¶ 1 BEA nae i he jiaji i Aniteoke ae niihi koe kau balofita moe akonaki; ko Banebasa, mo Simione oku ui ko Nika, mo Lusio mei Sailine, mo Maneno, aia naa na nonofo mo Helota koe tu‘i, bea mo Saula.

2 Bea lolotoga e nau gaue ki he Eiki, mo aukai, nae behe e he Laumalie Maonioni, Vavahe mai maaku a Banebasa mo Saula ki he gaue kuou fili akinaua ki ai.

3 Bea kuo nau aukai mo lotu, bea nau hili ho nau nima kiate kinaua, o tuku ke na o.

¶ 4 Bea kuo fekau akinaua e he Laumalie Maonioni, naa na o ki Selusia; bea folau mei ai ki Saibalo.

5 Bea i he e na i Salamisi, naa na malaga aki ae folofola ae Otua i he gaahi fale lotu oe kakai Jiu: bea nae iateki naua foki a Jone ko  ho na tauhi.

6 Bea kuo oji ae motu i he e nau alu, bea nau a‘u ki Bafosi, o nau ilo ai ae fie mana e toko taha, koe balofita loi, koe Jiu, nae higoa ko Bajisu:

7 Nae nonofo ia moe bule oe fonua, ko Sejio Baula, koe tagata boto; bea nae ui mai eia kia Banebasa mo Saula, ko ene fie fanogo ki he folofola ae Otua.

8 Ka nae fakataga akinaua e he fie mana ko Elima, (he ko hono uhiga ia o hono higoa,) o ne ahiahi ke taofi ae bule ke oua naa tui ia.

9 Bea nae fonu a Saula, (aia foki ko Baula,) i he Laumalie Maonioni, bea ne jio fakamama‘u kiate ia,

10 Mo ne behe, Akoe, oku ke fonu i he kākā kotoabe moe bauu kotoabe, koe foha oe tevolo, koe fili oe maonioni kotoabe, e ikai te ke tuku hoo fakakovi‘i ae gaahi hala totonu oe Eiki?

11 Bea koeni, vakai, kuo iate koe ae nima oe Eiki, bea te ke kui, bea e ikai te ke mamata ki he laa o fuoloa. Bea to leva kiate ia ae nenefu moe fakabouli; bea ne tautaufa o kumi ha taha ke ne tataki ia i hono nima.

12 Bea kuo mamata e he bule ki he mea kuo fai, bea tui ia, he kuo ofo i he akonaki ae Eiki.

13 Bea kuo alu a Baula mo hono kau fonoga i Bafosi, naa nau a‘u ki Beaka i Bamifilia: bea liaki akinaua e Jone, kae foki ia ki Jelusalema.

¶ 14 Bea kuo na o i Beaka, bea na a‘u ki Aniteoke i Bisitia, bea hu ki he fale lotu i he aho sabate, o nofo hifo.

15 Bea hili ae lau oe fono moe kau balofita, nae fakaha e he kau bule oe fale lotu kiate kinaua, o behe, Ogo tagata koe kaiga, kabau oku iateki moua ha akonaki ma ae kakai, ke mo lea.

16 Bea tuu hake a Baula, o kamo aki hono nima, mo ne behe, Ae kakai Isileli, mo kimoutolu oku manavahe ki he Otua, tokaga mai.

17 Koe Otua oe kakai Isileli ni, naa ne fili e tau gaahi tamai, bea ne hakeaki‘i ae kakai i he nofo aunofo i he fonua ko Ijibite, bea ne omi akinautolu mei ai aki ae nima kuo mafao.

18 Bea naa ne kataki e nau aga i he toafa i he ta‘u e fagofulu nai.

19 Bea i he fakaauha eia ae buleaga e fitu i he fonua ko Kenani, naa ne tufaki ho nau fonua kiate kinautolu i he talotalo.

20 Bea hili ia, nae foaki ae kau fakamāu i he ta‘u e fageau moe nimagofulu nai, o a‘u kia Samuela koe balofita.

21 Bea hili ia, naa nau holi ki ha tu‘i: bea nae tuku e he Otua kiate kinautolu, i he ta‘u e fagofulu, a Saula koe foha o Kisi, koe tagata i he faahiga o Benijamine.

22 Bea kuo ne liua ia, bea ne fokotuu a Tevita ko ho nau tu‘i; aia naa ne fakamooni ai, o behe, Kuou ilo a Tevita koe foha o Jese, koe tagata tatau mo hoku loto, bea e fai eia a hoku loto kotoabe.

23 Bea kuo fokotuu ki Isileli e he Otua i he hako oe tagata ni ae Fakamoui ko Jisu, o hage koe talaofa:

24 Ka nae fuofua malaga aki e Jone ae babitaiso oe fakatomala, ki he kakai kotoabe o Isileli, i he teeki ai ha‘u ia.

25 Bea i he fakaoji e Jone ene lakaga, naa ne behe, Oku mou behe kohai au? Oku ikai ko ia au. Kae vakai, oku muimui mai ae toko taha iate au, aia oku ikai tāu mo au keu vete ae tobuva‘e mei hono va‘e.

26 Ae kau tagata koe kaiga, koe fānau ae hako o Ebalahame, mo ia fulibe iate kimoutolu oku manavahe ki he Otua, kuo fekau mai kiate kimoutolu ae tala oe fakamoui ni.

27 He ko kinautolu oku nofo i Jelusalema, mo ho nau kau bule, koe mea i he e nau taeilo ia, moe le‘o oe kau balofita oku lau i he aho sabate kotoabe, kuo nau fakamooni ia i he fakamāu‘i ke mate.

28 Bea ne ogo ae ikai be te nau ilo ha mea ke mate ai ia, ka naa nau kole kia Bailato a hono tamate‘i.

29 Bea hili e nau fakamooni aia kotoabe kuo tohi kiate ia, naa nau vete hifo ia mei he akau, o tuku ki he fonualoto.

30 Ka nae fokotuu ia e he Otua mei he mate:

31 Bea nae mamata kiate ia i he gaahi aho lahi akinautolu nae omi mo ia mei Kaleli ki Jelusalema, aia ko ene kau fakamooni ki he kakai.

32 Bea oku ma fakaha kiate kimoutolu ae ogoogolelei, koeuhi i he talaofa nae tuku ki he gaahi tamai,

33 Koia kuo fakamooni e he Otua kiate kitautolu koe nau fānau, i he ene toe fokotuu a Jisu; o hage koia kuo tohi i hono ua oe Same, Ko hoku Alo koe, kuou fakatubu koe he aho ni.

34 Bea koeuhi ko ene fokotuu ia mei he bekia, ke oua naa toe foki ki he auauha, naa ne lea behe, Teu tuku kiate kimoutolu ae gaahi mea ofa mooni a Tevita.

35 Koia oku behe ai foki eia i he  Same e taha, E ikai te ke tuku a hoo Toko Taha Maonioni ke ilo ae auauha.

36 He kuo hili ae fai e Tevita i hono kuoga ki he finagalo oe Otua, ne mohe ia, bea tanu ia mo ene gaahi tamai, bea ilo eia ae auauha:

37 Ka ko ia nae toe fokotuu e he Otua, nae ikai ilo eia ae auauha.

¶ 38 Koia ke ilo ekimoutolu, ae kau tagata koe kaiga, oku malaga aki kiate kimoutolu i he tagata ni ae fakamolemole oe agahala:

39 Bea koe mea iate ia, ko kinautolu kotoabe oku tui, oku fakatonuhia‘i mei he mea kotoabe, aia nae ikai faa fakatonuhia mei ai e he fono a Mosese.

40 Koia vakai telia naa hoko kiate kimoutolu aia oku fakaha i he kau balofita;

41 Vakai, akimoutolu ae kau luma, bea ofo, mo malaia: he oku ou fai ha gaue i ho mou gaahi aho, ha gaue e ikai aubito te mou tui ki ai, ne ogo hono fakaha e ha tagata kiate kimoutolu.

¶ 42 Bea i he alu ae kakai Jiu i he fale lotu, nae kole ae Jenitaile ke malaga aki kiate kinautolu ae gaahi lea ni i he sabate e ha‘u.

43 Bea kuo tutuku ae kakai, nae muimui ia Baula mo Banebasa ae Jiu moe kakai ului faa lotu toko lahi: bea naa na lea kiate kinautolu, o akonaki‘i ke nau tuu mau i he ofa ae Otua.

44 Bea hoko ki he aho sabate e taha, nae meimei fakataha ae kolo kotoabe, ke fanogo ki he folofola ae Otua.

45 Ka i he mamata ae kakai Jiu ki he fuu toko lahi, naa nau feiga aubito, mo nau lea kehe ki he gaahi mea nae lea aki e Baula, o fakakikihi mo lea kovi lahi.

46 Bea nae toki malohi ai ae loto o Baula mo Banebasa, o na behe, Nae totonu ke tomua lea aki ae folofola ae Otua kiate kimoutolu: ka i hoo mou tekei atu ia iate kimoutolu, bea fakaha oku ikai te mou aoga ki he moui taegata, vakai, te ma o ki he kakai Jenitaile.

47 He kuo behe ae fekau ae Eiki kiate kimautolu, Kuou fokotuu koe koe māma ki he gaahi Jenitaile, bea koeuhi koe mouiaga ki he gaahi gataaga o mamani.

48 Bea i he fanogo eni e he kakai Jenitaile, naa nau fiefia, mo fakamaloia ae folofola ae Otua: bea nae tui akinautolu kotoabe nae loto ki he moui taegata.

49 Bea nae malaga aki ae folofola ae Eiki i he fonua kotoabe koia.

50 Ka nae fakatubu e he kakai Jiu ae loto oe kau fefine eiki kuo lotu, moe kau matābule tagata oe kolo, o nau fakalaga ae fakataga kia Baula mo Banebasa, bea nae kabuji akinaua i ho nau fonua.

51 Ka naa na tūtū ae efu mei ho na va‘e kiate kinautolu, bea na o ki Ikoniume.

52 Bea nae fakabito aki ae kau akoga ae fiefia, moe Laumalie Maonioni.