¶ 1 KO kimoutolu ae kau fefine foki, mou fakavaivai ki ho mou unoho o moutolu; koeuhi ka ai ha niihi e ikai talagofua ki he folofola, ke liliu mai akinautolu foki e he aga oe moui ae kau fefine, o taekau ae folofola;

2 I he e nau mamata ki hoo mou moui agamaa  fakataha moe manavahe.

3 Bea ko ho nau teuga ke oua naa itua be, i he fi oe louulu, moe ai oe koula, moe ai oe gaahi kofu;

4 Ka  ke teuga ae tagata fufu oe loto aki ae mea taeauha, aia koe loto agavaivai mo agamalu, bea oku maogooga lahi aubito ia i he ao oe Otua.

5 He nae behe foki ae teuga aki akinautolu e he kau fefine maonioni i mu‘a, naa nau falala ki he Otua, o fakavaivai‘i akinautolu ki ho nau unoho o nautolu:

6 O hage nae talagofua a Sela kia Ebalahame, o ne ui ia eiki: koe fānau aana akimoutolu, lolotoga hoo mou fai lelei, mo taemanavahe i he manavahe kovi.

7 Ko kimoutolu foki ae kau tagata, ke mou nonofo mo  kinautolu o fakatatau ki he ilo, o fakaabaaba ki he unoho, o tāu moe ibu vaivai, bea ke hage koe kauga hoko mo ia ki he ofa fakamoui; bea koeuhi ke oua naa taofia hoo mou gaahi lotu.

8 Bea ko hono fakaoji, ke mou uouagataha be, bea femanavaofaaki kiate kimoutolu, mou ofa fakakaiga, mou loto ogogofua, bea agalelei:

9 O ikai totogi ae kovi aki ae kovi, be koe lea kovi aki ae lea kovi: kae kehe ke tabuaki; he oku mou ilo kuo ui akimoutolu ki ai, koeuhi ke mou ma‘u ae tabuaki.

10 He ko ia oku loto ke ofa ki he moui, bea ke mamata ki he gaahi aho lelei, ke taofi eia hono elelo mei he kovi, mo hono lougutu ke oua naa lea aki ae kākā:

11 Ke afe ia mei he kovi, kae fai lelei; ke kumi eia ae melino, bea tuli ki ai.

12 He oku i he kakai maonioni ae fofoga oe Eiki, bea oku ogo kiate ia e nau gaahi lotu: ka oku houhau ae fofoga oe Eiki kiate kinautolu oku fai kovi.

13 Bea kohai ia te ne fai ha kovi kiate kimoutolu, o ka mou ka faifaitaki kiate kinautolu oku lelei?

14 Bea kabau e mamahi akimoutolu koeuhi koe maonioni, oku mou monuia: bea oua e manavahe ki he e nau faka-manavahe, bea oua e bubutuu;

15 Kae fakaabaaba ki he Eiki koe Otua i ho mou loto: bea mou nofo teu be ke talia i he agavaivai moe manavahe ae tagata kotoabe e ekea akimoutolu ki hono uhiga oe amanaki lelei oku iate kimoutolu:

16 O ma‘u ae atamai lelei; koeuhi, i he e nau lauikovi akimoutolu, o hage koe kau fai kovi, ke ma akinautolu oku nau lohiaki‘i a hoo mou moui lelei ia Kalaisi.

17 He oku lelei lahi, o kabau koe finagalo oe Otua ke behe, ke mou mamahiia koeuhi koe fai lelei, kae oua i be fai kovi.

18 He nae mamahi foki o tuo taha be a Kalaisi koeuhi koe gaahi agahala, koe agatonu ma ae taeagatonu, koeuhi ke ne omi akitautolu ki he Otua, kuo fakabogi ia i he jino, kae fakaake e he Laumalie:

19 Aia nae alu ai ia o ne malaga ki he gaahi laumalie oku i he fale fakabobula;

20 Akinautolu nae talagataa i mu‘a i he tatali moe faa kataki ae Otua i he gaahi aho o Noa, lolotoga ae teuteu ae vaka, aia nae fakamoui ai ae toko jii i he vai, koe toko valu be.

21 Bea ko hono tatau mooni, aia koe babitaiso, oku ne fakamoui eni akitautolu, (ikai koe jiaki oe uli oe kakano, ka koe fakamooni oe atamai lelei ki he Otua,) i he toetuu a Jisu Kalaisi:

22 Aia kuo alu ki loto lagi, bea oku ne i he nima toomatau oe Otua; kuo fakamoulaloa kiate ia ae kau agelo moe gaahi bule moe gaahi malohi.