabaaba, e halaia ai ia i he jino moe taataa oe Eiki.

28 Ka oku lelei ke ahiahi ia e he tagata, bea ke behe be ene kai i he ma, mo inu i he ibu.

29 He ko ia oku ne kai mo inu taefakaabaaba, oku ne kai mo inu ae malaia kiate ia, ko ene taeilo‘i ae jino oe Eiki.

30 Koia oku vaivai ai mo mahaki ae toko lahi iate kimoutolu, bea mohe ae toko lahi.

31 He ka ne tau fakamāu‘i akitautolu, behe, e ikai fakamāu kiate kitautolu.

32 Bea ka fakamāua akitautolu, ko ho tau tautea ia mei he Eiki, koeuhi ke oua naa tau malaia fakataha mo mamani.

33 Koia, ho hoku kaiga, oka mou ka fakataha ke kai, mou fetataliaki be kiate kimoutolu.

34 Bea kabau oku fiekaia ha taha, ke kai be eia i hono abi; koeuhi ke oua naa mou fakataha ki he malaia. Bea teu fakatonutonu hono toe o kau ka hoko atu.