Ko Hono Ua oe Tohi a Baula koe Abosetolo kia Timote
Vahe 1
1 Koe ofa a Baula kia Timote, moe tui taeloi kuo ia Timote, mo ene fa‘e, bea mo ene kui. 6 Oku akonaki ia e Baula ke ne gaue aki ae foaki ae Otua kuo iate ia, 8 ke tuu mau, mo faa kataki i he fakataga, 13 bea ke fakakukafii i he lea moe mooni oe akonaki koia kuo ne fanogo ai ia Baula. 15 Oku ne lea kia Faijelo mo Hemojine moe niihi behe, bea ne fakaogolelei lahi a Onesifolo.
¶ 1 KO AU BAULA, koe abosetolo a Jisu Kalaisi i he finagalo oe Otua, o fakatatau ki he talaofa oe moui aia oku ia Kalaisi Jisu.
2 Ke ia Timote, koe foha ofeina, ae aloofa, moe ofa mataataata be, moe melino, mei he Otua koe Tamai mo Kalaisi Jisu ko ho tau Eiki.
3 Oku ou fakafetai ki he Otua, aia oku ou tauhi, o hage koe gaahi tamai i mu‘a, i he atamai maonioni, oku ou manatu mau ai be kiate koe i he eku gaahi lotu i he bo moe aho;
4 O holi lahi keu mamata kiate koe, i he eku manatu ki hoo gaahi loimata, koeuhi keu fonu i he fiefia;
5 I he eku fakamanatu ki he tui taeloi oku iate koe, aia nae muaki nofoia hoo kui fefine ko Loisi, mo hoo fa‘e ko Iunisi; bea oku ou ilo oku iate koe foki.
6 Koia oku ou fakamanatu ai kiate koe ke ke tafutafu ae mea foaki ae Otua, aia oku iate koe i he hilifaki a hoku nima.
7 He nae ikai foaki e he Otua kiate kitautolu ae laumalie oe manavajii; ka koe malohi, moe ofa, moe loto faka-botoboto.
8 Koia ke oua naa ke ma koe ki he fakamooni a ho tau Eiki, be kiate au ko ene bobula: ka ke kau koe i he gaahi mamahi oe ogoogolelei o tāu moe malohi oe Otua;
9 Aia kuo ne fakamoui o ne ui akitautolu i he uiui‘i maonioni, o ikai fakatatau moe tau gaahi gaue, ka oku fakatatau mo ene tuutuuni, moe aloofa aia nae foaki kiate kitautolu ia Kalaisi Jisu i he heeki ai tuu a mamani,
10 Ka kuo ha eni i he fakaha a ho tau Fakamoui ko Jisu Kalaisi, aia kuo ne ikuna ae mate, bea kuo ne fakaha i he māma ae moui moe taemate i he ogoogolelei:
11 Aia nae fakanofo au keu malaga aki ia, koe abosetolo, moe akonaki oe kakai Jenitaile.
12 Koe mea koia oku ou kataki ai ae gaahi mea ni: ka oku ikai teu ma: he oku ou ilo aia kuou tui ki ai, bea oku bau hoku loto oku faa fai eia ke tauhi aia kuou tuku kiate ia o a‘u ki he aho koia.
13 Buke ke ma‘u ae jino oe gaahi lea haohaoa, aia naa ke fanogo ai iate au, i he tui moe ofa aia oku ia Kalaisi Jisu.
14 Koe mea lelei koia nae tuku kiate koe ke ke tauhi i he Laumalie Maonioni, aia oku nofoia akitautolu.
15 Oku ke ilo ae mea ni, koeuhi ko kinautolu kotoabe oku i Esia kuo nau jiaki au; aia kuo kau ai a Faijelo mo Hemojine.
16 Ke foaki e he Eiki ae aloofa ki he fale o Onesifolo; he nae liuga lahi ene tokoni‘i au, bea nae ikai ma ia i hoku ha‘i ukamea:
17 Ka i he ene i Loma, naa ne kumi lahi kiate au, o ne ilo‘i au.
18 Ofa ke tuku kiate ia e he Eiki ke ne ma‘u ae aloofa mei he Eiki i he aho koia: bea koe gaahi mea kehekehe naa ne tokoni‘i ai au i Efeso, oku ke ilo be.