Ko Hono Ua oe Tohi a Baula koe Abosetolo ki he Kakai Kolinito

¶ 1 KO AU BAULA, koe abosetolo a Jisu Kalaisi i he finagalo oe Otua, bea mo Timote ko ho tau kaiga, ki he jiaji oe Otua oku i Kolinito, fakataha moe kaiga maonioni fulibe oku i Akeia kotoabe:

2 Ke iate kimoutolu ae ofa moe melino mei he Otua koe tau Tamai, bea mei he Eiki ko Jisu Kalaisi.

3 Fakafetai ki he Otua, moe Tamai a ho tau Eiki ko Jisu Kalaisi, koe Tamai ae gaahi aloofa, moe Otua oe fiemalie kotoabe;

4 Aia oku ne fakafiemalie‘i akimautolu i be e mau mamahi kotoabe, koeuhi ke mau faa fai ai ke fakafiemalie‘i akinautolu oku mamahiia, aki ae fakafiemalie koia aia oku fakafiemalie‘i aki akimautolu e he Otua.

5 He oku hage ae tubulekina oe gaahi mamahi a Kalaisi iate kimautolu, oku behe, oku tubulekina foki e mau fiemalie ia Kalaisi.

6 Bea kabau oku mau mamahi, koe mea ia ki hoo mou fiemalie moe fakamoui, aia oku gaue lelei ke mou faa kataki ae gaahi mamahi koia oku mau kataki foki: bea kabau kuo fakafiemalie‘i akimautolu, ko hoo mou fakafiemalie ia moe fakamoui.

7 Bea oku tuu mau be e mau amanaki lelei kiate kimoutolu, koe mau ilo, koe mea i hoo mou kau i he gaahi mamahi, te mou kau foki i he fiemalie.

8 He oku ikai ko ho mau loto ke mou taeilo, e kaiga, ki he e mau gaahi mamahi nae hoko kiate kimautolu i Esia, koeuhi nae taomia lahi hake aubito ia i he e mau malohi, koia nae ikai ai te mau amanaki ki he moui:

9 Ka naa mau ogo‘i kuo tuku bau akimautolu ki he mate, koeuhi ke oua naa mau falala kiate kimautolu, ka ki he Otua aia oku ne fokotuu hake ae mate:

10 Aia naa ne fakamoui akimautolu mei he mate lahi koia, bea oku ne kei fakamoui: bea oku mau falala te ne kei fakamoui be;

11 I he tokoni fakataha akimoutolu foki i he lotua akimautolu, koeuhi koe foaki  kuo tuku kiate kimautolu i he kau ae toko lahi, e atu ai ae fakafetai e he toko lahi koeuhi ko kimautolu.

12 He koe mau fiefiaaga eni, koe fakamooni o ho mau loto, koeuhi i he loto taha, moe mooni faka‐Otua, kae ikai i he boto fakakakano, kae i he ofa ae Otua, kuo mau fai ho mau lakaga i he mamani, kae lahi taha be kiate kimoutolu.

13 He oku ikai te mau tohi ha mea kehe kiate kimoutolu, ka koia be oku mou ilo mo tui ki ai; bea oku ou amanaki ke mou tui o a‘u ki he gataaga;

14 O hage koe ilo akimautolu foki e ho mou niihi, ko ho mou fiefiaaga akimautolu, io, o hage oku amautolu akimoutolu i he aho oe Eiki ko Jisu.

15 Bea i he tui ni naaku loto ke alu atu kiate kimoutolu i mu‘a, koeuhi ke mou ma‘u hono ua oe mea ofa;

16 Bea keu alu atu iate kimoutolu ki Masitonia, bea keu toe ha‘u mei Masitonia kiate kimoutolu, bea ke iate kimoutolu ke moimoi‘i au i hoku fonoga ki Jutea.

17 Bea i he eku loto ki ai, naaku vai-vaiga aki? be koe gaahi mea oku ou tuutuuni, oku ou tuutuuni o fakatatau ki he kakano, koeuhi ke iate au ae io io, mo ikai ikai?

18 Ka oku mooni ae Otua, koe mau lea atu kiate kimoutolu nae ikai koe io mo ikai.

19 He koe Alo oe Otua, ko Jisu Kalaisi, aia nae malaga aki kiate kimoutolu ekimautolu,  io, eau mo Sili-venusi mo Timote, nae ikai koe io mo ikai, ka nae io be iate ia.

20 He koe gaahi talaofa kotoabe ae Otua oku io be iate ia, bea Emeni iate ia, ki he ogoogo lelei oe Otua iate kimautolu.

21 Bea koe Otua ia, aia oku ne fakatuu mau akimautolu fakataha mo kimoutolu ia Kalaisi, bea ko ia ia ne ne bani akitautolu;

22 Aia kuo ne fakailoga foki akitautolu, o ne foaki mai ae fakamooni, koe Laumalie i ho tau loto.

23 Ka oku ou ui ki he Otua ke ne fakamooni ki hoku laumalie, koe mea i he eku ofa kiate kimoutolu, oku teeki teu alu atu ai ki Kolinito.

24 Ka oku ikai koe mea ke mau bule‘i hoo mou tui, ka koe kau tokoni ki hoo mou fiefia: he oku mou tuu i he tui.