¶ 1 BEA kuo nau alu i Amifiboli mo Abolonia, bea nau a‘u ki Tesalonika, bea nae i ai ae fale lotu oe kakai Jiu.

2 Bea nae alu a Baula kiate kinautolu, o hage ko ene faa fai, bea ne malaga aki ae gaahi tohi kiate kinautolu i he aho sabate e tolu,

3 O fakamatala mo fakamooni, nae tāu mo Kalaisi ke mamahi, mo toe tuu mei he bekia; bea ko Jisu eni, oku ou malaga aki kiate kimoutolu, koe Kalaisi ia.

4 Bea nae tui ho nau niihi, o nau kau taha mo Baula mo Sailosi; bea moe toko lahi i he Kiliki kuo lotu, bea moe kau fine eiki toko lahi.

¶ 5 Ka koe kakai Jiu nae ikai tui, naa nau meheka, bea naa nau ave mo kinautolu ae kau jiana bauu, bea tanaki ae toko lahi, o nau veuveuki ae kolo, bea feohofi ki he fale o Jesoni, o kumi ke omi akinaua kitua ki he kakai.

6 Bea i he ikai te nau ilo akinaua, naa nau toho a Jesoni moe kaiga niihi ki he kau fakamāu oe kolo, mo nau kalaga, Ko kinautolu kuo fulihi a mamani, kuo nau ha‘u foki ki heni;

7 Bea kuo ma‘u akinautolu e Jesoni: bea oku nau fai kehe kotoabe moe gaahi fono a Sisa, mo nau behe, oku ai ae tu‘i e taha, ko Jisu.

8 Bea naa nau fakamanavahe‘i ae kakai moe kau fakamāu oe kolo, i he e nau fanogo ki he gaahi mea ni.

9 Bea i he e nau ma‘u ae tuku lea totogi a Jesoni mo hono toe oe kaiga, naa nau tukuage akinautolu.

¶ 10 Bea nae tukuage leva e he kaiga a Baula mo Sailosi ke na o bouli ki Belea: bea kuo na a‘u ki ai, bea na hu ki he fale lotu oe kakai Jiu.

11 Bea nae loto lelei akinautolu ni iate kinautolu i Tesalonika, he naa nau ma‘u ae folofola moe loto fiefia, o nau kumi i he gaahi tohi i he aho kotoabe, ki hono mooni oe gaahi mea ni.

12 Koia nae tui ai ae toko lahi iate kinautolu; bea moe kau fine eiki i he kakai Kiliki, bea moe kau tagata toko lahi.

13 Bea kuo ilo e he kakai Jiu i Tesalonika kuo malaga aki e Baula ae folofola ae Otua i Belea, naa nau alu ki ai, o fakamaveuveu‘i ae kakai.

14 Bea tukuage leva e he kaiga a Baula ke hala tahi ia o alu: ka nae nofo be i ai a Sailosi mo Timote.

15 Bea ko kinautolu nae fakahinohino a Baula, naa nau omi ia ki Atenisi: bea kuo nau ma‘u ae fekau kia Sailosi mo Timote, ke na ha‘u vave kiate ia, naa nau alu.

¶ 16 Bea nae kei tatali a Baula kiate kinaua i Atenisi, bea gau‘eue hono laumalie iate ia, i he ene mamata kuo bito ae kolo i he tamabua.

17 Bea nae kikihi ia i he fale lotu moe kakai Jiu, bea moe kakai kuo lotu, bea mo kinautolu naa nau fetaulaki mo ia i he botu fakatau i he aho kotoabe.

18 Bea nae toki fetaulaki mo ia ae kau fieboto  oe faahiga o Ebikulio, mo Sitoiko. Bea behe e he niihi, Koeha oku lau e he balau na? Bea  behe e he niihi, Oku matamata fakaha otua foou ia: koeuhi naa ne malaga aki kiate kinautolu a Jisu, moe toetuu.

19 Bea nae omi ia, o ave ki he Aleobeiko, mo nau behe, Oku mau fie ilo be koeha ae akonaki foou ni, oku ke lea aki.

20 He oku ke omi mea foou ki ho mau teliga: koia oku mau fie ilo ai hono uhiga oe gaahi mea ni.

21 (He koe kakai Atenisi kotoabe, moe āunofo i ai, naa nau matuaki nofo be ke lau, mo fakafanogo ki he mea foou.)

¶ 22 Bea nae tuu a Baula i he lotolotoga oe Aleobeiko, o ne behe, Akimoutolu i Atenisi, oku ou vakai oku mou faa fai o lahi ae lotu.

23 Koeuhi i he eku alu, oku ou mamata ki he mea oku mou lotu ki ai, bea neu ilo ae ejifeilaulau, oku tuu ai ae tohi ni, KI HE OTUA OKU IKAI ILOA. Bea ko ia oku mou lotu tae ilo ki ai, ko ia ia oku ou fakaha kiate kimoutolu.

24 Koe Otua aia naa ne gaohi a mamani moe mea kotoabe oku i ai, oku ikai nofo ia i he gaahi fale kuo gaohi e he nima, he koe Eiki ia oe lagi mo mamani;

25 Bea oku ikai tauhi aki ia ae nima oe tagata, o hage oku majiva ia i ha mea, he oku foaki eia ki he mea kotoabe ae moui, moe mānava, moe mea kotoabe;

26 Bea nae gaohi eia i he toto be taha ae gaahi kakai kotoabe ke nofo i he fuga o mamani kotoabe, bea kuo tomua tuku bau ae gaahi kuoga, moe gataaga o ho nau nofoaga;

27 Ke nau kumi ki he Eiki, o tautaufā ki ai, hei ilo be te nau ma‘u ia, ka oku ikai mamao ia mo kitautolu taki taha kotoabe.

28 He oku tau moui, mo gau‘eue, mo nofo be, iate ia; o hage koe lea ae niihi i hoo mou kau tohi hiva, He ko hono hako foki akitautolu.

29 Bea kabau koe hako oe Otua akitautolu, oku ikai lelei e tau mahalo oku tatau ae Otua moe koula, be koe siliva, be koe maka, kuo togitogi aki ae boto moe filioi oe tagata.

30 Bea nae ikai fie afio‘i e he Otua ae gaahi kuoga oe vale ni, ka oku ne fekau eni ki he kakai kotoabe, i he botu kotoabe, ke nau fakatomala:

31 Koeuhi kuo ne kotofa ae aho, te ne fakamāu maonioni ai a mamani, i he tagata kuo ne fakanofo; bea kuo ne fakababau ia ki he kakai kotoabe, i he ene fokotuu ia mei he bekia.

¶ 32 Bea i he e nau fanogo ki he toetuu ae bekia, nae manuki ae niihi: kae behe e he niihi, Te mau toe fanogo iate koe ki he mea ni.

33 Bea alu ai a Baula iate kinautolu.

34 Ka nae bikitai ae kau tagata niihi kiate ia, bea nau tui: bea nae i ai a Taionisio oe Aleobeiko, bea koe fefine nae higoa ko Temalisi, bea moe niihi foki mo kinautolu.