¶ 1 IKAI koe abosetolo au? ikai oku ou ataatā? ikai kuou mamata kia Jisu Kalaisi ko ho tau Eiki? ikai ko eku gaue akimoutolu i he Eiki?

2 Kabau oku ikai koe abosetolo au ki he niihi, ka koe mooni oku ou behe kiate kimoutolu: he koe fakailoga o eku gaue fakaabosetolo akimoutolu i ne Eiki.

3 Ko eku tala aeni kiate kinautolu oku eke kiate au:

4 Ikai oku iate kimautolu ke faiteliha ki he kai moe inu?

5 Ikai oku mau faiteliha ki he taki fano o ha tuofefine, be ha unoho, o hage koe kau abosetolo niihi, bea hage koe kaiga oe Eiki, mo Kifasi?

6 Be ko au be mo Banebasa, ikai oku ma faiteliha ke tuku ae gaue?

7 Kohai oku alu ke fai ae tau, kae totogi ia eia be? kohai oku to ae goue vaine, kae ikai kai eia hono fua? bea kohai, oku ne fafaga ae faga manu, bea ikai kai hono hua huhu oe faga manu?

8 Oku ou lea aki ae gaahi mea ni, ka koe tagata be? ikai oku behe be ae fono?

9 He kuo tohi i he fono a Mosese, Oua naa ke nonoo ae gutu oe bulu oku malaki ae uite. Oku tokaga ae Otua ki he faga bulu  be?

10 Kae ikai oku behe be koeuhi ko kitautolu? Koe mooni kuo tohi ia koeuhi ko kitautolu: koeuhi ko ia oku ne keli, oku totonu ene keli i he amanaki lelei; bea ko ia oku ne auau ae uite, ke fai i he amanaki lelei, ke ne lava‘i aia oku ne amanaki lelei ki ai.

11 Kabau kuo mau tutui kiate kimoutolu ae gaahi mea fakalaumalie, bea ko ha mea lahi koa o kabau te mau utu hoo mou gaahi mea fakamama?

12 Bea kabau oku faa ma‘u iate kimoutolu e he niihi ae mea totonu ni, ikai oku totonu lahi ia kiate kimautolu? Nae ikai te mau fai ki he mea totonu ni; ka oku mau kataki ae mea kotoabe, telia naa mau taofi ki he ogoogolelei o Kalaisi.

13 Ikai oku mou ilo, ko kinautolu oku gaue i he gaahi mea tabu, oku nau kai mei he fale lotu lahi? bea mo kinautolu oku tauhi i he ejifeilaulau, oku nau inaji fakataha moe ejifeilaulau?

14 Bea kuo tuutuuni e he Eiki ke behe foki, ke iloga akinautolu oku malaga aki ae ogoogolelei, ke nau ma‘u i he ogoogolelei ae mea ki he jino.

15 Ka kuo ikai teu ala ki he gaahi mea ni: bea oku ikai teu tohi ae gaahi mea ni koeuhi ke fai behe kiate au: ne oku lelei lahi eku mate, i he kau e ha taha ke ne fakataeaoga‘i eku vikiviki.

16 He ne ogo oku ou malaga aki ae ogoogolelei, oku ikai koia oku ou vikiviki ai: he kuo tuku tonu ia kiate au; io, e malaia au, o kabau e ikai teu malaga aki ae ogoogolelei!

17 He kabau teu fai ae mea ni o loto lelei be, oku ai haaku totogi: bea kabau  teu fai fakahoholoto be,  koia ai be, ka kuo vahe kiate au ha lakaga gaue.

18 Koeni, koeha ai eku totogi?  Aeni, i he eku malaga aki ae ogoogolelei keu atu ai ae ogoogolelei o Kalaisi tae ha totogi mai, koeuhi ke oua naaku gaue kovi aki a eku mea totonu aaku i he ogoogolelei.

19 He ne ogo oku ou ataatā mei he tagata kotoabe, ka kuou fakatamaioeiki au ki he kakai kotoabe, koeuhi keu lava‘i mai ae toko lahi hake.

20 Bea neu hage koe Jiu ki he kakai Jiu, koeuhi keu lava‘i mai ae kakai Jiu; neu hage kuou moulaloa ki he fono kiate kinautolu nae moulaloa ki he fono, koeuhi keu lava‘i mai akinautolu oku moulaloa ki he fono;

21 Bea kiate kinautolu oku majiva fono o hage koe majiva fono au, (kae ikai teu majiva fono ki he Otua, kae moulaloa ki he fono kia Kalaisi,) koeuhi keu lava‘i mai akinautolu oku majiva fono.

22 Neu hage kuou vaivai ki he vaivai, koeuhi keu lava‘i mai ae vaivai: kuou hage koe mea kotoabe ki he kakai kotoabe, kau fakamoui i he gaue kotoabe ae niihi.

23 Bea oku ou fai behe ni koeuhi koe ogoogolelei, koeuhi keu ma‘umea ai mo kimoutolu.

24 Ikai oku mou ilo, ko kinautolu oku lele i he fakabuebue oku lele kotoabe, ka oku ma‘u e he toko taha be ae koloa? Ke behe hoo mou lele, koeuhi ke mou ma‘u.

25 Bea koe tagata kotoabe oku fai feiga ke ne ikuna, oku aga fakabotoboto ia i he mea kotoabe. Bea koe mooni oku nau fai ia ke ma‘u ae bale bobogofua; ka ko kitautolu ae bale tae faa bobo.

26 Koia oku behe be eku lele, kae ikai i he fai noa; oku behe be eku fuhu, kae ikai hage ha taha oku tuki ae matagi:

27 Ka oku ou tautea hoku jino, o fakamoulaloa‘i ia: telia naa ai ha mea, oka hili eku malaga ki he kakai, teu hoko ai au koe liaki.