Koe Uluaki Tohi a Jone
Vahe 1
1 Oku ne fakamatala a Kalaisi, aia oku tau ma‘u mei ai ae moui taegata, i he e tau feohi moe Otua: 5 bea totonu ke tau moui maonioni ke fakamooni‘i hono mooni oe tau feohi moe fakaha oe tau tui, bea ke fakamooni foki kuo tau ma‘u ae fakamolemole oe tau gaahi agahala i he bekia a Kalaisi.
¶ 1 KOIA nae i ai talu mei he kamataaga, aia naa mau ogo‘i, bea mamata ki ai aki ho mau mata, bea mau vakai bau ki ai, bea ala ki ai ho mau nima, ki he Folofola oe moui;
2 (He nae fakaha ae moui, bea naa mau mamata, bea fakamooni, mo fakaha kiate kimoutolu ae moui taegata koia, aia nae i he Tamai, bea fakaha mai kiate kimautolu;)
3 Bea ko ia ia kuo mau mamata mo ogo‘i oku mau fakaha kiate kimoutolu, koeuhi ke tau feohi foki mo kimoutolu: bea koe mooni koe mau feohi oku i he Tamai, bea mo hono Alo ko Jisu Kalaisi.
4 Bea oku mau tohi ae gaahi mea ni kiate kimoutolu, koeuhi ke fonu ai hoo mou fiefia.
5 Ko eni ia ae fekau naa mau fanogo meiate ia, mo fakaha kiate kimoutolu, koe māma ae Otua, bea oku ikai iate ia ha fakabouli jii.
6 Kabau oku tau behe, oku tau feohi mo ia, kae aeva i he fakabouli, oku tau loi, bea ikai fai ki he mooni:
7 Bea ka tau ka aeva i he māma, o hage oku i he māma ia, oku tau feohi mo ia, bea koe taataa o Jisu Kalaisi ko hono Alo oku ne fakamaa akitautolu mei he agahala kotoabe.
8 Kabau te tau behe, oku ikai haa tau agahala, oku tau kākā‘i akitautolu, bea oku ikai iate kitautolu ae mooni.
9 Kabau te tau vete e tau gaahi agahala, oku mooni mo agatonu ia ke fakamolemolea e tau gaahi agahala, mo fakamaa akitautolu mei he taemaonioni kotoabe.
10 Kabau te tau behe, nae ikai te tau agahala, oku tau lohiaki‘i ia, bea oku ikai nofoia akitautolu e he ene folofola.