Vahe 10
1 Oku fakaha e Baula ae mafai moe bule fakalaumalie kuo tuku kiate ia ki he gaahi gaue kotoabe, koe mea ke ilo e he kau abosetolo loi naa nau lea kovi ki he aga oe jino o Baula, 7 o ne fakababau atu kiate kinautolu oka alu atu ia te nau ilo oku tatau ae malohi o ene lea iate kinautolu, mo ene tohi ka oku kei mamao, 12 bea ne valoki‘i akinautolu i he e nau laka atu o mamao i ho nau lakaga, moe nau bolebole i he gaahi gaue ae kau tagata kehe.
¶ 1 BEA ko au Baula, ko au oku matamata vaivai o kau ka iate kimoutolu, ka i he eku mamao oku ou loto malohi kiate kimoutolu, oku ou fakakolekole kiate kimoutolu i he agavaivai moe agamalu a Kalaisi:
2 Ka oku ou kole, koeuhi ke oua naaku loto malohi i he eku iate kimoutolu, i he bule koia oku ou amanaki keu fai malohi ai ki he niihi, oku nau lau kiate kimautolu o hage oku mau aeva o fakatatau moe kakano.
3 He ne ogo oku mau aeva i he kakano, ka oku ikai te mau tau fakakakano:
4 (He koe mahafu tau oe mau tau oku ikai fakakakano, ka oku malohi lahi i he Otua ke holoki hifo ai ae gaahi kolo malohi;)
5 O holoki ki lalo ae gaahi fakakaukau, moe mea maoluga kotoabe, oku ne fakahikihiki ia ki he ilo oe Otua, bea oku ne fakavaivai ae mahalo kotoabe ki he talagofua kia Kalaisi;
6 Bea oku mau tali teu be ke tautea ae talagataa kotoabe, oka kakato hoo mou talagofua.
7 He oku mou vakai ki he gaahi mea o hage ko hono ha mai itua? Kabau oku ai ha tagata oku ne faaki kiate ia oku a Kalaisi ia, ke toe fifili ki he mea koia iate ia, koeuhi o hage oku a Kalaisi ia, oku a Kalaisi behe be akimautolu.
8 He ka ne lahi hake jii eku bolebole i he e mau malohi, aia kuo tuku mai e he Eiki kiate kimautolu ke laga aki hake, ka oku ikai ko ho mou fakaauha, behe, e ikai teu ma ai:
9 Ka oku ikai teu fie hage kau ka fakamana‘i akimoutolu aki ae gaahi tohi.
10 He oku nau behe, Ko ene gaahi tohi oku mamafa mo malohi; ka oku ha vaivai mai hono jino, bea ko ene lea oku kovi.
11 Ke ilo e he toko taha koia, koia oku ha iate kimautolu i he lea i he gaahi tohi i he e mau mamao, ko kimautolu ai be ia i he gaue oka mau ka i ai.
12 He oku ikai te mau faa fakakau akimautolu, be fakatatau akimautolu, ki he niihi oku fakaogolelei atu akinautolu: ka koe nau fuofua akinautolu aki akinautolu, o fakatatau akinautolu kiate kinautolu, koe fai vale ia.
13 Ka e ikai te mau bolebole ki he gaahi mea itua atu i ho mau lakaga, kae fakatatau ki hono fuofua oe lakaga aia kuo fuofua e he Otua kiate kimautolu, koe fuofua oku a‘u atu foki kiate kimoutolu.
14 He oku ikai te mau mafao atu akimautolu, o hage nae ikai ke mau a‘u atu kiate kimoutolu: he kuo mau a‘u atu kiate kimoutolu foki i he ogoogolelei o Kalaisi:
15 Oku ikai te mau faa bolebole ki he gaahi mea itua i ho mau lakaga, aia koe gaahi gaue ae kau tagata kehe; ka oku mau amanaki lelei, oka fakalahi hoo mou tui, ke mau mafola atu aubito iate kimoutolu kae i ho mau lakaga be,
16 Ke mau malaga aki ae ogoogolelei ki he mamao atu iate kimoutolu, bea ikai ke bolebole i he lakaga gaue ae tagata kehe kuo oji teuteu.
17 Ka ko ia oku bolebole, ke bolebole ia i he Eiki.
18 He oku ikai ko ia oku ne fakaogolelei ia e fakamalo ki ai, ka ko ia oku fakaogolelei ia e he Eiki.