¶ 1 KO au koe motua, bea koe fakamooni ki he gaahi mamahi a Kalaisi, bea teu kau foki i he nāunāu e fakaha, oku ou eginaki atu ki he kau mātua oku iate kimoutolu:

2 Fafaga ae faga sibi ae Otua oku iate kimoutolu, o leohi ia, ikai i he fakabābākū, ka i he loto fie fai be; ikai koeuhi koe koloa uli, kae i he loto manavakavakava;

3 Bea ikai hage koe kau bule ki he nofoaga, ka koe faifaitakiaga ki he faga sibi.

4 Bea ka ha mai ae Tauhi lahi, e ma‘u ai ekimoutolu ae bale oe nāunāu e ikai mae.

5 Bea ko kimoutolu foki, koe kau talavou, fakavaivai‘i akimoutolu ki he mātua. Io, ke fefakavaivaiaki akimoutolu kotoabe kiate kimoutolu, bea kofu aki ae agavaivai: he oku teke‘i e he Otua ae fielahi, ka oku ne foaki ae aloofa ki he agavaivai.

6 Koia ke fakavaivai akimoutolu i he lalo nima mafimafi oe Otua, ka ne hakeaki‘i akimoutolu i he aho totonu:

7 O tuku hoo mou tokaga kotoabe kiate ia; he oku ne kau kiate kimoutolu.

8 Leo, bea faa vakai; koeuhi ko ho mou fili koe tevolo, oku alu fano, o hage ha laione gugulu, o ne kumi be kohai te ne faa buku hake:

9 Aia mou teke‘i atu o malohi i he tui, o ilo koe gaahi mamahi behe oku kataki e ho mou kaiga oku i mamani.

10 Ka koe Otua oe aloofa kotoabe, kuo ne uiui‘i akitautolu ki hono nāunāu taegata ia Kalaisi Jisu, oka hili hoo mou kataki jii be, ke fakahaohaoa, mo faka-tuu mau, mo fakamalohi, mo fokotuu mau akimoutolu.

11 Ke iate ia ae ogoogo lelei moe bule o taegata bea taegata. Emeni.

12 Kuou tohi jii kiate kimoutolu ia Silivenusi, aia (oku ou behe) koe kaiga agatonu, ke eginaki mo fakaha koe aloofa mooni eni ae Otua, aia oku mou tuu ai.

13 Koe  jiaji oku i Babilone, kuo fili fakataha mo kimoutolu, oku ofa atu kiate kimoutolu; bea oku behe mo Maake ko hoku foha.

14 Mou fetoutou uma aki ae fekita oe ofa. Ke iate kimoutolu kotoabe oku ai Kalaisi Jisu ae melino. Emeni.