¶ 1 TAUMAIA oku mou faa kataki jii au i he  eku vale: io, mou katakii au.

2 He oku ou fuaa kiate kimoutolu i he fuaa faka‐Otua: he kuou fakanofo akimoutolu ki he unoho be taha, koeuhi keu atu ai akimoutolu koe tāuboou maonioni kia Kalaisi.

3 Ka oku ou manavahe telia naa hage ko hono oloa e he gata i he ene kākā‘i a Ivi, e behe ae fakahala ho mou loto mei he agatotonu aia oku ia Kalaisi.

4 Bea kabau mooni oku malaga aki eia kuo a‘u atu, ae Jisu e taha nae ikai te mau malaga aki, bea kabau oku mou ma‘u ha Laumalie e taha, aia nae ikai te mou ma‘u, be ha ogoogolelei e taha, nae ikai te mou ma‘u, bea neinei te mou faa kataki ia.

5 Ka oku ou lau eau oku ikai jii teu tomui au i he fugani abosetolo lahi.

6 He ne ogo eku taeboto i he lea, ka oku ikai  teu behe i he ilo; ka kuo oji hono fakaha lahi atu akimautolu kiate kimoutolu i he gaahi mea kotoabe.

7 He ko eku fai hala a eku fakavaivai au kae fakahikihiki ai akimoutolu, koeuhi i he eku malaga aki kiate kimoutolu ae ogoogolelei oe Otua tae ha totogi?

8 Naaku fakamajiva‘i ae jiaji niihi, o ma‘u  mei ai ae totogi, keu aoga ai kiate kimoutolu.

9 Bea i he eku i ai mo kimoutolu, beau majiva, nae ikai teu fakamāfajia ha tagata e toko taha: he koia naaku majiva ai, nae omi ia e he kaiga nae ha‘u mei Masitonia: bea kuou fai i he mea kotoabe ke oua naaku fakamāfajia akimoutolu, bea ko hoku loto teu behe be.

10 O hage oku iate au ae mooni a Kalaisi, e ikai taofi au i he bolebole ni, he gaahi botu o Akeia.

11 Koe mea i he ha? koeuhi oku ikai teu ofa kiate kimoutolu? oku ilo‘i e he Otua.

12 Ka koia oku ou fai, teu fai be ia, koeuhi ke tuuji ae tubugalau meiate kinautolu oku kumi ki ai; koeuhi koe mea oku nau viki ai, ke ilo akinautolu oku nau hage ko kimautolu.

13 Ka koe kau abosetolo loi akinautolu, koe kau gaue fakakākā, oku nau fakakehe akinautolu ke hage koe kau abosetolo a Kalaisi.

14 Bea oku ikai koe mea fakaofo ia; he naa mo Setani oku fakakehe foki ia koe agelo oe māma.

15 Koia oku ikai ko ha mea lahi, o kabau e fakakehe ene kau faifekau foki ke hage koe kau faifekau oe maonioni; koe gataaga okinautolu e fakatatau ki he e nau gaahi gaue.

16 Oku ou toe behe, Oua naa mahalo e ha taha koe vale au; bea kabau e behe, bea kataki mu‘a au o tāu moe vale, koeuhi keu bolebole jii iate au.

17 Koia oku ou lea aki, oku ikai teu lea aki mei he Eiki, kae hage koe vale, i he bolebole lahi ni.

18 Koe mea i he bolebole ae toko lahi ki he kakano, teu bolebole foki au.

19 He oku mou kataki fiemalie be ae kau vale, he koeuhi oku mou boto.

20 He kabau oku fakabobula‘i akimoutolu e ha taha, kabau te ne folo hifo, kabau te ne fakamalohi‘i akimoutolu, kabau e fakahikihiki ia, kabau te ne tuki‘i ho mou mata, oku mou kataki be ia.

21 Oku kau eku lea ki he manuki‘i, o hage kuo mooni e mau vaivai. Ka koeni, iloga ha mea oku bole ai ha toko taha, (oku ou lea o hage ha vale,) oku ou bole ai foki.

22 Koe Hebelu akinautolu? oku behe mo au. Koe Isileli akinautolu? oku behe mo au. Koe hako o Ebalahame akinautolu? oku behe mo au.

23 Koe kau faifekau a Kalaisi akinautolu? (oku ou lea o hage ha vale) oku ou lahi hake; i he gaahi gaue lahi aubito, i he gaahi kauimaea o lahi aubito, i he nofo fale fakabobula o liuga lahi hake, bea liuga lahi i he mate.

24 Nae liuga nima a hoku haha e he kakai Jiu, bea taki tolugofulu ma hiva  ae ta.

25 Nae tuo tolu hoku teia aki ae gaahi vaa akau, bea tuo taha hoku tologaki aki ae maka, kuo tuo tolu eku mate i he vaka, koe bo moe aho naaku i he moana;

26 I he faa fai ae gaahi fonoga, i he tuutamaki i he gaahi vai, i he tuutamaki i he kaihaa kau, i he tuutamaki i he kakai o hoku fonua, i he tuutamaki i he hiteni, i he tuutamaki i he kolo, i he tuutamaki i he toafa, i he tuutamaki i he tahi, i he tuutamaki i he kaiga loi;

27 I he ogojia moe gaue mamahi, i he faa leo, i he fiekaia moe fieinu, i he faa aukai, i he momoko moe telefua.

28 Bea ikai be koe gaahi mea ni mei tua, ka koia foki oku fetaomi kiate au i he aho kotoabe, koe tokaga ki he gaahi jiaji kotoabe.

29 Kohai oku vaivai, bea oku ikai teu vaivai ai? kohai oku tūkia, bea oku ikai teu vela ai?

30 Kabau kuo bau be keu bolebole, teu bolebole ki he gaahi mea oku kau ki he eku vaivai.

31 Koe Otua moe Tamai a ho tau Eiki ko Jisu Kalaisi, aia oku monuia o taegata, oku ne ilo‘i oku ikai teu loi.

32 Koe bule i Tamasikusi i he tu‘i ai a Alitasi, naa ne leohi ae kolo oe kakai Tamasikusi aki ae kau tau, o holi ke ne moua au:

33 Bea nae tukutuku hifo au i ha kato mei he katuba i he a, beau hao mei hono nima.