¶ 1 BEA nae behe i Ikoniume, naa na o fakataha ki he fale lotu oe kakai Jiu, bea koe mea i he e na lea, nae tui ae fuu toko lahi i he Jiu moe Jenitaile.

2 Ka koe kau Jiu taetui, naa nau ue‘i kovi ae kakai Jenitaile, o fakakovi‘i ho nau loto ki he kaiga.

3 Ka nae nofo fuoloa ai akinaua, o na lea malohi i he Eiki, bea nae fakamooni eia ki he folofola o ene aloofa, o ne tuku ke fai e ho na nima ae gaahi mana moe mea fakaofo.

4 Ka nae vaeua ae kakai oe kolo: nae kau ae niihi ki he kakai Jiu, ka koe niihi ki he ogo abosetolo.

5 Bea fai ke feohofi ae Jenitaile, moe Jiu mo ho nau gaahi bule, ke gaohi kovi‘i mo tologaki aki ae maka akinaua.

6 Bea naa na ilo ki ai, bea na hola ki Lisita mo Teabe, koe ogo kolo o Likonia, bea ki he gaahi botu nae vaofi:

7 Bea naa na malaga aki ai ae ogoogolelei.

¶ 8 Bea nae nofo i Lisita ae tagata e taha, nae vee mate, koe bibiki ia mei he manāva o ene fa‘e, kuo teeki aubito ke eveeva:

9 Bea nae fanogo ia ki he lea a Baula: aia nae jio fakamama‘u kiate ia, bea ne ilo kuo ma‘u eia ae tui ke moui ai,

10 Bea ne lea aki ae le‘o lahi, Tuu totonu hake i ho va‘e. Bea nae hobohobo ia, o eveeva.

11 Bea i he mamata ae kakai ki he mea kuo fai e Baula, naa nau kalaga, i he lea faka‐Likonia, o behe, Kuo maliu hifo ae gaahi otua kiate kitautolu i he aga oe tagata.

12 Bea naa nau ui a Banebasa, ko Jubita; kae  ui a Baula, ko Mekulio, koeuhi ko ia ia nae faa malaga.

13 Bea koe taulaeiki o Jubita, aia nae i ho nau vee kolo, ne omi eia ki he mataba ae faga bulu, moe tuiga kakala, bea nau tokaga moe kakai ke feilaulau.

14 Ka i he fanogo ki ai ae ogo abosetolo, ko Banebasa mo Baula, naa na haehae ho na kofu, bea na felele‘i ki he kakai, mo na kalaga,

15 O behe, Ae kau tagata, koeha oku mou fai ai ae gaahi mea ni? Koe ogo tagata be akimaua o hage ko kimoutolu, bea oku ma malaga kiate kimoutolu ke mou tafoki mei he gaahi vaiga ni ki he Otua moui, aia naa ne gaohi ae lagi, mo mamani, moe tahi, moe mea kotoabe oku i ai:

16 Aia naa ne tuku ke eveeva ae gaahi buleaga kotoabe i ho nau gaahi hala, i he gaahi kuoga kuo hiliage.

17 Ka nae ikai ke ne tuku ia tae haane fakamooni, he nae fai lelei mai eia, o tuku kiate kitautolu ae uha mei he lagi, moe gaahi ta‘u mahu, o ne fakabito aki akitautolu ae mea kai moe fiefia.

18 Bea nae ikai te na meimei faa taofi ae kakai, aki ae lea ni, ke oua te nau feilaulau kiate kinaua.

¶ 19 Bea nae ha‘u ki ai ae tuuga Jiu mei Aniteoke mo Ikoniume, o nau fakalotokovi‘i ae kakai, bea hili e nau tologaki a Baula aki ae maka, nae toho ia ki he tuua kolo, o nau mahalo kuo mate ia.

20 Kae lolotoga ae tuu takatakai ae kau akoga iate ia, nae tuu hake ia, o alu ki he kolo: bea koe aho naa na feholo‘i, naa na o ai mo Banebasa ki Teabe.

21 Bea kuo na malaga aki ae ogoogolelei i he kolo koia, mo na fakalotu‘i ae toko lahi, bea na liu mai ki Lisita, mo Ikoniume, mo Aniteoke,

22 O na tokoni‘i ae loto oe kau akoga, bea akonaki ke nau tuu ma‘u i he tui, koeuhi kuo tonu ke tau hu ki he buleaga oe Otua i he mamahi lahi.

23 Bea kuo na fakanofo ae kau mātua i he jiaji kotoabe o fai ae lotu moe aukai, naa nau tuku akinautolu ki he Eiki, aia kuo nau tui ki ai.

24 Bea kuo oji a Bisitia i he e na alu, bea na hoko ki Bamifilia.

25 Bea hili e na malaga aki ae folofola i Beaka, bea na o hifo ki Ataleia.

26 Bea folau mei ai ki Aniteoke, aia nae tomua tuku atu akinaua mei ai ki he aloofa ae Otua, koeuhi koe gaue kuo na fakaoji.

27 Bea kuo na hoko age, o fakakatoa ae jiaji, bea na fakamatala aia kotoabe kuo fai e he Otua iate kinaua, mo ene fakaava ae mataba oe tui ki he gaahi Jenitaile.

28 Bea naa nau nonofo ai moe kau akoga o fuoloa.